Tesla: ಪಥ ಬಿಟ್ಟು ಚಲಿಸುವಂತಿಲ್ಲ

ಅಮೆರಿಕದ ಜನಪ್ರಿಯ ಎಲೆಕ್ಟ್ರಿಕ್ ಕಾರು ತಯಾರಿಕ ಸಂಸ್ಥೆ ಟೆಸ್ಲಾ, ನೂತನ ಆಯ್ಕೆಯನ್ನು ತನ್ನ ಕಾರುಗಳಲ್ಲಿ ಪರಿಚಯಿಸಿದೆ.

ಚಾಲಕರು ಅಟೋಪೈಲಟ್ ಮೋಡ್ ಆಫ್ ಮಾಡಿದ್ದರೂ, ಪಥ ಬಿಟ್ಟು ಚಲಿಸಿದರೆ, ಮತ್ತು ಏಕಾಏಕಿ ಪಥ ಬದಲಿಸಿದರೆ, ಅದರಿಂದ ಅಪಘಾತ ಉಂಟಾಗುವುದನ್ನು ತಡೆಯುವ ಸಲುವಾಗಿ ಟೆಸ್ಲಾ ಈ ಆಯ್ಕೆ ಪರಿಚಯಿಸಿದೆ.

ಲೇನ್ ಡಿಪಾರ್ಚರ್‌ ಅವಾಯ್‌ಡೆನ್ಸ್ ಮತ್ತು ಎಮರ್ಜೆನ್ಸಿ ಲೇನ್ ಡಿಪಾರ್ಚರ್ ಎಂಬ ಆಯ್ಕೆ ಟೆಸ್ಲಾ ಕಾರುಗಳಲ್ಲಿ ಲಭ್ಯವಾಗಲಿದ್ದು, ಇದರಿಂದ ಅಪಘಾತದ ಪ್ರಮಾಣ ತಗ್ಗಲಿದೆ.

ಈಗಾಗಲೇ ಅಟೋಪೈಲಟ್ ಮೋಡ್‌ನಲ್ಲಿ ಅಪಘಾತ ತಡೆಯುವ ಹಲವು ಫೀಚರ್‌ಗಳಿದ್ದರೂ, ಕೆಲವೊಮ್ಮೆ ಚಾಲಕನ ಅಜಾಗರುಕತೆ ಮತ್ತು ಇತರ ವಾಹನಗಳಿಂದ ಸಮಸ್ಯೆಯಾಗುವ ಸಾಧ್ಯತೆಯಿರುತ್ತದೆ.

ಹೊಸ ಸಾಫ್ಟ್‌ವೇರ್ ಅಪ್‌ಡೇಟ್ ಮೂಲಕ ಟೆಸ್ಲಾ ಕಾರುಗಳಿಗೆ ನೂತನ ಸುರಕ್ಷಾ ನಿಯಮ ಒದಗಲಿದೆ. ಈ ಮೋಡ್‌ನಲ್ಲಿ ಚಾಲಕ ಮತ್ತು ಕಾರಿನ ಚಲನೆಯಲ್ಲಿ ಲೇನ್ ವ್ಯತ್ಯಾಸ ಕಂಡುಬಂದರೆ, ಕಾರಿನ ವೇಗ ತಗ್ಗಲಿದೆ.