Redmi Note 7S: ಶಿಯೋಮಿ ಫೋನ್ ವಿಶೇಷ ಡಿಸ್ಕೌಂಟ್

ಶಿಯೋಮಿ ರೆಡ್ಮಿ ನೋಟ್ ಸರಣಿಯಲ್ಲಿ ಮಾರುಕಟ್ಟೆಗೆ ಪರಿಚಯಿಸಿದ್ದ ನೋಟ್ 7S ಮಾದರಿಯ ಬೆಲೆ ಇಳಿಕೆ ಮಾಡಿದೆ.

ರೆಡ್ಮಿ ನೋಟ್ 7 ಸರಣಿಯ ಫೋನ್‌ಗಳು ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗಿರುವುದರ ಸಲುವಾಗಿ ರೆಡ್ಮಿ ನೋಟ್ ಡೇಯ್ಸ್ ಸೇಲ್ ಆಯೋಜಿಸಿ, ಅದರ ಮೂಲಕ ರೆಡ್ಮಿ ನೋಟ್ 7S ಮೇಲೆ ವಿಶೇಷ ಆಫರ್ ನೀಡುತ್ತಿದೆ.

ರೆಡ್ಮಿ ನೋಟ್ 7S ಅನ್ನು ಎಕ್ಸ್‌ಚೇಂಜ್ ಮೂಲಕ ಖರೀದಿಸಿದರೆ, ಹೆಚ್ಚುವರಿ 1,000 ರೂ. ದರ ಇಳಿಕೆ ಪ್ರಯೋಜನ ದೊರೆಯಲಿದೆ. ಫ್ಲಿಪ್‌ಕಾರ್ಟ್ ಮತ್ತು ಎಂಐ ಡಾಟ್ ಕಾಮ್ ಮೂಲಕ ಈ ಆಫರ್ ಲಭ್ಯವಿದ್ದು, ಫ್ಲಿಪ್‌ಕಾರ್ಟ್‌ನಲ್ಲಿ ಆಕ್ಸಿಸ್ ಬ್ಯಾಂಕ್ ಬಝ್ ಕ್ರೆಡಿಟ್ ಕಾರ್ಡ್ ಮೂಲಕ ಖರೀದಿಸಿದರೆ, ಶೇ. 5 ಡಿಸ್ಕೌಂಟ್ ದೊರೆಯುತ್ತದೆ.

ಅಲ್ಲದೆ ಎಂಐ ಡಾಟ್‌ ಕಾಮ್‌ನಲ್ಲಿ ನೋ ಕಾಸ್ಟ್ ಇಎಂಐ, 799 ರೂ.ಗೆ ಎಂಐ ಪ್ರೊಟೆಕ್ಟ್ ಪ್ಲ್ಯಾನ್ ಹಾಗೂ ಏರ್‌ಟೆಲ್ ಚಂದಾದಾರರಿಗೆ 1120 GB ವರೆಗೆ 4G ಡೇಟಾ ದೊರೆಯಲಿದೆ. ರೆಡ್ಮಿ ನೋಟ್ 7S, 3 GB RAM ಮತ್ತು 32 GB ಮಾದರಿಗೆ 10,999 ರೂ. ದರ ಹೊಂದಿದೆ.