Samsung Galaxy Z Fold 3: ಮೂರು ಮಡಚಬಲ್ಲ ಸ್ಕ್ರೀನ್ ಸಹಿತ ಸ್ಯಾಮ್‌ಸಂಗ್ ಹೊಸ ಗ್ಯಾಲಕ್ಸಿ

ಸ್ಯಾಮ್‌ಸಂಗ್ ನೂತನ ಗ್ಯಾಲಕ್ಸಿ ಫೋನ್ ಸರಣಿಯಲ್ಲಿ ಗ್ಯಾಲಕ್ಸಿ Z ಫೋಲ್ಡ್ 3 ಫೋನ್ ಶೀಘ್ರದಲ್ಲಿ ಬಿಡುಗಡೆಯಾಗಲಿದ್ದು, ಹೊಸ ಫೋನ್‌ನಲ್ಲಿ 3 ಮಡಚಬಲ್ಲ ಸ್ಕ್ರೀನ್ ಇರಲಿದೆ ಎಂದು ವರದಿಯಾಗಿದೆ. ಜತೆಗೆ ಸ್ಲೈಡ್ ಮಾಡಬಲ್ಲ ಸ್ಕ್ರೀನ್ ಕೂಡ ಇರಲಿದೆ ಎನ್ನಲಾಗಿದೆ.

ಹೊಸ ವಿನ್ಯಾಸ ಸೋರಿಕೆ
ಸ್ಯಾಮ್‌ಸಂಗ್ ನೂತನ ಗ್ಯಾಲಕ್ಸಿ Z Fold 3 ಫೋನ್ ಸೋರಿಕೆಯಾಗಿರುವ ವಿನ್ಯಾಸ ಗಮನಿಸಿದರೆ ಅದರಲ್ಲಿ ಇರುವಂತೆ ಮೂರು ಸ್ಕ್ರೀನ್ ಮತ್ತು ಸ್ಲೈಡ್ ಮಾಡಬಲ್ಲ ಕೀಬೋರ್ಡ್ ಇರಲಿದೆ. ಈ ಕುರಿತು ಲೆಟ್ಸ್‌ಗೋಡಿಜಿಟಲ್ ವರದಿ ಮಾಡಿದ್ದು, ಸ್ಯಾಮ್‌ಸಂಗ್ ಹೊಸ ಸಾಧ್ಯತೆಗಳನ್ನು ಸ್ಮಾರ್ಟ್‌ಫೋನ್‌ಗಳಲ್ಲಿ ಪರಿಚಯಿಸಲಿದೆ ಎನ್ನಲಾಗಿದೆ.

ಗ್ಯಾಲಕ್ಸಿ Z ಫೋಲ್ಡ್
ಸ್ಯಾಮ್‌ಸಂಗ್ ಮಡಚಬಲ್ಲ ಫೋನ್ ಸರಣಿಯಲ್ಲಿ ಈಗಾಗಲೇ ಎರಡು ಫೋನ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಈ ಪೈಕಿ ಗ್ಯಾಲಕ್ಸಿ ಝೆಡ್ ಫೋಲ್ಡ್ 2 ಹೆಚ್ಚು ಆಕರ್ಷಕ ವಿನ್ಯಾಸ ಹೊಂದಿದೆ. ಫೋಲ್ಡ್ ಸರಣಿಯಲ್ಲಿ ಮುಂದೆ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಝೆಡ್ ಫೋಲ್ಡ್ 3 ಫೋನ್ ಅನ್ನು ಮಾರುಕಟ್ಟೆಗೆ ಪರಿಚಯಿಸಲಾಗುತ್ತದೆ.

SAI App: ವಾಟ್ಸಪ್ ಮಾದರಿಯ ಅಪ್ಲಿಕೇಶನ್ ಅಭಿವೃದ್ಧಿಪಡಿಸಿದ ಭಾರತೀಯ ಸೇನೆ

ಮಾರುಕಟ್ಟೆಗೆ ಮಾದರಿಯಾದ ಸ್ಯಾಮ್‌ಸಂಗ್
ಸ್ಯಾಮ್‌ಸಂಗ್, ಹೊಸದಾಗಿ ಗ್ಯಾಲಕ್ಸಿ ಮಡಚಬಲ್ಲ ಫೋನ್ ಸರಣಿ ಬಿಡುಗಡೆ ಮಾಡಿದ ಬಳಿಕ, ಇತರ ಹಲವು ಕಂಪನಿಗಳು ಕೂಡ ಫೋಲ್ಡಿಂಗ್ ವಿನ್ಯಾಸದ ಫೋನ್ ಬಿಡುಗಡೆ ಮಾಡಲು ಮುಂದಾಗಿವೆ. ಹೀಗಾಗಿ ಹೊಸ ವಿನ್ಯಾಸ ಪರಿಚಯಿಸಿ ಸ್ಯಾಮ್‌ಸಂಗ್ ನೂತನ ಆಯ್ಕೆಯನ್ನು ಗ್ರಾಹಕರಿಗೆ ನೀಡುತ್ತಿದೆ.

iPhone 12 Pro: ಹೊಸ ಸರಣಿಯ ಆ್ಯಪಲ್ ಐಫೋನ್ ದೇಶದಲ್ಲಿ ಮಾರಾಟ ಆರಂಭ