Redmi Note 5 Pro: ವಿಶೇಷ ದರಕಡಿತದಲ್ಲಿ ಲಭ್ಯ

ಚೀನಾ ಮೂಲದ ಜನಪ್ರಿಯ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ ಶಿಯೋಮಿ, ಎಂಐ ಡೇಸ್ ಮತ್ತು ಎಂಐ ಸೂಪರ್ ಸೇಲ್ ಮೂಲಕ ಸ್ಮಾರ್ಟ್‌ಫೋನ್ ಮತ್ತು ಗ್ಯಾಜೆಟ್ ಮೇಲೆ ಡಿಸ್ಕೌಂಟ್ ಕೊಡುಗೆ ನೀಡುತ್ತಿದೆ.

ಫ್ಲಿಪ್‌ಕಾರ್ಟ್ ಮತ್ತು ಅಮೆಜಾನ್ ಹಾಗೂ ಎಂಐ ಡಾಟ್‌ ಕಾಂ ಮೂಲಕ ಆಫರ್ ಸೇಲ್ ನಡೆಯುತ್ತಿದ್ದು, ಅದರಲ್ಲಿ ಶಿಯೋಮಿ ರೆಡ್ಮಿ ನೋಟ್ 5 ಪ್ರೊ ಮಾದರಿಯ ಮೇಲೆ ವಿಶೇಷ ಕೊಡುಗೆ ಲಭ್ಯವಾಗಿದೆ.

ಜುಲೈ 9, ಮಂಗಳವಾರದವರೆಗೆ ನಡೆಯುತ್ತಿರುವ ಸೇಲ್‌ನಲ್ಲಿ ಪೋಕೋ ಎಫ್‌1, ರೆಡ್ಮಿ Y3, ಎಂಐ A2 ಮತ್ತು 6A ಮೇಲೂ ವಿಶೇಷ ಡಿಸ್ಕೌಂಟ್ ದೊರೆಯುತ್ತಿದೆ.

ಶಿಯೋಮಿ ರೆಡ್ಮಿ ನೋಟ್ 5 ಪ್ರೊ, 13,999 ರೂ. ದರವಿದ್ದು, 2,000 ರೂ. ಡಿಸ್ಕೌಂಟ್ ದೊರೆಯುತ್ತಿದೆ. ಇದರಿಂದಾಗಿ 11,999 ರೂ.ಗೆ ರೆಡ್ಮಿ ನೋಟ್ 5 ಪ್ರೊ ಲಭ್ಯವಾಗಲಿದೆ. ಈ ಆಫರ್ 6 GB RAM ಮತ್ತು 64 GB ಮಾದರಿ ಮೇಲೆ ಮಾತ್ರ ಎಂದು ಶಿಯೋಮಿ ಹೇಳಿದೆ.