Samsung: 5ಜಿ ಮೊಡೆಮ್‌, ಚಿಪ್‌ ಶೀಘ್ರದಲ್ಲಿ

ಇಡೀ ಜಗತ್ತೇ 5ಜಿ ಕ್ರಾಂತಿಗೆ ಸಜ್ಜಾಗುತ್ತಿದ್ದಂತೆ ಸ್ಯಾಮ್‌ಸಂಗ್‌ ಎಲೆಕ್ಟ್ರಾನಿಕ್ಸ್‌ ಕಂಪನಿಯು 5ಜಿ ಮೊಡೆಮ್‌ ಮತ್ತು ಚಿಪ್‌ಗಳನ್ನು ಭಾರಿ ಸಂಖ್ಯೆಯಲ್ಲಿ ಉತ್ಪಾದಿಸಲು ಮುಂದಾಗುತ್ತಿದೆ.

ಮುಂಬರುವ ದಿನಗಳಲ್ಲಿ ಸ್ಮಾರ್ಟ್‌ಫೋನ್‌ಗಳು 5ಜಿ ತಂತ್ರಜ್ಞಾನಕ್ಕೆ ಸಪೋರ್ಟ್‌ ಮಾಡಲಿವೆ. ಈ ಹಿನ್ನೆಲೆಯಲ್ಲಿ ಸ್ಯಾಮ್‌ಸಂಗ್‌ ಕಂಪನಿ ಭಾರಿ ಸಂಖ್ಯೆಯಲ್ಲಿ ಮೊಡೆಮ್‌ ಮತ್ತು ಚಿಪ್‌ಗಳನ್ನು ಉತ್ಪಾದಿಸುತ್ತಿದೆ.

ಎಕ್ಸೋನ್ಸ್‌ ಮೊಡೆಮ್‌ 5100 ಎಂಬ 5ಜಿ ಚಿಪ್‌ಸೆಟ್‌ ಅನ್ನು ಸ್ಯಾಮ್ಸಂಗ್‌ ಉತ್ಪಾದಿಸುತ್ತಿದೆ. ಇದರ ಜತೆಗ ಎಕ್ಸೋನ್ಸೊ ಆರ್‌ಎಫ್‌ 500 ಸಿಂಗಲ್‌ ಚಿಪ್‌ ರೆಡಿಯೊ ಫ್ರಿಕ್ವೆನ್ಸಿ ಟ್ರಾನ್ಸ್‌ರಿಸವರ್‌ ಅನ್ನು ಕೂಡ ಉತ್ಪಾದನೆ ಮಾಡಲಾಗುತ್ತಿದೆ.

5ಜಿ ಸೆಟ್‌ಗಳಿಗೆ ಈ ಚಿಪ್‌ಸೆಟ್‌ಗಳು ನೆಟ್‌ವರ್ಕ್‌ ಕಮ್ಯುನಿಕೇಷನ್‌ ಏರ್ಪಡಲು ಸಹಾಯ ಮಾಡಲಿವೆ. ದಕ್ಷಿಣ ಕೊರಿಯಾ ಮೂಲದ ಸ್ಯಾಮ್‌ಸಂಗ್‌ ಕಂಪನಿಯು ಗ್ಯಾಲಕ್ಸಿ ಎಸ್‌10 5ಜಿ ಸ್ಮಾರ್ಟ್‌ಫೋನ್‌ ಬಿಡುಗಡೆ ಮಾಡುವುದಾಗಿ ಹೇಳಿಕೊಂಡಿದೆ.

ಶೀಘ್ರದಲ್ಲೇ ಬಹುತೇಕ ಕಂಪನಿಗಳು 5ಜಿ ಬೆಂಬಲಿತ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡುವ ಸಾಧ್ಯತೆಗಳಿವೆ.