Galaxy M30s: ಸ್ಯಾಮ್‌ಸಂಗ್ 48MP ಕ್ಯಾಮರಾ ಫೋನ್

ಸ್ಯಾಮ್‌ಸಂಗ್ ಈಗಾಗಲೇ ಗ್ಯಾಲಕ್ಸಿ ಸರಣಿಯ ಸ್ಮಾರ್ಟ್‌ಫೋನ್ ಮೂಲಕ ದೇಶದ ಮೊಬೈಲ್ ಮಾರುಕಟ್ಟೆಯಲ್ಲಿ ಗರಿಷ್ಠ ಪಾಲು ಪಡೆದುಕೊಂಡಿದೆ. ಗ್ಯಾಲಕ್ಸಿ ಜೆ, ಗ್ಯಾಲಕ್ಸಿ ಎಸ್‌, ಗ್ಯಾಲಕ್ಸಿ ನೋಟ್, ಗ್ಯಾಲಕ್ಸಿ ಎ ಮತ್ತು ಇತ್ತೀಚೆಗೆ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಂ ಸರಣಿಯಲ್ಲಿ ಹೊಸ ಫೋನ್ ಪರಿಚಯಿಸಿದೆ.

ಈ ಬಾರಿ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಂ ಸರಣಿಯಲ್ಲಿ 48 ಮೆಗಾಪಿಕ್ಸೆಲ್ ಸಹಿತ ನೂತನ ಕ್ಯಾಮರಾ ಫೋನ್ ಬಿಡುಗಡೆ ಮಾಡಲು ಮುಂದಾಗಿದೆ.

ಹೊಸ ಫೋನ್ ಗ್ಯಾಲಕ್ಸಿ M30s ಎಂದು ಕರೆಯಲಾಗಿದ್ದು, ತ್ರಿವಳಿ ಕ್ಯಾಮರಾ ವ್ಯವಸ್ಥೆ ಹೊಂದಿದೆ. ಸೆಪ್ಟೆಂಬರ್‌ನಲ್ಲಿ ಹೊಸ ಫೋನ್ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

ಮಧ್ಯಮ ಸರಣಿಯ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಂ ಫೋನ್‌ಗಳು ಹೆಚ್ಚು ಜನಪ್ರಿಯವಾಗಿವೆ. ಈಗಾಗಲೇ ಗ್ಯಾಲಕ್ಸಿ ಎಂ 10, ಗ್ಯಾಲಕ್ಸಿ ಎಂ 20 ಮತ್ತು ಗ್ಯಾಲಕ್ಸಿ ಎಂ 30 ಮಾದರಿಗಳು ಮಾರುಕಟ್ಟೆ ಪ್ರವೇಶಿಸಿವೆ. ಹೊಸದಾಗಿ ಗ್ಯಾಲಕ್ಸಿ M30s ಬಿಡುಗಡೆಗೆ ಸಜ್ಜಾಗಿದೆ.

ಗ್ಯಾಲಕ್ಸಿ M30s ವೈಶಿಷ್ಟ್ಯಗಳುಹೊಸ ಫೋನ್‌ನಲ್ಲಿ ಹಿಂಬದಿಯಲ್ಲಿ ತ್ರಿವಳಿ ಕ್ಯಾಮರಾ ಇದ್ದು, 48MP ಕ್ಯಾಮರಾ ಇರಲಿದೆ. ಇದು ಪ್ರಮುಖವಾಗಿ ಶವೋಮಿ K20 Pro, ಶವೋಮಿ Mi A3 ಮತ್ತು ರಿಯಲ್‌ಮಿ 5 Pro ಸ್ಮಾರ್ಟ್‌ಫೋನ್‌ಗಳಿಗೆ ಸ್ಪರ್ಧೆ ನೀಡಲಿದೆ. ಫಾಸ್ಟ್‌ ಚಾರ್ಜಿಂಗ್ ಕೂಡ ಇರಲಿದ್ದು, ಅಮೆಜಾನ್ ಮತ್ತು ಸ್ಯಾಮ್‌ಸಂಗ್ ಸ್ಟೋರ್ ಮೂಲಕ ಲಭ್ಯವಾಗಲಿದೆ.