Samsung Galaxy Note 20+: ಹೊಸ ಸ್ಯಾಮ್‌ಸಂಗ್ ಫೋನ್‌ನಲ್ಲಿ 108 ಮೆಗಾಪಿಕ್ಸೆಲ್ ಕ್ಯಾಮರಾ!

ಜನಸಾಮಾನ್ಯರಿಂದ ತೊಡಗಿ, ಪ್ರೀಮಿಯಂ ಸ್ಮಾರ್ಟ್‌ಫೋನ್‌ವರೆಗೆ ನೆಚ್ಚಿನ ಬ್ರ್ಯಾಂಡ್ ಆಗಿರುವ ಸ್ಯಾಮ್‌ಸಂಗ್, ಮುಂದೆ ಬಿಡುಗಡೆ ಮಾಡಲಿರುವ ಫೋನ್‌ನಲ್ಲಿ 108 ಮೆಗಾಪಿಕ್ಸೆಲ್ ಕ್ಯಾಮರಾ ಪರಿಚಯಿಸುವ ಉದ್ದೇಶ ಹೊಂದಿದೆ.

ಗ್ಯಾಲಕ್ಸಿ ಸ್ಮಾರ್ಟ್‌ಫೋನ್ ಸರಣಿಯಲ್ಲಿ ಹೊಸದಾಗಿ ನೋಟ್ 20+ ಮಾರುಕಟ್ಟೆಗೆ ಬಿಡುಗಡೆಯಾಗುವ ನಿರೀಕ್ಷೆಯಿದ್ದು, ಎಸ್‌20 ಅಲ್ಟ್ರಾ ಮಾದರಿಯಲ್ಲಿಯೇ 108 ಮೆಗಾಪಿಕ್ಸೆಲ್ ಸೆನ್ಸರ್ ಕ್ಯಾಮರಾ ಹೊಂದಿರುತ್ತದೆ ಎನ್ನಲಾಗಿದೆ. ಅಲ್ಲದೆ, 4500mAh ಬ್ಯಾಟರಿ ಕೂಡ ಇರಲಿದ್ದು, ಗ್ರಾಹಕರಿಗೆ ಪ್ರೀಮಿಯಂ ಸ್ಮಾರ್ಟ್‌ಫೋನ್ ಬಳಕೆಯ ಅನುಭವ ದೊರೆಯಲಿದೆ.

ಲಾಕ್‌ಡೌನ್‌ನಿಂದಾಗಿ ಹೊಸ ಫೋನ್ ಬಿಡುಗಡೆ ಮತ್ತು ಮಾರುಕಟ್ಟೆ ಪ್ರವೇಶ ತಡವಾಗಿದೆ. ಅಲ್ಲದೆ, ಗ್ಯಾಲಕ್ಸಿ ಎಸ್‌20 ಸರಣಿಯ ಫೋನ್ ಪ್ರಿಬುಕ್ ಮಾಡಿದ್ದವರಿಗೂ, ಕೆಲವೊಂದು ವಿಶೇಷ ಆಫರ್ ನೀಡುವ ಮೂಲಕ ಸ್ಯಾಮ್‌ಸಂಗ್ ಗ್ರಾಹಕರ ಮನಗೆಲ್ಲಲು ಹೊರಟಿದೆ.

Work From Home: ಗಂಭೀರ ಪರಿಣಾಮವಾಗಲಿದೆ ಎಂದ ಸತ್ಯ ನಾದೆಳ್ಳ

ಸ್ಮಾರ್ಟ್‌ಫೋನ್ ಕೊಳ್ಳುವವರು ಕ್ಯಾಮರಾ ಮತ್ತು ಬ್ಯಾಟರಿಗೆ ಹೆಚ್ಚಿನ ಆದ್ಯತೆ ನೀಡುತ್ತಿದ್ದು, ಗರಿಷ್ಠ ಕಾನ್ಫಿಗರೇಶನ್ ಇರುವುದನ್ನೇ ಬಯಸುತ್ತಿದ್ದಾರೆ. ಅದಕ್ಕೆ ಅನುಗುಣವಾಗಿ ಸ್ಯಾಮ್‌ಸಂಗ್ ಕೂಡ 48 ಮತ್ತು 64 ಮೆಗಾಪಿಕ್ಸೆಲ್ ಬದಲಾಗಿ, 108 ಮೆಗಾಪಿಕ್ಸೆಲ್ ಕ್ಯಾಮರಾ ಇರುವ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಲು ಮುಂದಾಗಿದೆ. ಹೊಸ ಫೋನ್ ಯಾವಾಗ ಮಾರುಕಟ್ಟೆಗೆ ಬಿಡುಗಡೆ ಎಂದು ಸ್ಯಾಮ್‌ಸಂಗ್ ಬಹಿರಂಗಪಡಿಸಿಲ್ಲ.

Airtel Prepaid Plan: ವರ್ಷಪೂರ್ತಿ, ದಿನಕ್ಕೆ 2 GB ಡೇಟಾ ಆಫರ್ ಪ್ಲ್ಯಾನ್!