ಥಾಮ್ಸನ್ ಟಿವಿಯಿಂದ ಉಚಿತ ಝೀ5 ಚಂದಾದಾರಿಕೆ ಕೊಡುಗೆ

ಹೊಸದಿಲ್ಲಿ: ದೇಶದ ಪ್ರಮುಖ ಒಟಿಟಿ ಪ್ಲ್ಯಾಟ್‌ಫಾರ್ಮ್ ಆಗಿರುವ ಝೀ5 ಜತೆಗೆ ವಿಶೇಷ ಪಾಲುದಾರಿಕೆ ಮಾಡಿಕೊಂಡಿರುವ ಥಾಮ್ಸನ್ ಟಿವಿ, ಫೆ.10, 11ರಂದು ಫ್ಲಿಪ್‌ಕಾರ್ಟ್‌ನಲ್ಲಿ ನಡೆಯುತ್ತಿರುವ ಥಾಮ್ಸನ್ ಟಿವಿ ಡೇ ಮಾರಾಟದ ಸಂದರ್ಭದಲ್ಲಿ ಟಿವಿ ಖರೀದಿ ಮಾಡುವ ಮೊದಲ 1000 ಗ್ರಾಹಕರಿಗೆ ಒಂದು ವರ್ಷದ ಝೀ5 ಚಂದಾದಾರಿಕೆಯನ್ನು ಉಚಿತವಾಗಿ ನೀಡುತ್ತಿದೆ.

ಗ್ರಾಹಕರಿಗೆ ಹೊಸ ಮತ್ತು ತಾಜಾ ಅನುಭವ ನೀಡುತ್ತಿರುವ ಥಾಮ್ಸನ್, ಸ್ಮಾರ್ಟ್ ಟಿವಿಗಳ ಮೂಲಕ ಆನ್‌ಲೈನ್‌ನಲ್ಲಿ ಉತ್ತಮ ಗ್ರಾಹಕರನ್ನು ಹೊಂದಿದೆ. ಸ್ಥಳೀಯ ವಿಷಯಗಳನ್ನು ಗ್ರಾಹಕರಿಗೆ ಒದಗಿಸುವಲ್ಲಿ ಈ ಫ್ರೆಂಚ್ ಕಂಪನಿಯು ಇದೀಗ ಝೀ ಮನರಂಜನಾ ಕಂಪನಿ ಜತೆಗೆ ಒಡಂಬಡಿಕೆ ಮಾಡಿಕೊಂಡಿದೆ.

ಪಾಲುದಾರಿಕೆ ಕುರಿತು ಮಾಹಿತಿ ನೀಡಿದ ಎಸ್‌ಪಿಪಿಎಲ್ ಸಿಇಒ ಅವನೀತ್ ಸಿಂಗ್ ಮರ್ವಾ ಅವರು, "ಝೀ5 ಜತೆ ಪಾಲುದಾರಿಕೆಯೊಂದಿಗೆ ಥಾಮ್ಸನ್ ಟಿವಿ ಡೇ ಮೂಲಕ ಗ್ರಾಹಕರಿಗೆ ಒಂದು ವರ್ಷದ ಉಚಿತ ಪ್ರೀಮಿಯಂ ಕಂಟೆಂಟ್ ನೀಡುತ್ತಿರುವುದರಲ್ಲಿ ಥಾಮ್ಸನ್ ಪ್ರಪ್ರಥಮ ಟಿವಿ ಬ್ರ್ಯಾಂಡ್ ಆಗಿದೆ. ಗ್ರಾಹಕರಿಗೆ ಮತ್ತಷ್ಟು ಪ್ರೀಮಿಯಂ ಕಂಟೆಂಟ್ ದೊರೆಯುವಂತಾಗಲು ಭವಿಷ್ಯದಲ್ಲೂ ಇಂತಹಾ ಮತ್ತಷ್ಟು ಕೊಡುಗೆಗಳನ್ನು ನೀಡಲಿದ್ದೇವೆ" ಎಂದು ಹೇಳಿದರು.

ಥಾಮ್ಸನ್ ಜತೆ ಸೇರಿಕೊಂಡು ಸಮೃದ್ಧ ವಿಷಯಗಳನ್ನು ಎಲ್ಲ ಮನೆಗಳಿಗೆ ತಲುಪಿಸಲು ಹರ್ಷವಾಗುತ್ತಿದೆ ಎಂದು ಝೀ5 ಇಂಡಿಯಾ ಬಿಸಿನೆಸ್ ಮುಖ್ಯಸ್ಥ ಮನೀಷ್ ಅಗರ್‌ವಾಲ್ ಹೇಳಿದ್ದಾರೆ.