TikTok: ಗೂಗಲ್ ಪ್ಲೇ ಸ್ಟೋರ್‌, ಆ್ಯಪ್ ಸ್ಟೋರ್‌ಗೆ ಮರಳಿ ಬಂತು

ಮೊಬೈಲ್ ಆ್ಯಪ್ ಟಿಕ್‌ಟಾಕ್‌ಗೆ ದೇಶದಲ್ಲಿ ಹೇರಿದ್ದ ನಿಷೇಧ ಹಿಂದಕ್ಕೆ ಪಡೆದ ಬೆನ್ನಲ್ಲೇ, ಗೂಗಲ್ ಪ್ಲೇ ಸ್ಟೋರ್ ಮತ್ತು ಆ್ಯಪಲ್ ಆ್ಯಪ್ ಸ್ಟೋರ್‌ನಲ್ಲಿ ಟಿಕ್‌ಟಾಕ್‌ ಮತ್ತೆ ಮರಳಿ ಬಂದಿದೆ.

ಲೈಂಗಿಕತೆಗೆ ಉತ್ತೇಜನ ನೀಡುತ್ತದೆ ಮತ್ತು ಅಶ್ಲೀಲ ವಿಡಿಯೋಗಳನ್ನು ಹರಡುತ್ತದೆ ಎಂಬ ಆರೋಪದ ಮೇಲೆ ಟಿಕ್‌ಟಾಕ್ ಮೇಲೆ ನಿರ್ಬಂಧ ಹೇರಲಾಗಿತ್ತು.

ಹೀಗಾಗಿ ನ್ಯಾಯಾಲಯದ ಆದೇಶದ ಮೇರೆಗೆ ಗೂಗಲ್ ಪ್ಲೇ ಸ್ಟೋರ್‌ ಮತ್ತು ಆ್ಯಪಲ್ ಆ್ಯಪ್ ಸ್ಟೋರ್‌ನಿಂದ ಟಿಕ್‌ಟಾಕ್ ಆ್ಯಪ್ ಅನ್ನು ತೆಗೆದುಹಾಕಲಾಗಿತ್ತು.

ಆದರೆ ನಂತರ ವಿಚಾರಣೆ ನಡೆದು, ಬಳಕೆದಾರರ ಸುರಕ್ಷತೆ ಮತ್ತು ವಿಡಿಯೋ ಪೋಸ್ಟ್ ವಿಚಾರದಲ್ಲಿ ಕೆಲವೊಂದು ನಿರ್ಬಂಧ ವಿಧಿಸುವ ಕುರಿತು ಟಿಕ್‌ಟಾಕ್ ನ್ಯಾಯಾಲಯಕ್ಕೆ ಸ್ಪಷ್ಟಪಡಿಸಿದ್ದು ನಂತರ ನಿಷೇಧ ಹಿಂಪಡೆಯಲಾಗಿತ್ತು.

ದೇಶದಲ್ಲಿ ಟಿಕ್‌ಟಾಕ್ ಬ್ಯಾನ್ ಆಗಿದ್ದರಿಂದ 250ಕ್ಕೂ ಅಧಿಕ ಉದ್ಯೋಗಿಗಳಿಗೆ ಸಮಸ್ಯೆಯಾಗುವ ಸಾಧ್ಯತೆಯಿತ್ತು. ಆದರೆ ಟಿಕ್‌ಟಾಕ್ ಮರಳಿರುವುದು ಟಿಕ್‌ಟಾಕ್ ಪ್ರೇಮಿಗಳಿಗೆ ಸಂತಸ ತಂದಿದೆ.