Sony WF-1000XM3: ವೈರ್‌ಲೆಸ್‌ ಇಯರ್‌ಬಡ್

ಗ್ಯಾಜೆಟ್ ಕ್ಷೇತ್ರದಲ್ಲಿ ತನ್ನದೇ ಆದ ಬ್ರ್ಯಾಂಡ್ ಹೆಸರು ಹೊಂದಿರುವ ಸೋನಿ, ಯುವಪೀಳಿಗೆಯ ಬೇಡಿಕೆಗೆ ತಕ್ಕಂತೆ ಹೊಸ ಗ್ಯಾಜೆಟ್, ಅಕ್ಸೆಸ್ಸರಿಯನ್ನು ಪರಿಚಯಿಸುತ್ತಿದೆ.

ಸೋನಿ ಡಬ್ಲ್ಯೂಎಫ್-1000XM3 ಹೆಸರಿನ ವಿನೂತನ ಟ್ರೂಲಿ ವೈರ್‌ಲೆಸ್ ಇಯರ್‌ಬಡ್ ಹೊರತಂದಿದೆ. ಅದರಲ್ಲಿ ಹೊರಗಿನ ಸದ್ದು-ಗದ್ದಲವನ್ನು ತಡೆಯುವ ವಿಶೇಷತೆಯಿದ್ದು, ಎರಡೂ ಇಯರ್‌ಬಡ್‌ನಲ್ಲಿ ಮೈಕ್ರೋಫೋನ್‌ ಇದ್ದು, ಅತ್ಯಂತ ಸ್ಪಷ್ಟ ಧ್ವನಿ ಇದರಲ್ಲಿ ಕೇಳಿಸುತ್ತದೆ.

ಸರಳ ಚಾರ್ಜಿಂಗ್ ಕೇಸ್ ಇದ್ದು, ಯುಎಸ್‌ಬಿ ಸಿ ಕೇಬಲ್ ಮೂಲಕ ಜಾರ್ಜ್ ಮಾಡಬಹುದು. ಸೋನಿ ಇಯರ್‌ಬಡ್ ಒಮ್ಮೆ ಫುಲ್ ಚಾರ್ಜ್ ಮಾಡಿದರೆ, ಸತತ ಆರು ಗಂಟೆ ಕಾಲ ಸಂಗೀತ ಕೇಳಬಹುದು. ಚಾರ್ಜ್ ಕೇಸ್‌ ಮೂಲಕ ಮೂರು ಬಾರಿ ಇಯರ್‌ಬಡ್ ಅನ್ನು ಪೂರ್ತಿಯಾಗಿ ಚಾರ್ಜ್ ಮಾಡಬಹುದು.

ಪ್ರಾಕ್ಸಿಮಿಟಿ ಸೆನ್ಸರ್ ಮೂಲಕ, ಸೋನಿ ಇಯರ್‌ಬಡ್ ಕೆಲಸ ಮಾಡುತ್ತದೆ. ಸಂಗೀತ ಪ್ಲೇ ಆಗುತ್ತಿರುವಾಗ ಕಿವಿಯಿಂದ ತೆಗೆದರೆ, ಸಂಗೀತ ನಿಲ್ಲುತ್ತದೆ. ಮತ್ತೆ ಕಿವಿಗೆ ಇಟ್ಟುಕೊಂಡಾಗ ಪ್ಲೇ ಆಗುತ್ತದೆ. ಗೂಗಲ್ ಅಸಿಸ್ಟೆಂಟ್‌ಗೂ ಬೆಂಬಲ ನೀಡುತ್ತದೆ. ದೇಶದಲ್ಲಿ ಅಂದಾಜು 15,000 ರೂ. ಬೆಲೆ ಇರಬಹುದು ಎನ್ನಲಾಗಿದೆ.