Microsoft: 4,600 ಕೋಟಿ ರೂ.ಗಳ ವಿಹಾರನೌಕೆ ಖರೀದಿಸಿದ ಬಿಲ್‌ಗೇಟ್ಸ್

ಮೈಕ್ರೊಸಾಫ್ಟ್‌ ಸಹ-ಸಂಸ್ಥಾಪಕ ಮತ್ತು ವಿಶ್ವದ ಎರಡನೇ ದೊಡ್ಡ ಶ್ರೀಮಂತ ಬಿಲ್‌ ಗೇಟ್ಸ್‌ ಹೈಡ್ರೋಜನ್‌ನಿಂದ ಕಾರ್ಯ ನಿರ್ವಹಿಸುವ ಸೂಪರ್‌ ವಿಹಾರನೌಕೆಯೊಂದನ್ನು ಖರೀದಿಸಿದ್ದಾರೆ. ಇದರ ಬೆಲೆ 4,600 ಕೋಟಿ ರೂಪಾಯಿ ಮಾತ್ರ!

ಈ ಅತ್ಯಾಧುನಿಕ ನೌಕೆ ಸಂಪೂರ್ಣವಾಗಿ ಲಿಕ್ವಿಡ್‌ ಹೈಡ್ರೋಜನ್‌ನಿಂದ ಚಲಿಸುತ್ತದೆ. ಇದು 370 ಅಡಿ ಉದ್ದವಿದ್ದು, 14 ಅತಿಥಿಗಳಿಗೆ ಅನುಕೂಲವಾಗುವಂತಿದೆ. 31 ಜನರ ಪ್ರಯಾಣಕ್ಕೆ ಯೋಗ್ಯವಾಗಿದೆ. ಜಿಮ್‌, ಯೋಗ ಸ್ಟುಡಿಯೊ, ಬ್ಯೂಟಿ ರೂಮ್‌, ಮಸಾಜ್‌ ಪಾರ್ಲರ್‌ಗಳನ್ನು ಒಳಗೊಂಡಿದೆ. ಹೈಟ್ರೋಜನ್‌ ಇಂಧನದಿಂದ ವಿದ್ಯುತ್‌ ಉತ್ಪಾದನೆಯಾಗಿ, ಅದು ಬ್ಯಾಟರಿಗೆ ಬಲ ತುಂಬುತ್ತದೆ. ಒಂದು ಸಲ ಇಂಧನ ತುಂಬಿದರೆ 3,750 ಮೈಲಿಯನ್ನು(ಲಂಡನ್‌ನಿಂದ ನ್ಯೂಯಾರ್ಕ್ ತನಕ ಎಂದು ಭಾವಿಸಬಹುದು.) ಕ್ರಮಿಸಬಹುದು.

64 ವರ್ಷದ ಬಿಲ್‌ಗೇಟ್ಸ್‌ ಅವರು ರಜೆದಿನಗಳಲ್ಲಿ ವಿಹಾರ ನೌಕೆಗಳನ್ನು ಬಳಸುತ್ತಾರೆ. ಆದರೆ, ಈ ಮೊದಲು ತಮ್ಮದೇ ಆದ ನೌಕೆಯನ್ನು ಹೊಂದಿರಲಿಲ್ಲ. ಬಾಡಿಗೆ ನೌಕೆಗಳನ್ನು ಬಳಸುತ್ತಿದ್ದರು.

ವಿಲಾಸಿ ವಿಹಾರ ನಕೆ ಹೊಂದುವುದು ಶ್ರೀಮಂತರಿಗೆ ಫ್ಯಾಶನ್ ಮತ್ತು ಪ್ರತಿಷ್ಠೆಯ ಸಂಕೇತವೂ ಆಗಿದ್ದು, ಬಿಲ್‌ಗೇಟ್ಸ್ ಕೂಡ ಸ್ವಂತ ನೌಕೆ ಖರೀದಿಸಿದ್ದಾರೆ. ರಜಾದಿನಗಳ ವಿಹಾರಕ್ಕೆ ಅವರು ನೌಕೆಯನ್ನು ಬಳಸಲಿದೆ. ಜತೆಗೆ ವಿವಿಧ ಪ್ರದೇಶಗಳಿಗೆ ಪ್ರವಾಸ ಹೋಗುವ ಹವ್ಯಾಸವೂ ಬಿಲ್‌ ಗೇಟ್ಸ್‌ಗಿದೆ.

ಟೆಕ್ ದಿಗ್ಗಜರ ಬಳಿ ಇವೆ ದುಬಾರಿ ಸೊತ್ತು!