Google: ಪಾರ್ಶ್ವವಾಯು ಪೀಡಿತರ ನೆರವಿಗೆ ಗೂಗಲ್

ಪಾರ್ಶ್ವವಾಯು ಮತ್ತು ಇತರ ವಿವಿಧ ರೀತಿಯ ದೈಹಿಕ ಅಂಗವಿಕಲತೆಯಿಂದ ಬಳಲುತ್ತಿರುವವರ ನೆರವಿಗೆ ಗೂಗಲ್ ಧಾವಿಸಿದೆ.

ಈ ಬಾರಿ ಗೂಗಲ್ ಕ್ರಿಸ್ತೋಫರ್ ಮತ್ತು ಡಾನಾ ರೀವ್ ಫೌಂಡೇಶನ್ ಸಹಯೋಗದಲ್ಲಿ 1 ಲಕ್ಷ ಗೂಗಲ್ ಹೋಮ್ ಮಿನಿ ಸ್ಮಾರ್ಟ್‌ ಸ್ಪೀಕರ್‌ಗಳನ್ನು ದೈಹಿಕ ನ್ಯೂನತೆಯಿಂದ ಬಳಲುತ್ತಿರುವವರು ಅಥವಾ ಅವರನ್ನು ನೋಡಿಕೊಳ್ಳುತ್ತಿರುವವರಿಗೆ ಕೊಡುಗೆಯಾಗಿ ನೀಡಲಿದೆ.

ಅಮೆರಿಕದಲ್ಲಿ ಕಾರ್ಯಾಚರಿಸುತ್ತಿರುವ ಕ್ರಿಸ್ತೋಫರ್ ಮತ್ತು ಡಾನಾ ರೀವ್ ಫೌಂಡೇಶನ್ ಪಾರ್ಶ್ವವಾಯು ಮತ್ತು ದೈಹಿಕ ಅಸಮರ್ಥತೆ ಹೊಂದಿರುವವರಿಗೆ ವಿವಿಧ ರೀತಿಯಲ್ಲಿ ನೆರವಾಗುತ್ತದೆ.

ಗೂಗಲ್ ಸ್ಮಾರ್ಟ್ ಸ್ಪೀಕರ್ ನೆರವಿನಿಂದ ಮನೆಯಲ್ಲಿನ ಸ್ಮಾರ್ಟ್‌ ಉಪಕರಣ ನಿಯಂತ್ರಣ, ಕರೆ ಸೌಲಭ್ಯ, ಆಪ್ತರಿಗೆ ಸಂದೇಶ ಕಳುಹಿಸುವುದು, ನೆನಪೋಲೆ, ಅಲಾರ್ಮ್ ಸಹಿತ ವಿವಿಧ ಅಗತ್ಯ ಕಾರ್ಯಗಳನ್ನು ನೆರವೇರಿಸಬಹುದು, ಜತೆಗೆ ದೈಹಿಕ ಅಸಮರ್ಥರು ಗೂಗಲ್ ಹೋಮ್ ತಂತ್ರಜ್ಞಾನದ ನೆರವಿನಿಂದ ಹಲವು ಪ್ರಯೋಜನ ಪಡೆಯಬಹುದು. ಹೀಗಾಗಿ 1 ಲಕ್ಷ ಗೂಗಲ್ ಹೋಮ್ ಮಿನಿ ಸ್ಮಾರ್ಟ್ ಸ್ಪೀಕರ್ ನೀಡಲು ಗೂಗಲ್ ಮುಂದಾಗಿದೆ.