5G Internet: ಮಾರ್ಚ್-ಏಪ್ರಿಲ್‌ನಲ್ಲಿ 5ಜಿ ಸ್ಪೆಕ್ಟ್ರಂ ಹರಾಜು

ಬಹು ನಿರೀಕ್ಷಿತ 5ಜಿ ಸ್ಪೆಕ್ಟ್ರಂ ಹರಾಜು ಹೊಸ ವರ್ಷದಲ್ಲಿ ನಡೆಯಲಿದೆ. ಅಂದರೆ, 2020ರ ಮಾರ್ಚ್ ಮತ್ತು ಏಪ್ರಿಲ್‌ ತಿಂಗಳಲ್ಲಿ ಕೇಂದ್ರ ಸರಕಾರವು 5ಜಿ ಸ್ಪೆಕ್ಟ್ರಂ ಹರಾಜು ಹಾಕಲು ನಿರ್ಧರಿಸಿದೆ. ಟೆಲಿಕಾಂ ವಲಯ ಬಿಕ್ಕಟ್ಟು ಎದುರಿಸುತ್ತಿದ್ದರೂ ಯಾವುದೇ ಕಾರಣಕ್ಕೂ 5ಜಿ ಸ್ಪೆಕ್ಟ್ರಂ ದರ ತಗ್ಗಿಸದಿರಲೂ ತೀರ್ಮಾನಿಸಿದೆ.

ಟೆಲಿಕಾಂ ಇಲಾಖೆಯ ಡಿಜಿಟಲ್‌ ಕಮ್ಯುನಿಕೇಷನ್‌ ಕಮಿಷನ್‌(ಡಿಸಿಸಿ) ಸ್ಪೆಕ್ಟ್ರಂ ಮಾರಾಟಕ್ಕೆ ಒಪ್ಪಿಗೆ ನೀಡಿದ್ದು, ದೇಶದ 22 ನಗರಗಳಲ್ಲಿಒಟ್ಟು 8,300 ಮೆಗಾಹರ್ಡ್ಸ್ ಹರಾಜು ಹಾಕಲಾಗುವುದು. ಇದರಿಂದ ಒಟ್ಟು ಖಜಾನೆಗೆ 5.22 ಲಕ್ಷ ಕೋಟಿ ರೂ. ಹರಿದು ಬರಲಿದೆ ಎಂದು ಅಂದಾಜಿಸಲಾಗಿದೆ.

ಭಾರತೀಯ ಟೆಲಿಕಾಂ ನಿಯಂತ್ರಣಾ ಪ್ರಾಧಿಕಾರ(ಟ್ರಾಯ್‌) ಶಿಫಾರಸುಗಳಿಗೆ ಡಿಸಿಸಿ ಒಪ್ಪಿಗೆ ನೀಡಿದ್ದು, ಮುಂದಿನ ಮಾರ್ಚ್-ಏಪ್ರಿಲ್‌ ತಿಂಗಳಲ್ಲಿಹರಾಜು ಹಾಕಲಾಗುವುದು ಎಂದು ಟೆಲಿಕಾಂ ಇಲಾಖೆಯ ಕಾರ್ಯದರ್ಶಿ ಅನ್ಷು ಪ್ರಕಾಶ್‌ ಖಚಿತಪಡಿಸಿದ್ದಾರೆ. ಆದರೆ, 'ರಿಸರ್ವ್ ಪ್ರೈಸ್‌' ವಿಪರೀತ ಎನ್ನುವಷ್ಟರ ಮಟ್ಟಿಗೆ ನಿಗದಿಪಡಿಸಿದ ಪರಿಣಾಮ ಬಹುತೇಕ ಕಂಪನಿಗಳು ಆರೋಗ್ಯಕರ ಹರಾಜು ಪ್ರಕ್ರಿಯೆಗಳ ಬಗ್ಗೆ ಅನುಮಾನ ವ್ಯಕ್ತಪಡಿಸಿವೆ.

Youtube Video: ಫೋನ್‌ನಲ್ಲಿ ಡೌನ್‌ಲೋಡ್‌ ಮಾಡಿಕೊಳ್ಳುವುದು ಹೇಗೆ?