Jio Gigafiber: ಆಗಸ್ಟ್‌ನಲ್ಲಿ ರಿಲಯನ್ಸ್ ಜಿಯೋ ಗಿಗಾಫೈಬರ್

ಬಹುನಿರೀಕ್ಷಿತ ರಿಲಯನ್ಸ್ ಜಿಯೋ ಗಿಗಾಫೈಬರ್ ಆಗಸ್ಟ್‌ನಲ್ಲಿ ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆಯಿದೆ.

ಆಗಸ್ಟ್ 12ರಂದು ರಿಲಯನ್ಸ್ ಇಂಡಸ್ಟ್ರೀಸ್ ವಾರ್ಷಿಕ ಸಾಮಾನ್ಯ ಸಭೆ ನಡೆಯಲಿದ್ದು, ಅದೇ ಸಂದರ್ಭದಲ್ಲಿ ಜಿಯೋ ಗಿಗಾಫೈಬರ್ ಸೇವೆಗಳು ಕೂಡ ಆರಂಭವಾಗಲಿದೆ ಎನ್ನಲಾಗಿದೆ.

ಜಿಯೋ ಪ್ರಸ್ತುತ ಗಿಗಾಫೈಬರ್ ಬ್ರಾಡ್‌ಬ್ಯಾಂಡ್ ಅನ್ನು ಪರಿಶೀಲನಾ ಬಳಕೆಗೆ ಉಚಿತವಾಗಿ ನೀಡುತ್ತಿದೆ.

ಆಗಸ್ಟ್ 12ರಿಂದ ವಾಣಿಜ್ಯ ಬಳಕೆಗೆ ದೊರೆಯಲಿದೆ. ಈ ಮೊದಲು ರಿಲಯನ್ಸ್ ವಾರ್ಷಿಕ ಸಭೆಯಲ್ಲಿ ರಿಲಯನ್ಸ್ ಜಿಯೋ ಮತ್ತು ರಿಲಯನ್ಸ್ ಜಿಯೋ ಗಿಗಾಫೈಬರ್ ಕುರಿತು ಘೋಷಿಸಿತ್ತು. ಹೀಗಾಗಿ ಈಗಾಗಲೇ ಪರಿಶೀಲನಾ ಬಳಕೆಯಲ್ಲಿರುವ ರಿಲಯನ್ಸ್ ಗಿಗಾಫೈಬರ್‌ ಅನ್ನು ವಾಣಿಜ್ಯ ಬಳಕೆಗೆ ಒದಗಿಸಲು ರಿಲಯನ್ಸ್ ಚಿಂತನೆ ನಡೆಸಿದೆ ಎನ್ನಲಾಗಿದೆ.

ಪ್ರಸ್ತುತ ಆಯ್ದ ನಗರದ ಕೆಲಭಾಗದಲ್ಲಿ ಮಾತ್ರ ರಿಲಯನ್ಸ್ ಜಿಯೋ ಗಿಗಾಫೈಬರ್ ಪರಿಶೀಲನಾ ಸೇವೆ ದೊರೆಯುತ್ತಿದ್ದು, ವಾಣಿಜ್ಯ ಬಳಕೆಗೆ ಮುಕ್ತಗೊಂಡ ಬಳಿಕ 1,100ಕ್ಕೂ ಹೆಚ್ಚಿನ ನಗರಗಳಲ್ಲಿ ಸೇವೆ ದೊರೆಯಲಿದೆ.