Snapchat: ಈಗ ಕನ್ನಡದಲ್ಲೂ ಲಭ್ಯ

ಫೋಟೋ ಚಾಟ್‌ಗೆ ಪ್ರಸಿದ್ಧಿ ಪಡೆದಿರುವ ಜನಪ್ರಿಯ ಆ್ಯಪ್‌ ಸ್ನ್ಯಾಪ್‌ಚಾಟ್, ಕನ್ನಡದಲ್ಲೂ ಈಗ ಲಭ್ಯವಾಗುತ್ತಿದೆ. ಕನ್ನಡ ಮಾತ್ರವಲ್ಲದೆ, ಬೆಂಗಾಳಿ, ಮಲಯಾಳಂ, ತಮಿಳು ಮತ್ತು ತೆಲುಗಿಗೆ ಸ್ನ್ಯಾಪ್‌ಚಾಟ್ ಬೆಂಬಲ ದೊರೆಯುತ್ತಿದೆ.

ಕಳೆದ ವರ್ಷ ಸ್ನ್ಯಾಪ್‌ಚಾಟ್ ಹಿಂದಿ, ಮರಾಠಿ, ಗುಜರಾತಿ ಮತ್ತು ಪಂಜಾಬಿ ಭಾಷೆಗೆ ಬೆಂಬಲ ಒದಗಿಸಿತ್ತು. ಪ್ರಾದೇಶಿಕ ಭಾಷೆಗೆ ಹೆಚ್ಚು ಒತ್ತು ನೀಡಿ, ಹೆಚ್ಚಿನ ಗ್ರಾಹಕರನ್ನು ಸೆಳೆಯುವ ಉದ್ದೇಶದಿಂದ ಹೊಸ ಭಾಷೆಗಳನ್ನು ಸ್ನ್ಯಾಪ್‌ಚಾಟ್ ಪರಿಚಯಿಸುತ್ತಿದೆ.

ಅಲ್ಲದೆ ಪ್ರಾದೇಶಿಕ ಭಾಷೆಗಳಲ್ಲಿ ಹೆಚ್ಚಿನ ಬಳಕೆದಾರರು ಸೇರ್ಪಡೆಯಾಗುತ್ತಿದ್ದು, ಇತರ ಸಾಮಾಜಿಕ ತಾಣಗಳಾದ ಫೇಸ್‌ಬುಕ್, ಇನ್‌ಸ್ಟಾಗ್ರಾಂ ಮತ್ತು ಟಿಕ್‌ಟಾಕ್‌ಗಳಲ್ಲಿ ಕೂಡ ಅಧಿಕ ಬಳಕೆದಾರರು ಇರುವುದರಿಂದ, ಸ್ನ್ಯಾಪ್‌ಚಾಟ್ ಕೂಡ ದೇಶದ ಮಾರುಕಟ್ಟೆಯ ಪಾಲು ಪಡೆಯಲು ಮುಂದಾಗಿದೆ.

ಜತೆಗೆ ದೇಶದಲ್ಲಿ ಮಾರುಕಟ್ಟೆ ವಿಸ್ತರಣೆಯ ಉದ್ದೇಶದಿಂದ ಮುಂಬಯಿಯಲ್ಲಿ ಕಚೇರಿ ಕೂಡ ಹೊಂದಿದ್ದು, ಆಗ್‌ಮೆಂಟೆಡ್ ರಿಯಾಲಿಟಿ ಫೀಚರ್‌ಗಳನ್ನು ವಿವಿಧ ರೂಪದಲ್ಲಿ ಪ್ರಸ್ತುಪಡಿಸುವ ಮೂಲಕ ಜನರ ಮನಸ್ಸು ಗೆದ್ದಿದೆ.

Redmi Note Blast: ಶವೋಮಿ ರೆಡ್ಮಿ ಫೋನ್ ಸ್ಫೋಟ!