TikTok Ban: ಗೂಗಲ್ ಪ್ಲೇ ಸ್ಟೋರ್, ಆ್ಯಪ್ ಸ್ಟೋರ್‌ನಿಂದ ಕಾಣೆಯಾದ ಟಿಕ್‌ಟಾಕ್!

ಕೇಂದ್ರ ಸರಕಾರ ಸೋಮವಾರ, ಜೂನ್ 29ರಂದು ಸಂಜೆ ದೇಶದಲ್ಲಿ ಚೀನಾ ಮೂಲದ 59 ಆ್ಯಪ್‌ಗಳನ್ನು ನಿಷೇಧಿಸಿದೆ. ಭದ್ರತೆ ಮತ್ತು ರಾಷ್ಟ್ರೀಯ ಹಿತಾಸಕ್ತಿ, ಬಳಕೆದಾರರ ದತ್ತಾಂಶ ಕದಿಯುವ ಆರೋಪ ಹೊಂದಿದ್ದ ಚೀನಾ ಮೂಲದ ಆ್ಯಪ್‌ಗಳಿಗೆ ನಿರ್ಬಂಧ ವಿಧಿಸಲಾಗಿದೆ.

ಟಿಕ್‌ಟಾಕ್ ಕಣ್ಮರೆ
ಗೂಗಲ್ ಪ್ಲೇ ಸ್ಟೋರ್ ಮತ್ತು ಆ್ಯಪ್‌ ಸ್ಟೋರ್‌ನಲ್ಲಿ ಟಿಕ್‌ಟಾಕ್ ಆ್ಯಪ್ ಅನ್ನು ತೆಗೆದುಹಾಕಲಾಗಿದೆ. ಅಂದರೆ ನಿಮ್ಮ ಬಳಕೆದಾರರ ಸೆಟ್ಟಿಂಗ್ಸ್‌ನಲ್ಲಿ ದೇಶ ಭಾರತ ಎಂದು ಆಯ್ಕೆ ಮಾಡಿಕೊಂಡಿದ್ದರೆ, ಅಲ್ಲಿ ಟಿಕ್‌ಟಾಕ್ ಆ್ಯಪ್ ಹೆಸರು ಕಾಣಿಸಿಕೊಂಡರೂ, ಅದನ್ನು ಡೌನ್‌ಲೋಡ್ ಮಾಡಲು ಸಾಧ್ಯವಾಗುವುದಿಲ್ಲ. ಟಿಕ್‌ಟಾಕ್ ಸಹಿತ ಇತರ 58 ಆ್ಯಪ್ ನಿಷೇಧದ ಸೂಚನೆ ಬೆನ್ನಲೇ ಗೂಗಲ್ ಮತ್ತು ಆ್ಯಪಲ್ ಈ ಕ್ರಮಕ್ಕೆ ಮುಂದಾಗಿದೆ.

ಆ್ಯಪ್‌ ಸ್ಟೋರ್‌ನಲ್ಲಿ ಕೆಲವು ಲಭ್ಯ
ಹೀಗಿರುವಾಗ ಆ್ಯಪ್‌ ನಿಷೇಧವಾಗಿದ್ದರೂ, ಪ್ರಸ್ತುತ ದೇಶದಲ್ಲಿ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗೆ ಅಪ್ಲಿಕೇಶನ್ ಒದಗಿಸುವ ಗೂಗಲ್ ಪ್ಲೇ ಸ್ಟೋರ್ ಮತ್ತು ಆ್ಯಪಲ್ ಐಫೋನ್‌ಗೆ ಅಪ್ಲಿಕೇಶನ್ ದೊರೆಯುವ ಆ್ಯಪ್‌ ಸ್ಟೋರ್‌ನಲ್ಲಿ ಬಹುತೇಕ ಆ್ಯಪ್‌ಗಳು ಲಭ್ಯವಿದೆ. ಆದರೆ ಸರಕಾರದ ಆದೇಶ ಪಾಲನೆಗೆ ಸೂಚನೆ ದೊರೆತ ಕೂಡಲೇ ಅವುಗಳನ್ನು ಗೂಗಲ್ ಮತ್ತು ಆ್ಯಪಲ್ ದೇಶದಲ್ಲಿ ನಿಷೇಧಿಸಬೇಕಾಗುತ್ತದೆ. ಅಂದರೆ, ನಿಷೇಧಿತ ಆ್ಯಪ್‌ ಅಲ್ಲಿ ಕಾಣಿಸಿಕೊಂಡರೂ, ನಮ್ಮ ದೇಶದಲ್ಲಿ ಲಭ್ಯವಿರುವುದಿಲ್ಲ. ಡೌನ್‌ಲೋಡ್ ಮಾಡಲು, ಅಪ್‌ಡೇಟ್ ಮಾಡಿಕೊಳ್ಳಲು ಸಾಧ್ಯವಾಗುವುದಿಲ್ಲ.


ನೆಟ್‌ವರ್ಕ್‌ ಮೂಲಕ ಬ್ಯಾನ್
ಜತೆಗೆ ಬಳಕೆದಾರರು ಎಪಿಕೆ ಫೈಲ್ ಬಳಸಿಕೊಂಡು, ಥರ್ಡ್ ಪಾರ್ಟಿ ಮೂಲಕ ಈ ಆ್ಯಪ್‌ಗಳನ್ನು ಬಳಸಲು ಮುಂದಾದರೂ, ಇಂಟರ್‌ನೆಟ್ ಸೇವೆ ಪೂರೈಕೆ ಮತ್ತು ಮೊಬೈಲ್ ಇಂಟರ್‌ನೆಟ್ ಸೇವೆ ಒದಗಿಸುವ ಕಂಪನಿಗಳಿಗೆ ಸರಕಾರ ಸೂಚನೆ ನೀಡುವ ಮೂಲಕ, ಅವುಗಳ ಬಳಕೆಗೆ ತಡೆ ಒಡ್ಡಬಹುದು. ನಿಷೇಧಿತ ಆ್ಯಪ್‌ ಬಳಕೆಯಿಂದ ಗ್ರಾಹಕರ ವೈಯಕ್ತಿಕ ಮಾಹಿತಿ ಸೋರಿಕೆ ಅಪಾಯವೂ ಇರುವುದರಿಂದ, ಅವುಗಳನ್ನು ಬಳಸದಿರುವುದು ಉತ್ತಮ.

ನಿಷೇಧಿತ ಆ್ಯಪ್‌ಗಳ ಪಟ್ಟಿ
ಕೇಂದ್ರ ಸರಕಾರವು ಸೋಮವಾರ ಚೀನಾ ಆ್ಯಪ್‌ಗಳನ್ನು ನಿಷೇಧಿಸಿ ಆದೇಶ ಹೊರಡಿಸಿದೆ. ನಿಷೇಧಿತ ಆ್ಯಪ್‌ಗಳ ಪಟ್ಟಿ ಇಂತಿದೆ:
1. ಟಿಕ್‌-ಟಾಕ್‌
2. ಶೇರ್‌ಇಟ್‌
3. ಕ್ವಾಯ್‌
4. ಯುಸಿ ಬ್ರೌಸರ್‌
5. ಬೈದು ಮ್ಯಾಪ್‌
6. ಶೀನ್‌
7. ಕ್ಲಾಶ್‌ ಆಫ್‌ ಕಿಂಗ್ಸ್‌
8. ಡಿಯು ಬ್ಯಾಟರಿ ಸೇವರ್‌
9. ಹೆಲೊ
10. ಲೈಕೀ
11. ಯುಕ್ಯಾಮ್‌ ಮೇಕಪ್‌
12. ಎಂಐ ಕಮ್ಯೂನಿಟಿ
13. ಸಿಎಂ ಬ್ರೌಸರ್ಸ್
14. ವೈರಸ್‌ ಕ್ಲೀನರ್‌
15. ಎಪಿಯುಎಸ್‌ ಬ್ರೌಸರ್‌
16. ರೋಮ್‌ವಿ
17. ಕ್ಲಬ್‌ ಫ್ಯಾಕ್ಟರಿ
18. ನ್ಯೂಸ್‌ಡಾಗ್‌
19. ಬ್ಯೂಟಿ ಪ್ಲಸ್‌
20. ವಿಚಾಟ್‌
21. ಯುಸಿ ನ್ಯೂಸ್‌
22. ಕ್ಯೂಕ್ಯೂ ಮೇಲ್‌
23. ವೀಬೊ
24. ಎಕ್ಸೆಂಡರ್‌
25. ಕ್ಯೂಕ್ಯೂ ಮ್ಯೂಸಿಕ್‌
26. ಕ್ಯೂಕ್ಯೂ ನ್ಯೂಸ್‌ ಫೀಡ್‌
27. ಬಿಗೊ ಲೈವ್‌
28. ಸೆಲ್ಫೀಸಿಟಿ
29. ಮೇಲ್‌ ಮಾಸ್ಟರ್‌
30. ಪ್ಯಾರ್ಲೆಲ್‌ ಸ್ಪೇಸ್‌
31. ಎಂಐ ವಿಡಿಯೊ ಕಾಲ್‌-ಶಿಯೋಮಿ
32. ವಿಸಿಂಕ್‌
33. ಇಎಸ್‌ ಫೈಲ್‌ ಎಕ್ಸ್‌ಪ್ಲೋರರ್‌
34. ವಿವಾ ವಿಡಿಯೊ - ಕ್ಯೂಯು ವಿಡಿಯೊ ಐಎನ್‌ಸಿ
35. ಮೀಟು
36. ವಿಗೊ ವಿಡಿಯೋ
37. ನ್ಯೂಸ್‌ ವಿಡಿಯೋ ಸ್ಟೇಟಸ್‌
38. ಡಿಯು ರೆಕಾರ್ಡರ್‌
39. ವಾಲ್ಟ್‌-ಹೈಡ್‌
40. ಕಾಶ್‌ ಕ್ಲೀನರ್‌ ಡಿಯು ಆ್ಯಪ್‌ ಸ್ಟುಡಿಯೊ
41. ಡಿಯು ಕ್ಲೀನರ್‌
42. ಡಿಯು ಬ್ರೌಸರ್‌
43. ಹ್ಯಾಗೊ ಪ್ಲೇ ವಿತ್‌ ನ್ಯೂ ಫ್ರೆಂಡ್ಸ್‌
44. ಕ್ಯಾಮ್‌ ಸ್ಕ್ಯಾ‌ನರ್‌
45. ಕ್ಲೀನ್‌ ಮಾಸ್ಟರ್‌-ಚೀತಾ ಮೊಬೈಲ್‌
46. ವಂಡರ್‌ ಕ್ಯಾಮೆರಾ
47. ಫೋಟೊ ವಂಡರ್‌
48. ಕ್ಯೂಕ್ಯೂ ಪ್ಲೇಯರ್‌
49. ವಿ ಮೆಟ್‌
50. ಸ್ವೀಟ್‌ ಸೆಲ್ಫಿ
51. ಬೈದು ಟ್ರಾನ್ಸ್‌ಲೇಟ್‌
52. ವಿಮೇಟ್‌
53. ಕ್ಯೂಕ್ಯೂ ಇಂಟರ್‌ನ್ಯಾಷನಲ್‌
54. ಕ್ಯೂಕ್ಯೂ ಸೆಕ್ಯೂರಿಟಿ ಸೆಂಟರ್‌
55. ಕ್ಯೂಕ್ಯೂ ಲಾಂಚರ್‌
56. ಯು ವಿಡಿಯೊ
57. ವಿ ಫ್ಲೈ ಸ್ಟೇಟಸ್‌ ವಿಡಿಯೊ
58.ಮೊಬೈಲ್‌ ಲೆಜೆಂಡ್ಸ್‌
59. ಡಿಯು ಪ್ರೈವೆಸಿ

Chinese App Banned in India: ಚೀನಾ ಮೂಲದ 59 ಆ್ಯಪ್‌ಗಳಿಗೆ ನಿಷೇಧ ಹೇರಿದ ಕೇಂದ್ರ ಸರಕಾರ