ಅಧಿಕೃತ ಬಿಡುಗಡೆಗೂ ಮುನ್ನವೇ 'Redmi Watch 2' ಬೆಲೆ ಲೀಕ್!

ಇದೇ ಅಕ್ಟೋಬರ್ 28 ರಂದು Redmi Note 11 ಸರಣಿ ಸ್ಮಾರ್ಟ್‌ಫೋನ್‌ಗಳ ಜೊತೆಗೆ 'ರೆಡ್‌ಮಿ ವಾಚ್ 2' ಸ್ಮಾರ್ಟ್‌ವಾಚ್ ಕೂಡ ಬಿಡುಗಡೆಯಾಗುತ್ತಿದ್ದು, ನೂತನ ವಾಚ್‌ನಲ್ಲಿ ದೊಡ್ಡದಾದ AMOLED ಡಿಸ್‌ಪ್ಲೇ, 5ATM ನೀರು-ನಿರೋಧಕ, ಹೃದಯ ಬಡಿತ ಮೇಲ್ವಿಚಾರಣೆ ಮತ್ತು ನಿದ್ರೆಯ ಟ್ರ್ಯಾಕಿಂಗ್ ಸೇರಿದಂತೆ ವೈಶಿಷ್ಟ್ಯಗಳು ಇರುವುದನ್ನು ಕಂಪೆನಿ ಬಹಿರಂಗಪಡಿಸಿದೆ. ಇದರ ಜೊತೆಯಲ್ಲೇ, ಹೊಸ ಮಾಹಿತಿ ಸೋರಿಕೆಯು Redmi Watch 2 ಬಿಡುಗಡೆಯ ಕೆಲವೇ ದಿನಗಳ ಮೊದಲ ಅದರ ಬೆಲೆ ಎಷ್ಟಿರಬಹುದು ಎಂಬುದನ್ನು ಖಚಿತಪಡಿಸಿದೆ. ಚೀನಾದ ಇ-ಕಾಮರ್ಸ್ ಸೈಟ್ JD.com ನಲ್ಲಿ Redmi Watch 2 ಬೆಲೆಯನ್ನು ಗುರುತಿಸಲಾಗಿದೆ.

ಹೌದು, ಬಿಡುಗಡೆಗೆ ಮುಂಚಿತವಾಗಿ JD.com ನಲ್ಲಿ Redmi Watch 2 ಬೆಲೆಗಳನ್ನು ಗುರುತಿಸಲಾಗಿದ್ದು, ರೆಡ್ಮಿ ವಾಚ್ 2 ಬಿಡುಗಡೆ ಮಾಡುವಾಗ ಸಿಎನ್ವೈ 399 (ಅಂದಾಜು ರೂ. 4,600) ಬೆಲೆಯಿರಬಹುದು ಎಂದು ಪಟ್ಟಿ ಮಾಡಿರುವುದನ್ನು GizmoChina ತನ್ನ ವರದಿಯಲ್ಲಿ ಹೇಳಿದೆ. JD.com ನಲ್ಲಿನ 'ಗೆಸ್ ಯು ಲೈಕ್' ವಿಜೆಟ್‌ನಲ್ಲಿ ರೆಡ್ಮಿ ವಾಚ್ 2 ಗುರುತಿಸಲಾಗಿದೆ ಮತ್ತು Redmi ವಾಚ್ 2 ಉತ್ಪನ್ನದ ಮೇಲೆ ಕ್ಲಿಕ್ ಮಾಡುವುದರಿಂದ ಸ್ಮಾರ್ಟ್‌ವಾಚ್ ಇನ್ನೂ ಘೋಷಿಸಲಾಗಿಲ್ಲ ಎಂಬ ಸಂದೇಶವನ್ನು ಪ್ರದರ್ಶಿಸುತ್ತದೆ. ಆದರೆ, ರೆಡ್ಮಿ ವಾಚ್ 2 ಬೆಲೆಯು ಬಹುತೇಕ ಸಿಎನ್ವೈ 399 (ಅಂದಾಜು ರೂ. 4,600) ಆಗಿರಲಿದೆ ಎಂದು GizmoChina ವರದಿಯಲ್ಲಿ ಹೇಳಲಾಗಿದೆ.

Redmi ವಾಚ್ 2 1.6-ಇಂಚಿನ AMOLED ಡಿಸ್ಪ್ಲೇಯನ್ನು ಹೊಂದಿರುತ್ತದೆ ಮತ್ತು ಇದು 1.6 ಇಂಚಿನ ಎಲ್‌ಸಿಡಿ ಹೊಂದಿರುವ ಮೂಲ ರೆಡ್‌ಮಿ ವಾಚ್‌ಗಿಂತ ಅಪ್‌ಗ್ರೇಡ್ ಆಗಿ ಬರುತ್ತದೆ.ಹೊಸ ಮಾದರಿಯಲ್ಲಿನ AMOLED ಡಿಸ್‌ಪ್ಲೇ ಹಿಂದಿನ ಮಾದರಿಯೊಂದಿಗೆ ಹೋಲಿಸಿದಾಗ ಉತ್ತಮ ಕಾಂಟ್ರಾಸ್ಟ್ ಅನ್ನು ನೀಡುವ ನಿರೀಕ್ಷೆಯಿದೆ. ಇದು ಅಸ್ತಿತ್ವದಲ್ಲಿರುವ ರೆಡ್‌ಮಿ ವಾಚ್‌ಗಿಂತ ದೊಡ್ಡ ಸ್ಕ್ರೀನ್-ಟು-ಬಾಡಿ ಅನುಪಾತಹೊಂದಿರಲಿದೆ ಹಾಗೂ ವಿದ್ಯುತ್ ದಕ್ಷತೆಗೆ ಸಂಬಂಧಿಸಿದಂತೆ AMOLED ಪ್ಯಾನಲ್‌ಗಳು ತಮ್ಮ LCD ಕೌಂಟರ್‌ಪಾರ್ಟ್ಸ್‌ಗಳಿಗಿಂತ ಉತ್ತಮವೆಂದು ಪರಿಗಣಿಸಲ್ಪಟ್ಟಿರುವುದರಿಂದ ಇದು ಸುಧಾರಿತ ಬ್ಯಾಟರಿ ಅವಧಿಯನ್ನು ತರಲು ಸಹಾಯ ಮಾಡಬಹುದು ಎಂದು ಹೇಳಲಾಗಿದೆ. ಹಾಗೆಯೇ, ಈ ವಾಚ್ ಮೂರು ವಿಭಿನ್ನ ಮಣಿಕಟ್ಟಿನ ಪಟ್ಟಿಯ ಲಲಿತ ಕಪ್ಪು, ಐವರಿ ಮತ್ತು ಸ್ಪೇಸ್ ಬ್ಲೂ ಬಣ್ಣ ಆಯ್ಕೆಗಳಲ್ಲಿ ಮಾರುಕಟ್ಟೆಗೆ ಬಿಡುಗಡೆಯಾಗುವುದು ಖಚಿತವಾಗಿದೆ. ಹೆಚ್ಚಿನ ಮಾಹಿತಿಗಳನ್ನು ಬಿಡುಗಡೆ ನಂತರ ನಿರೀಕ್ಷಿಸಬಹುದು.

ಇನ್ನು ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾದ 'ಸ್ಮಾರ್ಟ್‌ಫೋನ್ ಸರಣಿ' ಎಂಬ ಹೆಸರುಗಳಿಸಿರುವ ರೆಡ್ಮಿ ನೋಟ್ ಸರಣಿಯ ಮುಂದಿನ ಸ್ಮಾರ್ಟ್‌ಫೋನ್ ಸರಣಿ ಕೂಡ ಶೀಘ್ರದಲ್ಲೇ ಬಿಡುಗಡೆಯಾಗುತ್ತಿದೆ. ಶಿಯೋಮಿ ರೆಡ್ಮಿ ನೋಟ್ ಸರಣಿಯ ರೆಡ್‌ಮಿ ನೋಟ್ 11 ಸರಣಿ ಸ್ಮಾರ್ಟ್‌ಫೋನನ್ನು ಇದೇ ಅಕ್ಟೋಬರ್ 28 ರಂದು ಚೀನಾದಲ್ಲಿ ಬಿಡುಗಡೆ ಮಾಡುವ ಬಗ್ಗೆ ಶಿಯೋಮಿ ಮಾಹಿತಿ ನೀಡಿದ್ದು, ತನ್ನ ಅಧಿಕೃತ ಸಾಮಾಜಿಕ ಮಾಧ್ಯಮಗಳಲ್ಲಿ ಫೋನ್‌ನ ಬಿಡುಗಡೆ ದಿನಾಂಕದ ಮಾಹಿತಿಯನ್ನು ಹಂಚಿಕೊಂಡಿದೆ. ಶಿಯೋಮಿ ಒದಗಿಸಿರುವ ಮಾಹಿತಿಯಂತೆ, ರೆಡ್ಮಿ ನೋಟ್ 11, ರೆಡ್ಮಿ ನೋಟ್ 11 ಪ್ರೊ ಮತ್ತು ರೆಡ್ಮಿ ನೋಟ್ 11 ಪ್ರೊ + ಎಂಬ ಮೂರು ಸ್ಮಾರ್ಟ್‌ಫೋನ್‌ಗಳು ರೆಡ್‌ಮಿ ನೋಟ್ 11 ಸರಣಿಯಲ್ಲಿ ಬಿಡುಗಡೆಗೊಳ್ಳುತ್ತಿವೆ.

ಹೌದು, ಶಿಯೋಮಿ ರೆಡ್ಮಿ ನೋಟ್ 11 ಸರಣಿಯ ಎಲ್ಲಾ ಮೂರು ಫೋನ್‌ಗಳನ್ನು ಚೀನೀ ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್ ಜೆಡಿ.ಕಾಮ್‌ನಲ್ಲಿ ಈಗಾಗಲೇ ಪಟ್ಟಿ ಮಾಡಲಾಗಿದ್ದು, ಅಕ್ಟೋಬರ್ 28 ಬಿಡುಗಡೆಗೆ ಮುನ್ನ ಆನ್‌ಲೈನ್‌ನಲ್ಲಿ ಹಂಚಿಕೊಂಡಿರುವ ಟೀಸರ್‌ಗಳ ಮೂಲಕ ಫೋನ್‌ ಬಿಡುಗಡೆ ಬಗ್ಗೆ ಸೂಚಿಸಲಾಗಿದೆ. ಹಾಗೂ ಚೀನಾದ ಸಾಮಾಜಿಕ ಮಾಧ್ಯಮ ವೇದಿಕೆಯಾದ ವೀಬೊದಲ್ಲಿ ಪಡೆದ ಮಾಹಿತಿಯ ಪ್ರಕಾರ, ಶಿಯೋಮಿ ರೆಡ್ಮಿ ನೋಟ್ 11 ಸರಣಿಯ ಎಲ್ಲಾ ಮೂರು ಫೋನ್‌ಗಳು ಟ್ರಿಪಲ್ ಮತ್ತು ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪ್, 5ಜಿ ನೆಟ್ವರ್ಕ್ ಬೆಂಬಲ, ಗ್ಲಾಸ್ ಅನ್ನು ಮ್ಯಾಟ್ ಫಿನಿಶ್ ವಿನ್ಯಾಸದೊಂದಿಗೆ 100W ವೇಗದ ಚಾರ್ಜಿಂಗ್ ಬೆಂಬಲವನ್ನು ಹೊಂದಿರಲಿರುವ ಫೀಚರ್ಸ್ ಕುರಿತಂತೆ ಕೂಡ ಮಾಹಿತಿ ದೊರೆತಿದೆ.
ಇನ್ಮುಂದೆ ನಿಮ್ಮ ಮೊಬೈಲ್ ಮೂಲಕವೇ ನಿಮ್ಮ ಜಮೀನು ಸರ್ವೆ ಮಾಡಬಹುದು!
ಅಂತರಾಷ್ಟ್ರೀಯ ಮಾಧ್ಯಮಗಳ ವರದಿ ಮಾಡಿರುವ ಪ್ರಕಾರ, ರೆಡ್ಮಿ ನೋಟ್ 11 ಸರಣಿಯ ಎಲ್ಲಾ ಮೂರು ಸ್ಮಾರ್ಟ್‌ಫೋನ್‌ಗಳು 5G ನೆಟ್‌ವರ್ಕ್ ಬೆಂಬಲದೊಂದಿಗೆ ಬರುತ್ತವೆ. ಸರಣಿಯ ಫ್ರಾಥಮಿಕ ಫೋನ್ ರೆಡ್ಮಿ ನೋಟ್ 11 ಪೋನಿನಲ್ಲಿ MediaTek Dimensity 810 ಪ್ರೊಸೆಸರ್ ಅನ್ನು ಅಳವಡಿಸಲಾಗಿರುತ್ತದೆ. ಹಾಗೂ Redmi Note 11 Pro ನಲ್ಲಿ MediaTek Dimensity 920 SoC ಲಭ್ಯವಿರುತ್ತದೆ ಎಂದು ತಿಳಿಸಿದೆ. ಆದರೆ, ಈ ಸರಣಿಯ ಟಾಪ್ ಮಾಡೆಲ್ ರೆಡ್ಮಿ ನೋಟ್ 11 ಪ್ರೊ + (ರೆಡ್ಮಿ ನೋಟ್ 11 ಪ್ರೊ ಮ್ಯಾಕ್ಸ್) ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 778 ಜಿ ಎಸ್‌ಒಸಿ ನೀಡುವ ಸಾಧ್ಯತೆಯಿದೆ ಎಂದು ಹೇಳಲಾಗುತ್ತಿದೆ. ಆದರೆ, ಈ ಬಗ್ಗೆ ಶಿಯೋಮಿ ಈ ವರೆಗೂ ಅಧಿಕೃತ ಮಾಹಿತಿ ನೀಡಿಲ್ಲ.