ಫೋನ್‌ಗಳಿಗೆ ಭಾರತೀಯರು ಹೆಚ್ಚು ಅಡಿಕ್ಟ್

ಮೂರನೇ ಎರಡರಷ್ಟು ಭಾರತೀಯರು ತಮ್ಮ ಮೊಬೈಲ್‌ ಫೋನ್‌ಗಳಿಗೆ ಅಡಿಕ್ಟ್ ಆಗಿದ್ದಾರೆ! ಹೌದು, ಲೈಮ್‌ಲೈಟ್‌ ನೆಟ್‌ವರ್ಕ್ಸ್‌ ಸಂಸ್ಥೆಯ 'ದಿ ಸ್ಟೇಟ್‌ ಆಫ್‌ ಡಿಜಿಟಲ್‌ ಲೈಫ್‌ಸ್ಟೈಲ್ಸ್‌ 2018' ಎಂಬ ಸಮೀಕ್ಷಾ ವರದಿಯಲ್ಲಿ ಈ ಮಾಹಿತಿ ಬಹಿರಂಗವಾಗಿದೆ.

ಅದೇ ರೀತಿ, ಶೇ.48ರಷ್ಟು ಜನರು ಜಗತ್ತಿನಾದ್ಯಂತ ಮೊಬೈಲ್‌ ಫೋನ್‌ಗಳಿಗೆ ಅಡಿಕ್ಟ್ ಆಗಿದ್ದಾರಂತೆ. ಈ ವಿಷಯದಲ್ಲಿ ಮಲೇಷನ್ನರು ಮೊದಲನೆಯ ಸ್ಥಾನದಲ್ಲಿದ್ದರೆ, ಭಾರತೀಯರು ಎರಡನೇ ಸ್ಥಾನದಲ್ಲಿದ್ದಾರೆ. ಮೊಬೈಲ್‌ ಫೋನ್‌ಗಳ ಬಳಿಕ ಭಾರತೀಯರು ಹೆಚ್ಚಾಗಿ ಬಳಸುವುದು ಲ್ಯಾಪ್‌ಟಾಪ್‌ ಮತ್ತು ಡೆಸ್ಕ್‌ಟಾಪ್‌.

ಶೇ.90ರಷ್ಟು ಭಾರತೀಯರು ಡಿಜಿಟಲ್‌ ತಂತ್ರಜ್ಞಾನ ತಮ್ಮ ನಿತ್ಯದ ಬದುಕಿನ ಮೇಲೆ ಸಕಾರಾತ್ಮಕ ಪರಿಣಾಮ ಬೀರಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಮಲೇಷ್ಯಾ, ಭಾರತ ಸೇರಿದಂತೆ ಒಟ್ಟು ದೇಶಗಳಲ್ಲಿ ಲೈಮ್‌ನೈಟ್‌ ನೆಟ್‌ವರ್ಕ್‌ ಈ ಸಮೀಕ್ಷೆ ಕೈಗೊಂಡಿದೆ.