Facebook: ಹೇಟ್‌ ಪೋಸ್ಟ್‌ಗಳಿಂದಲೂ ಹಣ!

ಜನಪ್ರಿಯ ಸಾಮಾಜಿಕ ತಾಣವಾಗಿರುವ ಫೇಸ್‌ಬುಕ್ ತನ್ನ ವೇದಿಕೆಯಲ್ಲಿಹೆಚ್ಚುತ್ತಿರುವ ದ್ವೇಷಕಾರುವ ಭಾಷಣಗಳು, ಬರಹಗಳನ್ನು ತಡೆಯಲು ಸಾಕಷ್ಟು ಕ್ರಮಕೈಗೊಳ್ಳಲಾಗುತ್ತಿದೆ ಎಂದು ಹೇಳಿಕೊಂಡಿದೆ.

ಆದರೆ ವಿಷಯ ಅದಲ್ಲ. 2018ರ ಮೇ 2019 ಸೆಪ್ಟೆಂಬರ್‌ ಅವಧಿಯಲ್ಲಿಹೇಟ್‌ ಗ್ರೂಪ್‌ಗಳು ಮಾಡಿರುವ ಪೋಸ್ಟ್‌ಗಳಿಂದಲೇ ಇನ್‌ ಆ್ಯಡ್‌ ಮೂಲಕ ಫೇಸ್‌ಬುಕ್‌ ಹೆಚ್ಚು ಕಡಿಮೆ 16 ಲಕ್ಷ ಡಾಲರ್‌ ಹಣ ಗಳಿಸಿದೆ ಎಂದು ಸ್ಲಡ್ಜ್‌ ಜಾಲತಾಣ ವರದಿ ಮಾಡಿದೆ.

ಅಮೆರಿಕದ ಎಸ್‌ಪಿಎಲ್‌ಸಿ(ಸದರ್ನ್‌ ಪಾವರ್ಟಿ ಲಾ ಸೆಂಟರ್‌) ಈ ಬಗ್ಗೆ ಅಧ್ಯಯನ ನಡೆಸಿದೆ. ಹೇಟ್‌ ಗ್ರೂಪ್‌ಗಳ ಪೋಸ್ಟ್‌ ಮಾಡುವ ಪೋಸ್ಟ್‌ಗಳು ಸಾಮರಸ್ಯಕ್ಕೆ ಧಕ್ಕೆಯುಂಟು ಮಾಡುವಂತಿರುತ್ತವೆ. ಈ ಬಗ್ಗೆ ಫೇಸ್‌ಬುಕ್‌ ಕೂಡ ಕ್ರಮಕೈಗೊಳ್ಳುತ್ತಿದೆಯಾದರೂ ಅಂಥ ಗ್ರೂಪ್‌ಗಳ ಪೋಸ್ಟ್‌ ಮಾಡುವ ಪೋಸ್ಟ್‌ಗಳಿಂದಲೂ ಕಂಪನಿಗೆ ಹಣ ದೊರೆಯುತ್ತದೆ ಎಂಬುದು ಮಾತ್ರ ಆಶ್ಯರ್ಯವಾದರೂ ಸತ್ಯ.

WhatsApp: ಬಂದಿವೆ ನೂತನ ಫೀಚರ್ಸ್

ಭಾರತದ ಹಿನ್ನೆಲೆಯಲ್ಲಿ ಹೇಳುವುದಾದರೆ, ಇಲ್ಲೂ ನಾವು ಇಂಥ ಸಮಸ್ಯೆಯನ್ನು ಕಾಣಬಹುದಾಗಿದೆ. ಬಹಳಷ್ಟು ಪೋಸ್ಟ್‌ಗಳು ಕೋಮುಗಳ ಮಧ್ಯೆ, ಸಮುದಾಯಗಳ ಮಧ್ಯೆ ಅಪನಂಬಿಕೆ ಬಿತ್ತುವ ಕೆಲಸ ಮಾಡುತ್ತವೆ. ಇಂಥದ್ದನ್ನು ತಡೆಯಲು ಭಾರತ ಸರಕಾರ ಕೂಡ ಹೆಚ್ಚು ಕೆಲಸ ಮಾಡುತ್ತಿದೆ ಎನ್ನಬಹುದು.

ಜತೆಗೆ ನಕಾರಾತ್ಮಕ ವಿಚಾರಗಳು, ಕ್ರೈಂ ವಿಚಾರಗಳು ಕೂಡ ಅತ್ಯಧಿಕ ಸಂಖ್ಯೆಯಲ್ಲಿ ಶೇರ್ ಆಗುತ್ತಿವೆ. ಅಲ್ಲದೆ ಹೆಚ್ಚು ಜನರು ಅವುಗಳನ್ನು ಓದುವುದು, ಹಂಚಿಕೊಳ್ಳುವುದು ಮಾಡುತ್ತಿರುವುದರಿಂದ ಅಂತಹ ಪೋಸ್ಟ್‌ಗಳು ಫೇಸ್‌ಬುಕ್‌ನಲ್ಲಿ ಅಧಿಕ ಆದಾಯ ತರಲು ಸಹಕಾರಿಯಾಗುತ್ತಿದೆ.

Online Shopping: ವಂಚಕರಿದ್ದಾರೆ ಹುಷಾರ್‌!