Tinder: ನಾಯಿ ದತ್ತು ಪಡೆಯಲು ಅವಕಾಶ

ಜನಪ್ರಿಯ ಡೇಟಿಂಗ್ ಆ್ಯಪ್ ಟಿಂಡರ್ ದೇಶದಲ್ಲಿ ಫೆಸ್ಟಿವಲ್ ಮೋಡ್ ಮತ್ತು ಪೆಟ್ ಡಾಗ್ ದತ್ತು ಆಯ್ಕೆ ಒದಗಿಸಿದೆ.

ಟಿಂಡರ್‌ನ ನಾಯಿ, ಬೆಕ್ಕು ದತ್ತು ಯೋಜನೆ ಹೆಚ್ಚು ಜನರನ್ನು ಆಕರ್ಷಿಸಿದ್ದು, ಉತ್ತಮ ಪ್ರತಿಕ್ರಿಯೆ ಕಂಡುಬಂದಿದೆ.

#PawfectMatch ಯೋಜನೆಯಡಿ ಟಿಂಡರ್, ದಿಲ್ಲಿಯ ಫ್ರೆಂಡಿಕೋಸ್, ಮುಂಬಯಿಯ ವರ್ಲ್ಡ್ ಫಾರ್ ಆಲ್ ಅನಿಮಲ್ ಕೇರ್, ಪುಣೆಯ ರೆಸ್ಕ್ಯೂ ಸಹಿತ ಹಲವು ಎನ್‌ಜಿಒ, ಫೌಂಡೇಶನ್ ನೆರವಿನೊಂದಿಗೆ ದತ್ತು ಮತ್ತು ದೇಣಿಗೆ, ನೆರವು ಯೋಜನೆ ಪ್ರಕಟಿಸಿರುವ ಟಿಂಡರ್, ಗ್ರಾಹಕರು ಡೇಟಿಂಗ್ ಜತೆಗೆ, ದತ್ತು ಪಡೆಯಲು ಬಯಸಿದಲ್ಲಿ, ಅಲ್ಲಿಯೇ ಆಯ್ಕೆ ನೀಡಲಾಗಿದೆ.

ಉಳಿದಂತೆ ಆಯ್ಕೆಯ ನಾಯಿ ಇಲ್ಲವೆ ಬೆಕ್ಕಿನ ಮೇಲೆ ಕ್ಲಿಕ್ ಮಾಡಿದರೆ, ಅದು ಪ್ರತ್ಯೇಕ ಪೇಜ್ ಒಂದಕ್ಕೆ ನಿಮ್ಮನ್ನು ಒಯ್ಯುತ್ತದೆ.

ಅದರಲ್ಲಿ ದತ್ತು ಪಡೆಯಲು ಇಚ್ಚಿಸಿರುವ ನಾಯಿಯ ವಿವರ, ದತ್ತು ಪಡೆಯಲು ಇರುವ ನಿಯಮಗಳನ್ನು ನೀಡಲಾಗಿದೆ. ದತ್ತು ಪಡೆಯದೆ, ದೇಣಿಗೆ ನೀಡಲೂ ಅವಕಾಶವಿದೆ.