Jio Price Hike: ಜಿಯೋ ಗ್ರಾಹಕರಿಗೆ ದರ ಏರಿಕೆ ಬಿಸಿ

ವೊಡಾಫೋನ್‌ ಐಡಿಯಾ, ಭಾರ್ತಿ ಏರ್‌ಟೆಲ್‌ ಬಳಿಕ ಮೊಬೈಲ್‌ ಡೇಟಾ-ಕರೆ ಏರಿಕೆಗೆ ರಿಲಯನ್ಸ್‌ ಜಿಯೋ ಮುಂದಾಗಿದೆ. ಬುಧವಾರ ತನ್ನ ಹೊಸ ಪ್ಲಾನ್‌ಗಳನ್ನು ಪ್ರಕಟಿಸಿದೆ. ಹಳೆಯ ಪ್ಲಾನ್‌ಗಳಿಗೆ ಹೋಲಿಸಿದರೆ, ಹೊಸ ಪ್ಲಾನ್‌ಗಳು ಶೇ. 39ರ ತನಕ ಏರಿಕೆಯಾಗಿವೆ.

ಭಾರ್ತಿ ಏರ್‌ಟೆಲ್‌ ಮತ್ತು ವೊಡಾಫೋನ್‌ ಐಡಿಯಾದ ಡೇಟಾ-ಕರೆಗಳಿಗೆ ಸಂಬಂಧಿಸಿದ ಹೊಸ ದರಗಳಿಗೆ ಹೋಲಿಸಿದರೆ, ಜಿಯೋ ದರಗಳು ಶೇ. 25ರಷ್ಟು ಅಗ್ಗವಾಗಿದೆ.

ಹೊಸ ಪ್ಲಾನ್‌ಗಳ ಪ್ರಕಾರ, 84 ದಿನಗಳ ವ್ಯಾಲಿಡಿಟಿ ಮತ್ತು ದಿನಕ್ಕೆ 1.5 ಜಿಬಿ ಡೇಟಾಕ್ಕೆ ಜಿಯೋ ಗ್ರಾಹಕರು ಇನ್ಮುಂದೆ 555 ರೂ. ತೆರಬೇಕು. ಈ ಮೊದಲು ಇದೇ ಸೌಲಭ್ಯಗಳನ್ನು 399 ರೂ.ಗೆ ಪಡೆಯಲು ಅವಕಾಶವಿತ್ತು.

ಜಿಯೋ 153 ರೂ. ಪ್ಲಾನ್‌ ಅನ್ನು 199 ರೂ.ಗೆ, 198 ರೂ. ಪ್ಲಾನ್‌ ಅನ್ನು 249 ರೂ.ಗೆ, 299 ರೂ. ಪ್ಲಾನ್‌ ಅನ್ನು 349 ರೂ.ಗೆ ಹೆಚ್ಚಿಸಿದೆ.

ಈ ಮೊದಲಿನ 349 ರೂ. ಪ್ಲಾನ್‌ 399 ರೂ.ಗೆ ಏರಿಕೆಯಾಗಿದೆ. 448 ರೂ. ಪ್ಲಾನ್‌ 599 ರೂ.ಗೆ ಹಾಗೂ 1,699 ರೂ. ಪ್ಲಾನ್‌ 2,199 ರೂ.ಗೆ ಏರಿಕೆಯಾಗಿದೆ.

Aadhaar Card: ಕಳೆದುಹೋದರೆ ಮರಳಿ ಪಡೆಯುವುದು ಹೇಗೆ?