Giphy: ಫೇಸ್‌ಬುಕ್‌ನಿಂದ ಜಿಫಿ ಖರೀದಿ

ಸಾಮಾಜಿಕ ತಾಣದ ದೈತ್ಯ ಫೇಸ್‌ಬುಕ್, ಇಮೇಜ್ ಗ್ರಾಫಿಕ್ಸ್ ಹಂಚುವ ಸೇವೆ ಒದಗಿಸುವ ಜಿಫಿಯನ್ನು ಖರೀದಿಸಿದೆ. ಗ್ರಾಫಿಕ್ ಇಂಟರ್‌ಚೆಂಜ್ ಫಾರ್ಮಟ್‌ನಲ್ಲಿ ಆಕರ್ಷಕ ಚಿತ್ತಾರ, ಅನಿಮೇಶನ್, ಚಿತ್ತಾರ ಮತ್ತು ಶಬ್ಧರಹಿತ ಚಿಕ್ಕ ಕ್ಲಿಪ್ಪಿಂಗ್ಸ್‌ಗಳನ್ನು ಜಿಫಿ ಒದಗಿಸುತ್ತದೆ.

ಫೇಸ್‌ಬುಕ್ ಒಡೆತನದ ಇನ್‌ಸ್ಟಾಗ್ರಾಂನಲ್ಲಿ ಮತ್ತು ವಾಟ್ಸಪ್‌ನಲ್ಲಿ ಜಿಫಿಯನ್ನು ಹೆಚ್ಚು ಬಳಸುವ ಉದ್ದೇಶವನ್ನು ಫೇಸ್‌ಬುಕ್ ಹೊಂದಿದೆ. ಅದರ ಜತೆಗೆ ಫೇಸ್‌ಬುಕ್‌ನಲ್ಲೂ ಜಿಫಿ ಈ ಮೊದಲು ಸೇವೆ ಒದಗಿಸುತ್ತಿದ್ದು, ಈಗ ಸ್ವತಃ ಫೇಸ್‌ಬುಕ್ ಜಿಫಿ ಕಂಪನಿ ಮತ್ತು ಲೈಬ್ರೈರಿಯನ್ನೇ ಖರೀದಿಸಿರುವುದರಿಂದ, ಜಿಫಿ ಸ್ಟಿಕರ್ಸ್‌, ಇನ್‌ಸ್ಟಾಗ್ರಾಂ ಮೂಲಕ ಜನರಿಗೆ ಹೆಚ್ಚು ಹತ್ತಿರವಾಗಲಿದೆ.

ಫೇಸ್‌ಬುಕ್ ರಿಪ್ಲೈ ಮತ್ತು ವಾಟ್ಸಪ್‌ನಲ್ಲೂ ಜಿಫಿಯನ್ನು ಹೆಚ್ಚು ಬಳಸಲಾಗುತ್ತಿತ್ತು. ಈಗ ಫೇಸ್‌ಬುಕ್, ವಾಟ್ಸಪ್ ಮತ್ತು ಇನ್‌ಸ್ಟಾಗ್ರಾಂನಲ್ಲೂ ಜಿಫಿಯನ್ನು ಬಳಸಲಾಗುತ್ತದೆ. ಮೂಲಗಳ ಪ್ರಕಾರ ಫೇಸ್‌ಬುಕ್, 400 ಮಿಲಿಯನ್ ಡಾಲರ್ ಮೊತ್ತ ನೀಡಿ ಜಿಫಿಯನ್ನು ಖರೀದಿಸಿದೆ.

ಜನರು ಕೂಡ ಜಿಫಿ ರಚಿಸಲು ಅವಕಾಶವಿದ್ದು, ಜಿಫಿ ಲೈಬ್ರೈರಿಯನ್ನು ಕೂಡ ಬಳಸಿಕೊಳ್ಳಬಹುದು. ಜಿಫಿ ಲೈಬ್ರೈರಿಯ ಸ್ಟಿಕರ್ಸ್, ಜಿಫಿ ಮತ್ತು ಎಮೋಜಿಯನ್ನು ಟ್ವಿಟರ್, ಸ್ಲ್ಯಾಕ್, ಸ್ಕೈಪ್, ಟಿಂಡರ್, ಸ್ಯಾಮ್‌ಸಂಗ್ ಮತ್ತು ಟಿಕ್‌ಟಾಕ್ ಬಳಕೆ ಮಾಡುತ್ತಿವೆ.

Airtel Prepaid Offer: 98 ರೂ. ರೀಚಾರ್ಜ್‌ಗೆ ಎರಡು ಪಟ್ಟು ಡೇಟಾ ಕೊಡುಗೆ!