Coronavirus: ಫೇಸ್‌ಬುಕ್ ಸಮ್ಮೇಳನ ರದ್ದು!

ಮನುಕುಲವನ್ನು ಕಾಡುತ್ತಿರುವ ಭಯಂಕರ ಕೊರೊನಾ ವೈರಸ್ ಭೀತಿ ಎಲ್ಲೆಡೆ ಸೃಷ್ಟಿಯಾಗಿದೆ. ಚೀನಾದ ವುಹಾನ್ ಪ್ರಾಂತ್ಯದಲ್ಲಿ ಡಿಸೆಂಬರ್ 2019ರಲ್ಲಿ ಮೊದಲು ಪತ್ತೆಯಾದ ನೋವೆಲ್ ಕೊರೊನಾವೈರಸ್, ಈಗ ಜಾಗತಿಕ ಭೀತಿಗೆ ಕಾರಣವಾಗಿದೆ. ಕೊರೊನವೈರಸ್ ತಡೆಗೆ ಚೀನಾ ಮೇಲೆ ವಿವಿಧ ನಿರ್ಬಂಧವನ್ನೂ ಹೇರಲಾಗಿದೆ. ಕೊರೊನಾವೈರಸ್ ಭೀತಿಯಿಂದಾಗಿ ಫೇಸ್‌ಬುಕ್ ಕೂಡ ತನ್ನ ಜಾಗತಿಕ ಸಮ್ಮೇಳವನ್ನು ರದ್ದುಪಡಿಸಿದೆ.

ಅಮೆರಿಕದ ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ ಮಾರ್ಚ್‌ 9 ರಿಂದ 12ರವರೆಗೆ ನಡೆಸಲು ಉದ್ದೇಶಿಸಿದ್ದ ಫೇಸ್‌ಬುಕ್ ಗ್ಲೋಬಲ್ ಮಾರ್ಕೆಟಿಂಗ್ ಸಮಿಟ್ ಅನ್ನು ರದ್ದುಪಡಿಸಲಾಗಿದೆ. ಈ ಸಮಾವೇಶದಲ್ಲಿ ವಿವಿಧ ಜಾಗತಿಕ ಕ್ಷೇತ್ರದ 5000ಕ್ಕೂ ಅಧಿಕ ಪ್ರತಿನಿಧಿಗಳು ಭಾಗವಹಿಸುವ ನಿರೀಕ್ಷೆಯಿತ್ತು.

ಕೊರೊನಾವೈರಸ್ ಜಾಗತಿಕ ಹರಡುವಿಕೆ ಭೀತಿಯಿದ್ದು, ಜನರಿಗೆ ಸುರಕ್ಷತೆ ಒದಗಿಸಲು ಹಲವು ಕ್ರಮ ಕೈಗೊಳ್ಳಲಾಗುತ್ತಿದೆ. ಮುಂಜಾಗ್ರತಾ ಕ್ರಮವಾಗಿ ಜಾಗತಿಕ ಸಮಾವೇಶವನ್ನು ರದ್ದುಪಡಿಸಲಾಗುತ್ತಿದೆ. ಮುಂದೆ ಹೊಸ ದಿನಾಂಕವನ್ನು ಪ್ರಕಟಿಸಲಾಗುತ್ತದೆ ಎಂದು ಫೇಸ್‌ಬುಕ್ ವಕ್ತಾರರು ತಿಳಿಸಿದ್ದಾರೆ.

ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ ಕೂಡ ರದ್ದು
ಬಾರ್ಸಿಲೋನಾದಲ್ಲಿ ನಡೆಯಬೇಕಿದ್ದ ಜಾಗತಿಕ ಸಮ್ಮೇಳನ ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ 2020 ಕೂಡ ರದ್ದಾಗಿದೆ. ಜಗತ್ತಿನ ಅತಿದೊಡ್ಡ ಮೊಬೈಲ್ ಫೋನ್ ಪ್ರದರ್ಶನ ಇದಾಗಿದ್ದು, ಕೊರೊನಾವೈರಸ್ ದಾಳಿಯ ಭೀತಿಗೆ ಸಮಾವೇಶೇ ರದ್ದಾಗಿದೆ. ಮಾತ್ರವಲ್ಲದೆ, ಚೀನಾ ಗ್ರಾಂಡ್ ಪ್ರಿಕ್ಸ್, ಹಾಂಗ್ ಕಾಂಗ್ ಆರ್ಟ್ ಫೇರ್ ಕೂಡ ರದ್ದಾಗಿದೆ.

Online Safety: ಸೈಬರ್ ಸುರಕ್ಷತೆಗಾಗಿ ಭದ್ರತಾ ಕ್ರಮಗಳು

ಜತೆಗೆ ಚೀನಾದಲ್ಲಿ ನಡೆಯುವ ಕೆಲವೊಂದು ಜಾಗತಿಕ ಮಟ್ಟದ ಸಭೆ, ಕಾರ್ಯಕ್ರಮಗಳನ್ನು ವಿಡಿಯೋ ಕಾನ್ಫರೆನ್ಸ್ ಮೂಲಕವೇ ನಡೆಸಲಾಗುತ್ತಿದೆ.

Corona Virus Effect: ಮೊಬೈಲ್‌ ಫೋನ್‌ ದರ ಹೆಚ್ಚಳ