​Samsung Galaxy: ಜಾಗತಿಕ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಮುನ್ನಡೆ ಕಾಯ್ದುಕೊಂಡ ಸ್ಯಾಮ್‌ಸಂಗ್

ದಕ್ಷಿಣ ಕೊರಿಯಾ ಮೂಲದ ಪ್ರಸಿದ್ಧ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ ಸ್ಯಾಮ್‌ಸಂಗ್, ದೇಶದ ಸ್ಮಾರ್ಟ್‌ಫೋನ್ ಮಾರುಕಟ್ಟೆ ಮಾತ್ರವಲ್ಲದೆ, ಜಾಗತಿಕ ಮಾರುಕಟ್ಟೆಯಲ್ಲೂ ಮುಂಚೂಣಿಯಲ್ಲಿದೆ.

ಕಳೆದ ಆಗಸ್ಟ್ ತಿಂಗಳಿನಲ್ಲಿ ಜಾಗತಿಕ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯ ಶೇ. 22 ಪಾಲು ಪಡೆದುಕೊಳ್ಳುವ ಮೂಲಕ ಸ್ಯಾಮ್‌ಸಂಗ್, ಹೊಸ ಸರಣಿಯಲ್ಲಿ ವಿವಿಧ ಮಾದರಿಗಳನ್ನು ಬಿಡುಗಡೆ ಮಾಡಿ ಸೈ ಎನ್ನಿಸಿಕೊಂಡಿದೆ. ಅಲ್ಲದೆ, ಹೊಸ ಗ್ರಾಹಕರ ಸಂಖ್ಯೆಯಲ್ಲೂ ಹೆಚ್ಚಳವಾಗಿದೆ.

ಚೀನಾ ಗ್ಯಾಜೆಟ್ ಮೇಲೆ ನಿರಾಸಕ್ತಿ
ಆರಂಭದಲ್ಲಿ ಹುವೈ ಕಂಪನಿ ಉನ್ನತ ಸ್ಥಾನ ಗಳಿಸಿತ್ತು. ಆದರೆ ಅಮೆರಿಕದಲ್ಲಿ ಹುವೈ ಮೇಲಿನ ನಿರ್ಬಂಧ ಮತ್ತು ದೇಶದಲ್ಲಿ ಚೀನಾ ಮೂಲದ ಸರಕುಗಳ ಬಹಿಷ್ಕಾರದಿಂದ ಜನರು ಸ್ಯಾಮ್‌ಸಂಗ್ ಫೋನ್ ಮೇಲೆ ಹೆಚ್ಚಿನ ಒಲವು ತೋರಿಸಿದ್ದು, ಮಾರುಕಟ್ಟೆಯಲ್ಲಿ ಗರಿಷ್ಠ ಪಾಲು ಪಡೆಯಲು ಸಾಧ್ಯವಾಗಿದೆ.

ಸ್ಯಾಮ್‌ಸಂಗ್ ಸ್ಮಾರ್ಟ್‌ಫೋನ್
ಸ್ಯಾಮ್‌ಸಂಗ್, ಗ್ಯಾಲಕ್ಸಿ ಸ್ಮಾರ್ಟ್‌ಫೋನ್ ಸರಣಿಯಲ್ಲಿ ಜೆ, ಎಸ್‌, ಎ, ಎಂ ಮತ್ತು ಎಫ್ ಸಿರೀಸ್ ಫೋನ್‌ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಿದೆ. ಜತೆಗೆ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಬಜೆಟ್ ಆರಂಭಿಕ ದರದಿಂದ ತೊಡಗಿ, ಪ್ರೀಮಿಯಂ ದರದವರೆಗೆ ವಿವಿಧ ಫೋನ್‌ಗಳನ್ನು ಬಿಡುಗಡೆ ಮಾಡುತ್ತದೆ.

Big Billion Days: ಫ್ಲಿಪ್‌ಕಾರ್ಟ್‌ನಲ್ಲಿ ಸ್ಮಾರ್ಟ್‌ಫೋನ್ ಮಾರಾಟ ಶೇ. 40 ಹೆಚ್ಚಳ

ಹೀಗಾಗಿ ಎಲ್ಲ ವರ್ಗದ ಮಾರುಕಟ್ಟೆಯಲ್ಲೂ ಮುನ್ನಡೆ ಕಾಯ್ದುಕೊಳ್ಳಲು ಸ್ಯಾಮ್‌ಸಂಗ್‌ಗೆ ಸಾಧ್ಯವಾಗಿದೆ.

Micromax In: ನವೆಂಬರ್‌ನಲ್ಲಿ ಮಾರುಕಟ್ಟೆಗೆ ಬರುತ್ತಿದೆ ದೇಸಿ ಮೈಕ್ರೋಮ್ಯಾಕ್ಸ್ ಫೋನ್