Samsung Galaxy S21: ಶೀಘ್ರದಲ್ಲಿ ಬರುತ್ತಿದೆ ಸ್ಯಾಮ್ ಸಂಗ್ ಹೊಸ ಫೋನ್

ದಕ್ಷಿಣ ಕೊರಿಯಾ ಮೂಲದ ಪ್ರಸಿದ್ಧ ಸ್ಮಾರ್ಟ್ ಫೋನ್ ಮತ್ತು ಗ್ಯಾಜೆಟ್, ಎಲೆಕ್ಟ್ರಾನಿಕ್ಸ್ ಕಂಪನಿ ಸ್ಯಾಮ್ ಸಂಗ್, ಗ್ಯಾಲಕ್ಸಿ ಸರಣಿಯಲ್ಲಿ ಹೊಸ ಫೋನ್ ಪರಿಚಯಿಸಲು ಮುಂದಾಗಿದೆ. ಸ್ಯಾಮ್ ಸಂಗ್ Galaxy S21 ಫೋನ್ ಜನವರಿ 2021ರಲ್ಲಿ ಬಿಡುಗಡೆಯಾಗುವುದು ಬಹುತೇಕ ಖಚಿತವಾಗಿದೆ. ಹೀಗಾಗಿ ಹೊಸ ಫೋನ್ ಕುರಿತಂತೆ ಹಲವು ಸಂಗತಿಗಳು ಬಹಿರಂಗವಾಗುತ್ತಿದೆ. ಅಲ್ಲದೆ, ಆನ್ ಲೈನ್ ಮೂಲಕವೂ ಹಲವು ಚರ್ಚೆಗೆ ಕಾರಣವಾಗುತ್ತಿದೆ.

ಸ್ಯಾಮ್ ಸಂಗ್ ಹೊಸ ಗ್ಯಾಲಕ್ಸಿ ಫೋನ್
ಗ್ಯಾಲಕ್ಸಿ ಸರಣಿಯಲ್ಲಿ ಮಾರುಕಟ್ಟೆಗೆ ಬರುತ್ತಿರುವ ಹೊಸ ಫೋನ್ ಎಂದರೆ ಅದು Galaxy S21. ಈಗಾಗಲೇ ಸ್ಯಾಮ್ ಸಂಗ್ ಗ್ಯಾಲಕ್ಸಿ ಎಸ್20 ಸರಣಿಯನ್ನು ದೇಶದಲ್ಲಿ ಬಿಡುಗಡೆ ಮಾಡಿದೆ. ಹೊಸ ಗ್ಯಾಲಕ್ಸಿ ಸರಣಿ ಪ್ರೀಮಿಯಂ ಎಸ್ ಸಿರೀಸ್ ಮೂಲಕ ಮಾರುಕಟ್ಟೆಗೆ ಬರುತ್ತಿದೆ.

ಸ್ಯಾಮ್ ಸಂಗ್ ಸ್ಮಾರ್ಟ್ ಫೋನ್
ಗ್ಯಾಲಕ್ಸಿ ಎಸ್, ಎಫ್, ಎ, ಎಂ ಮತ್ತು ಜೆ ಸರಣಿಯಲ್ಲಿ ಹೊಸ ಹೊಸ ಫೋನ್ ಮಾರುಕಟ್ಟೆಯಲ್ಲಿ ದೊರೆಯುತ್ತಿದೆ. ಅಲ್ಲದೆ, ಎಸ್ ಸಿರೀಸ್ ಪ್ರೀಮಿಯಂ ಮಾದರಿಯಾಗಿದ್ದು, ಅಧಿಕ ಫೀಚರ್ ಹೊಂದಿರುತ್ತದೆ. ಹೊಸ ಪ್ರೊಸೆಸರ್, ಕ್ಯಾಮರಾ ಮತ್ತು ಡಿಸ್ಪ್ಲೇ ವೈಶಿಷ್ಟ್ಯಗಳನ್ನು ನೂತನ Galaxy S21 ಹೊಂದಿರಲಿದೆ.Flipkart Electronics Sale: ಮೊಬೈಲ್ ಖರೀದಿಗೆ ಬೆಸ್ಟ್ ಆಫರ್
ಸ್ಯಾಮ್ ಸಂಗ್ Galaxy S21 ಸಿರೀಸ್
ನೂತನ Galaxy S21 ಸಿರೀಸ್ ಮೂಲಕ Galaxy S21, Galaxy S21 ಪ್ಲಸ್ ಮತ್ತು Galaxy S21 ಅಲ್ಟ್ರಾ ಎನ್ನುವ ಮೂರು ಮಾದರಿಗಳು ಬಿಡುಗಡೆಯಾಗುವ ನಿರೀಕ್ಷೆಯಿದೆ. 8 GB RAM ಮತ್ತು 128 GB ಹಾಗೂ 256 GB ಎಂಬ ಎರಡು ಸ್ಟೋರೇಜ್ ಮಾದರಿಗಳ ಸಹಿತ ಮಾರುಕಟ್ಟೆಗೆ ಬಿಡುಗಡೆಯಾಗುವ ನಿರೀಕ್ಷೆಯಿದೆ.