Google Pay: ಗೂಗಲ್ ತೇಜ್ ಈಗ ಗೂಗಲ್ ಪೇ

ಹೊಸದಿಲ್ಲಿ: ಸರ್ಚ್ ಎಂಜಿನ್ ದೈತ್ಯ ಗೂಗಲ್‌ನ ಡಿಜಿಟಲ್ ಪೇಮೆಂಟ್ ಬ್ಯಾಂಕಿಂಗ್ ಆ್ಯಪ್ ಇನ್ನು ಮುಂದೆ 'ಗೂಗಲ್ ಪೇ' ಎಂದು ಹೆಸರಿಸಿಕೊಳ್ಳಲಿದೆ.

ಆನ್ಲೈನ್ ಪೇಮೆಂಟ್ ಮಾರುಕಟ್ಟೆಯಲ್ಲಿ ಗರಿಷ್ಠ ಶೇರು ಗುರಿಯಿರಿಸಿಕೊಂಡಿರುವ ಗೂಗಲ್, ತೇಜ್ ಬದಲು ಪೇ ಎಂದು ಮರು ನಾಮಕರಣ ಮಾಡಿದೆ.

ಗೂಗಲ್ ವಾರ್ಷಿಕ ಕಾರ್ಯಕ್ರಮದಲ್ಲಿ ಇದನ್ನು ಘೋಷಿಸಲಾಗಿದ್ದು, ಖಾಸಗಿ ಬ್ಯಾಂಕ್ ಸಹಯೋಗದಲ್ಲಿ ತ್ವರಿತವಾಗಿ ಪೂರ್ವ ಅನುಮೋದಿತ ಸಾಲಗಳನ್ನು ಗ್ರಾಹಕರಿಗೆ ಒದಗಿಸಲು ಮುಂದಾಗಿದೆ.

ಗೂಗಲ್ ಪೇ ಆ್ಯಪ್ ಮುಖಾಂತರ ಗ್ರಾಹಕರು ತ್ವರಿತವಾಗಿ ಎಚ್‌ಡಿಎಫ್‌ಸಿ ಬ್ಯಾಂಕ್, ಐಸಿಐಸಿಐ ಮುಂತಾದ ಬ್ಯಾಂಕ್‌ಗಳಿಂದ ಸಾಲ ಪಡೆಯಬಹುದಾಗಿದೆ.

ಜಾಗತಿಕವಾಗಿಯೂ ಗೂಗಲ್ ಪೇಮೆಂಟ್ ಸೇವೆಯನ್ನು ಒಗ್ಗೂಡಿಸುವ ಮೂಲಕ ವಿಶ್ವದೆಲ್ಲ ಗ್ರಾಹಕರಿಗೆ ಸುಲಭ ಹಾಗೂ ತ್ವರಿತ ಸೇವೆಯನ್ನು ನೀಡಲು ಗೂಗಲ್ ಪೇ ಗುರಿಯಿರಿಸಿಕೊಂಡಿದೆ.

ದೇಶದಲ್ಲಿ 22 ದಶಲಕ್ಷ ಸಕ್ರಿಯ ಬಳಕೆದಾರರನ್ನು ಗೂಗಲ್ ಪೇ ಹೊಂದಿದ್ದು, ವಾರ್ಷಿಕವಾಗಿ ಎರಡು ಲಕ್ಷ ಕೋಟಿ ರೂಪಾಯಿಗಳ ವ್ಯವಹಾರವನ್ನು ಪಡೆದಿದೆ.