DTH Channel Selector: ಆ್ಯಪ್ ಬಿಡುಗಡೆ ಮಾಡಿದ ಟ್ರಾಯ್

ಭಾರತೀಯ ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಗುರುವಾರ ನೂತನ ಆ್ಯಪ್ ಒಂದನ್ನು ಬಿಡುಗಡೆ ಮಾಡಿದ್ದು, ಟಿವಿ ಮತ್ತು ಡಿಟಿಎಚ್, ಕೇಬಲ್ ಬಳಕೆದಾರರು ತಮ್ಮಿಷ್ಟದ ಚಾನಲ್‌ಗಳನ್ನು ಸೇರಿಸಿಕೊಳ್ಳುವ ಮತ್ತು ಅಗತ್ಯವಿಲ್ಲದ ಚಾನಲ್‌ಗಳನ್ನು ತೆಗೆದುಹಾಕಲು ಅನುಕೂಲವಾಗಲಿದೆ.

ಬಳಕೆದಾರರು ಹೊಸ ಚಾನಲ್ ಪ್ಯಾಕ್ ಪಡೆಯುವ ಮೊದಲು ಮತ್ತು ಚಾನಲ್‌ಗೆ ಚಂದಾದಾರರಾದ ಬಳಿಕ, ಅವರಿಗೆ ಕೆಲವೊಂದು ಗೊಂದಲಗಳಿರುತ್ತವೆ. ಅನಗತ್ಯ ಚಾನಲ್ ತೆಗೆದುಹಾಕಬಹುದು ಎಂದು ಗೊತ್ತಿರುವುದಿಲ್ಲ. ಜತೆಗೆ ಡಿಟಿಎಚ್ ಸೇವೆ ಒದಗಿಸುವ ಕಂಪನಿಗಳ ವೆಬ್‌ ಪೋರ್ಟ್‌ಲ್‌ನಲ್ಲಿ ಇರುವ ಆಯ್ಕೆಗಳ ಬಗ್ಗೆ ಕೂಡ ಅವರಿಗೆ ತಿಳಿದಿರುವುದಿಲ್ಲ. ಹೀಗಾಗಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಂಡು, ರಿಜಿಸ್ಟರ್ಡ್ ನಂಬರ್ ಮೂಲಕ ಲಾಗಿನ್ ಆದರೆ, ಅವರಿಗೆ ತಮ್ಮ ಚಾನಲ್‌ನಲ್ಲಿ ಆಕ್ಟಿವ್ ಆಗಿರುವ ಪ್ರಸ್ತುತ ಪ್ಯಾಕ್ ವಿವರ, ಅದರ ದರಪಟ್ಟಿ, ಆಪರೇಟರ್ ಶುಲ್ಕ ಹೀಗೆ ಎಲ್ಲ ವಿವರ ಪಡೆದುಕೊಳ್ಳಬಹುದು.

ರಿಜಿಸ್ಟರ್ಡ್ ನಂಬರ್ ಇಲ್ಲದಿದ್ದರೆ, ಟಿವಿ ಸ್ಕ್ರೀನ್ ಮೂಲಕ ಒಟಿಪಿ ಪಡೆದುಕೊಂಡು, ಅದನ್ನು ಬಳಸಿ ಆ್ಯಪ್ ಲಾಗಿನ್ ಆಗಬಹುದು ಎಂದು ಟ್ರಾಯ್ ಹೇಳಿದೆ.

ಗೂಗಲ್ ಪ್ಲೇ ಸ್ಟೋರ್ ಮತ್ತು ಆ್ಯಪಲ್ ಆ್ಯಪ್ ಸ್ಟೋರ್‌ನಲ್ಲಿ ಟ್ರಾಯ್‌ ಚಾನೆಲ್ ಸೆಲೆಕ್ಟರ್ ಆ್ಯಪ್ ಲಭ್ಯವಿದ್ದು, ಬಳಕೆದಾರರು ಡೌನ್‌ಲೋಡ್ ಮಾಡಿಕೊಂಡು ಬಳಸಬಹುದು.

Samsung Galaxy A51: ಬೆಸ್ಟ್ ಆಫರ್ ಪ್ರಕಟಿಸಿದ ಸ್ಯಾಮ್‌ಸಂಗ್ ಗ್ಯಾಲಕ್ಸಿ

ಈ ಆ್ಯಪ್‌ನಿಂದಾಗಿ, ಬಳಕೆದಾರರು ಅಗತ್ಯವಿರುವ ಚಾನಲ್ ಅಷ್ಟೇ ಬಳಸಿಕೊಂಡು, ಅದಕ್ಕೆ ಮಾತ್ರ ಹಣ ಪಾವತಿಸಬಹುದು. ಉಳಿದಂತೆ, ಅನಗತ್ಯ ಚಾನಲ್‌ಗೆ ದರ ಪಾವತಿಸುವುದನ್ನು ತಡೆಯಬಹುದು. ಜತೆಗೆ ಡಿಟಿಎಚ್ ಆಪರೇಟರ್ ಕಂಪನಿಗಳು ತಪ್ಪು ಮಾಹಿತಿ ನೀಡಿದರೆ, ಗ್ರಾಹಕರಿಗೆ ದರ ವ್ಯತ್ಯಾಸದ ಕುರಿತು ಮಾಹಿತಿ ಪಡೆಯಬಹುದು.

Instax Mini 11: ಆಕರ್ಷಕ ದರದಲ್ಲಿ ದೊರೆಯುತ್ತಿದೆ ಫ್ಯುಜಿಫಿಲ್ಮ್ ಇನ್‌ಸ್ಟಂಟ್ ಕ್ಯಾಮರಾ