Realme: 64 ಮೆಗಾಪಿಕ್ಸೆಲ್ ಕ್ವಾಡ್ ಕ್ಯಾಮರಾ ಪೋನ್

ಚೀನಾ ಮೂಲದ ರಿಯಲ್‌ಮಿ ಹೊಸ ಸ್ಮಾರ್ಟ್‌ಫೋನ್ ಪರಿಚಯಿಸಲು ಸಿದ್ಧತೆ ನಡೆಸಿದೆ. ಆದರೆ ಈ ಬಾರಿ ರಿಯಲ್‌ಮಿ 64 ಮೆಗಾಪಿಕ್ಸೆಲ್ ಕ್ವಾಡ್ ಕ್ಯಾಮರಾ ಸಹಿತ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಲಿದೆ.

ಪ್ರಸ್ತುತ 48 ಮೆಗಾಪಿಕ್ಸೆಲ್ ಇರುವ ಸ್ಮಾರ್ಟ್‌ಫೋನ್ ಟ್ರೆಂಡ್ ಆಗಿದ್ದು, ವಿವಿಧ ಕಂಪನಿಗಳು ಹೊಸ ಸ್ಮಾರ್ಟ್‌ಫೋನ್‌ನಲ್ಲಿ 48 ಮೆಗಾಪಿಕ್ಸೆಲ್ ಕ್ಯಾಮರಾ ಪರಿಚಯಿಸಿವೆ.

ಆದರೆ ಮತ್ತೂ ಒಂದು ಹೆಜ್ಜೆ ಮುಂದೆ ಹೋಗಿರುವ ರಿಯಲ್‌ಮಿ, 64 ಮೆಗಾಪಿಕ್ಸೆಲ್ ಕ್ವಾಡ್ ಕ್ಯಾಮರಾ ಸ್ಮಾರ್ಟ್‌ಪೋನ್ ಬಿಡುಗಡೆ ಮಾಡಲು ಮುಂದಾಗಿದೆ.

ರಿಯಲ್‌ಮಿ ಹೊಸ ಫೋನ್ ಕುರಿತಂತೆ ಹೇಳಿಕೆ ನೀಡಿರುವ ಮಾಧವ್ ಸೇಠ್, ದೇಶದಲ್ಲಿ ರಿಯಲ್‌ಮಿ ಫೋನ್ ಬಿಡುಗಡೆಯಾದ ದಿನದಿಂದಲೂ ಅತ್ಯಂತ ಹೆಚ್ಚಿನ ಜನಪ್ರಿಯತೆ ಗಳಿಸಿದೆ. ಮುಂದೆ 64 ಮೆಗಾಪಿಕ್ಸೆಲ್ ಸಹಿತ ಕ್ಯಾಮರಾ ಪೋನ್ ಪರಿಚಯಿಸುವುದರಿಂದ, ಸ್ಪರ್ಧೆಯಲ್ಲಿ ನಾವು ಹೆಚ್ಚು ಸಾಧಿಸಿದಂತಾಗುತ್ತದೆ. ಅಲ್ಲದೆ ಗ್ರಾಹಕರಿಗೆ ಹೆಚ್ಚಿನದ್ದನ್ನು ನೀಡಲು ಸಾಧ್ಯವಾಗುತ್ತದೆ ಎಂದಿದ್ದಾರೆ.