Snapchat Filters: ಕನ್ನಡ ರಾಜ್ಯೋತ್ಸವಕ್ಕೆ ಸ್ನ್ಯಾಪ್‌ಚಾಟ್ ವಿಶೇಷ ಲೆನ್ಸ್

ಕನ್ನಡ ರಾಜ್ಯೋತ್ಸವಕ್ಕೆ ಸ್ನ್ಯಾಪ್‌ಚಾಟ್ ವಿಶೇಷ ಕನ್ನಡ ಕಲಿಯಿರಿ ಕ್ಯಾಮರಾ ಲೆನ್ಸ್ ಫಿಲ್ಟರ್ ಪರಿಚಯಿಸಿದೆ. ಸ್ನ್ಯಾಪ್‍ಚಾಟ್‍ನ ಅಧಿಕೃತ ಲೆನ್ಸ್ ಕ್ರಿಯೇಟರ್‌ಗಳಲ್ಲಿ ಒಬ್ಬರಾದ ಅತೀತ್ ಖರೆಲ್ ಕರ್ನಾಟಕ ರಾಜ್ಯೋತ್ಸವ ಆಚರಣೆಗೆ ಹೊಸ ಫಿಲ್ಟರ್ ಸೃಷ್ಟಿಸಿದ್ದಾರೆ. ಲರ್ನ್ ಕನ್ನಡ ಲೆನ್ಸ್ ಸ್ನ್ಯಾಪ್‍ಚಾಟ್‍ನಲ್ಲಿ ಆಗ್ಮೆಂಟೆಡ್ ರಿಯಾಲಿಟಿ ಮೂಲಕ ಜನರಿಗೆ ಮೋಜಿನ ಮತ್ತು ಸುಲಭ ರೀತಿಯಲ್ಲಿ ಕಲಿಯಲು ಈ ಲೆನ್ಸ್ ಅನುವು ಮಾಡಿಕೊಡುತ್ತದೆ.

ಕರ್ನಾಟಕ ರಾಜ್ಯೋತ್ಸವ ಸಂದರ್ಭದಲ್ಲಿ ಈ ಲೆನ್ಸ್ ಬಿಡುಗಡೆಯಾಗಿದ್ದು, ಕನ್ನಡ ಭಾಷೆಯನ್ನು ಕಲಿಯಲು ಆಸಕ್ತಿ ಹೊಂದಿದ್ದರೆ ಸ್ನ್ಯಾಪ್‌ಚಾಟ್‌ನ ಲರ್ನ್ ಕನ್ನಡ ಲೆನ್ಸ್ ಮೂಲಕ ಸುಲಭದಲ್ಲಿ ಕನ್ನಡ ಕಲಿಯಬಹುದು ಮತ್ತು ಆಸಕ್ತರಿಗೆ ಕನ್ನಡ ಕಲಿಸಲು ನೆರವಾಗಬಹುದು.

ಹೇಗೆ ಕೆಲಸ ಮಾಡುತ್ತದೆ?
ಆಗ್ಮೆಂಟೆಡ್ ರಿಯಾಲಿಟಿ ಮತ್ತು ಮೆಶೀನ್ ಲರ್ನಿಂಗ್ ತಂತ್ರಜ್ಞಾನ ಬಳಸಿ ಈ ಲೆನ್ಸ್ ಅಭಿವೃದ್ಧಿಪಡಿಸಲಾಗಿದೆ. ಸ್ನ್ಯಾಪ್‍ಚಾಟರ್‌ಗಳು ತಮ್ಮ ಕ್ಯಾಮೆರಾಗಳನ್ನು ಸ್ಕ್ಯಾನ್ ಮಾಡಲು ವಸ್ತುವಿನತ್ತ ತೋರಿಸಬೇಕು, ಮತ್ತು ಲೆನ್ಸ್ ಸ್ವಯಂಚಾಲಿತವಾಗಿ ಉಚ್ಚಾರಣೆಗೆ ಸಹಾಯ ಮಾಡಲು ಪದದ ಫೋನೆಟಿಕ್ ಜತೆಗೆ ಇಂಗ್ಲಿಷ್ ಮತ್ತು ಕನ್ನಡ ಹೆಸರುಗಳನ್ನು ಪ್ರದರ್ಶಿಸುತ್ತದೆ, ಇದರಿಂದ ಒಂದು ಸಮಯದಲ್ಲಿ ಒಂದು ಪದದಂತೆ ಭಾಷೆಯನ್ನು ಕಲಿಯಬಹುದು. ಲರ್ನ್ ಕನ್ನಡ ಹುಡುಕುವ ಮೂಲಕ ಇಲ್ಲವೆ ಇಲ್ಲಿ ನೀಡಿರುವ ಸ್ನ್ಯಾಪ್‍ಕೋಡ್ ಸ್ಕ್ಯಾನ್ ಮಾಡುವ ಮೂಲಕ ಅಥವಾ ನಿಮ್ಮ ಫೋನ್‍ನಲ್ಲಿ ಕ್ಲಿಕ್ ಮಾಡುವ ಮೂಲಕ ಈ ಲೆನ್ಸ್ ಸ್ನ್ಯಾಪ್‍ಚಾಟ್‍ನಲ್ಲಿ ಬಳಸಬಹುದು.


ಕನ್ನಡ ಕಲಿಯಿರಿ ಲೆನ್ಸ್ ಬಳಕೆ ಹೇಗೆ?
ಸ್ನ್ಯಾಪ್‍ಚಾಟ್ ಕ್ಯಾಮೆರಾ ಮೂಲಕ:
ಸ್ನ್ಯಾಪ್‍ಚಾಟ್ ತೆರೆಯಿರಿ ಮತ್ತು ನಿಮ್ಮ ಕ್ಯಾಮೆರಾವನ್ನು ಸ್ನ್ಯಾಪ್‍ಕೋಡ್‍ ಮೇಲೆ ಹಿಡಿಯಿರಿ.
ಸ್ಕ್ಯಾನ್ ಮತ್ತು ಅನ್ಲಾಕ್ ಮಾಡಲು ಸ್ನ್ಯಾಪ್‍ಕೋಡ್‍ ಮೇಲೆ ಒತ್ತಿ ಹಿಡಿದುಕೊಳ್ಳಿ.

Micromax In: ಹೊಸ ಮೈಕ್ರೋಮ್ಯಾಕ್ಸ್ ಸ್ಮಾರ್ಟ್‌ಫೋನ್ ನವೆಂಬರ್ 3 ರಂದು ಬಿಡುಗಡೆ

ಸ್ನ್ಯಾಪ್‍ಚಾಟ್ ಸರ್ಚ್ ಮೂಲಕ
ಸ್ನ್ಯಾಪ್‍ಚಾಟ್ ತೆರೆಯಿರಿ ಮತ್ತು ಸರ್ಚ್ ಪಟ್ಟಿಯನ್ನು ಟ್ಯಾಪ್ ಮಾಡಿ.
ಲರ್ನ್ ಕನ್ನಡ ಎಂದು ಟೈಪ್ ಮಾಡಿ ಮತ್ತು ಅತೀತ್ ಖರೆಲ್ ರಚಿಸಿದ ಲೆನ್ಸ್ ಮೇಲೆ ಕ್ಲಿಕ್ ಮಾಡಿ.

iPhone 12: 16,990 ರೂ.ಗೆ ಆ್ಯಪಲ್ ಐಫೋನ್ 12 ಖರೀದಿಸುವುದು ಹೇಗೆ?