Pegasus Malware: ಗೂಗಲ್, ಫೇಸ್‌ಬುಕ್ ಮತ್ತು ಆ್ಯಪಲ್ ಐಕ್ಲೌಡ್ ಡಾಟಾ ಸುರಕ್ಷಿತವಲ್ಲ

ಸ್ಮಾರ್ಟ್‌ಫೋನ್‌ಗಳಿಗೆ ವೈರಸ್ ಮತ್ತು ಮಾಲ್ವೇರ್ ಹರಿಯಬಿಟ್ಟು, ಅದರ ಮೂಲಕ ಬಳಕೆದಾರರ ದತ್ತಾಂಶ ಕದಿಯುವುದು ಇತ್ತೀಚೆಗೆ ಹೆಚ್ಚಾಗುತ್ತಿದೆ. ಈ ಸಾಲಿಗೆ ಹೊಸ ಸೇರ್ಪಡೆಯೆಂದರೆ ಪೆಗಸಿಸ್!

ಮೂಲತಃ ಇಸ್ರೇಲ್‌ನ ಎನ್‌ಎಸ್‌ಪಿ ಗ್ರೂಪ್ ಕಂಪನಿ ಅಭಿವೃದ್ಧಿಪಡಿಸಿದ ಪೆಗಸಿಸ್ ಅನ್ನು ಸರಕಾರ, ಸೇನೆ ಬಳಸುತ್ತಿದೆ.

ಜತೆಗೆ ಪೆಗಸಿಸ್ ಅನ್ನು ಖಾಸಗಿ ವ್ಯಕ್ತಿ ಅಥವಾ ಸಂಸ್ಥೆಗಳಿಗೆ ಮಾರಾಟ ಮಾಡುವುದಿಲ್ಲ. ಬದಲಾಗಿ ಸರಕಾರಕ್ಕೆ, ಅದರ ಅಧೀನ ಸಂಸ್ಥೆ, ಮಿಲಿಟರಿಗೆ ಮಾತ್ರ ಲಭ್ಯವಾಗುವಂತೆ ಮಾಡಿದ್ದು, ಅತ್ಯಂತ ದುಬಾರಿಯೂ ಆಗಿದೆ.

ಪೆಗಸಿಸ್‌ನ ಇತ್ತೀಚಿನ ಹೊಸ ಆವೃತ್ತಿ ಅತ್ಯಂತ ಹೆಚ್ಚು ಸಮರ್ಥವಾಗಿದ್ದು, ಗೂಗಲ್, ಫೇಸ್‌ಬುಕ್, ಮೈಕ್ರೋಸಾಫ್ಟ್‌ ಮತ್ತು ಅಮೆಜಾನ್, ಆ್ಯಪಲ್ ಐಕ್ಲೌಡ್‌ನ ಡಾಟಾ ಕೂಡ ಕದಿಯಬಲ್ಲದು ಎಂದು ನಿರೂಪಿತವಾಗಿದೆ.

ದುಬಾರಿಯೂ ಆಗಿರುವ ಪೆಗಸಿಸ್ ಟೂಲ್ ಅನ್ನು ಸರಕಾರಗಳು ಮಾತ್ರ ಖರೀದಿಸಬಹುದಾಗಿದ್ದು, ಸ್ಮಾರ್ಟ್‌ಫೋನ್‌ಗಳ ಮೇಲೆ ಕಣ್ಣಿರಿಸಲು ಬಳಸುತ್ತಿವೆ.

ಪೆಗಸಿಸ್ ಮಾಲ್ವೇರ್ ಮೂಲಕ ಸ್ಮಾರ್ಟ್‌ಫೋನ್ ಪ್ರವೇಶಿಸಿ, ನಂತರ ಬಳಕೆದಾರರ ಡಾಟಾ ಕದಿಯುತ್ತದೆ. ಅಲ್ಲದೆ ಫೋನ್‌ನ ಸಂಪೂರ್ಣ ನಿಯಂತ್ರಣ ಕೂಡ ಪೆಗಸಿಸ್‌ಗೆ ದೊರೆಯುತ್ತದೆ.