ಕೆಲವೇ ನಿಮಿಷಗಳಲ್ಲಿ ಐಫೋನ್ ಎಕ್ಸ್ ಸೋಲ್ಡ್ ಔಟ್

ಬೆಂಗಳೂರು: ಸರಿ ಸುಮಾರು ಒಂದು ಲಕ್ಷ ರೂ. ಬೆಲೆ ಬಾಳುವ ಆ್ಯಪಲ್ ಐಫೋನ್ ( iPhone X) ಎಕ್ಸ್ ಪ್ರಿ-ಆರ್ಡರ್ ಆರಂಭವಾದ ಕೆಲವೇ ನಿಮಿಷಗಳಲ್ಲಿ ಇ-ಕಾಮರ್ಸ್ ವೆಬ್‌ಸೈಟ್‌ಗಳ ಮುಖಾಂತರ ಭರ್ಜರಿ ಮಾರಾಟ ಕಂಡಿದೆ.

ದೇಶದ ಮುಂಚೂಣಿಯ ಇ-ಕಾಮರ್ಸ್ ವೆಬ್‌ಸೈಟ್‌ಗಳಾದ ಫ್ಲಿಫ್‌ಕಾರ್ಟ್ ಮತ್ತು ಅಮೇಜಾನ್ ಮೂಲಕ ಐಫೋನ್ ಎಕ್ಸ್ ಮುಗಂಡ ಮಾರಾಟ ತೆರೆದುಕೊಳ್ಳಲಾಗಿತ್ತು.

ಭಾರತದಲ್ಲಿ ಐಫೋನ್ ಎಕ್ಸ್ 64ಜಿಬಿ ವೆರಿಯಂಟ್ 89,000 ರೂ. ಮತ್ತು 256 ಜಿಬಿ ವೆರಿಯಂಟ್ 1.2 ಲಕ್ಷ ರೂ.ಗಳಷ್ಟು ಬೆಲೆ ಬಾಳುತ್ತದೆ.

ಆನ್ಲೈನ್ ಮುಖಾಂತರ ಭರ್ಜರಿ ಮಾರಾಟ ಕಂಡುಬಂದಿದ್ದು, ಬ್ಯಾಂಕ್‌ಗಳಿಂದ ಕ್ಯಾಶ್ ಬ್ಯಾಕ್ ಆಫರ್‌ಗಳು ನೀಡಲಾಗುತ್ತಿದೆ. ಇದರ ಜತೆಗೆ ಎಕ್ಸ್‌ಚೇಂಜ್ ಆಫರ್ ಸೇರಿದಾಗ 30,000 ರೂ.ಗಳಿಂದ 35,000 ರೂ.ಗಳ ವರೆಗೆ ಪ್ರಯೋಜನ ಪಡೆಯಬಹುದಾಗಿದೆ.

ಇನ್ನು ಅಮೇಜಾನ್‌ನಲ್ಲಿ ರಿಲಯನ್ಸ್ ಜಿಯೋ ನೆಟ್‌ವರ್ಕ್ ಆಯ್ಕೆ ಮಾಡುವ ಮೂಲಕ ಶೇಕಡಾ 70ರಷ್ಟು ಬಯ್ ಬ್ಯಾಕ್ ಆಫರ್ ಲಭ್ಯವಾಗುತ್ತದೆ. ಇದಕ್ಕೆ ಸಮಾನವಾಗಿ ಫ್ಲಿಫ್‌ಕಾರ್ಟ್‌ನಲ್ಲಿ 52,000 ರೂ.ಗಳ ಬಯ್ ಬ್ಯಾಕ್ ಆಫರ್ ನೀಡಲಾಗುತ್ತಿದೆ.

10ನೇ ವಾರ್ಷಿಕೋತ್ಸವದ ಸಂಭ್ರಮಾಚರಣೆಯಲ್ಲಿ ಐಫೋನ್ 8 ಮತ್ತು ಐಫೋನ್ 8 ಪ್ಲಸ್‌ನೊಂದಿಗೆ ವಿಶೇಷ ಐಫೋನ್ ಎಕ್ಸ್ ಸ್ಮಾರ್ಟ್‌ಫೋನ್ ಆ್ಯಪಲ್ ಬಿಡುಗಡೆಗೊಳಿಸಿತ್ತು.

ಇಲ್ಲಿ ಎಕ್ಸ್ ಎಂಬುದು ರೋಮನ್ ಅಂಕಿಗಳಲ್ಲಿ 10 ಎಂಬುದರ ಚಿಹ್ನೆಯಾಗಿದೆ.