Truecaller: ಆಡಿಯೋ ಕಾಲಿಂಗ್ ಟೆಸ್ಟಿಂಗ್

ಕಾಲರ್ ಐಡಿ ಸೇವೆ ಒದಗಿಸುವ ಸ್ವೀಡನ್ ಮೂಲದ ಆ್ಯಪ್ ಟ್ರೂಕಾಲರ್, ಇದೀಗ ಆಡಿಯೋ ಕಾಲಿಂಗ್ ಆಯ್ಕೆಯನ್ನು ಪರಿಶೀಲಿಸುತ್ತಿದೆ.

ಕೇವಲ ಕಾಲರ್ ಐಡಿ ಬದಲಾಗಿ, ಅದಕ್ಕೂ ಹೆಚ್ಚಿನ ಸೇವೆಗಳನ್ನು ನೀಡಲು ಟ್ರೂಕಾಲರ್ ನಿರ್ಧರಿಸಿದ್ದು, ಡಿಜಿಟಲ್ ಪಾವತಿ, ಇನ್‌ಸ್ಟಂಟ್ ಮೆಸೇಜಿಂಗ್‌ನಂತಹ ಆಯ್ಕೆ ನೀಡಲು ಆ್ಯಪ್ ಪರೀಕ್ಷೆ ನಡೆಸುತ್ತಿದೆ.

ಆದರೆ ಆ್ಯಪ್ ಮೂಲಕ ಆಡಿಯೋ ಮತ್ತು ವೀಡಿಯೋ ಕಾಲಿಂಗ್ ಜನಪ್ರಿಯವಾಗುತ್ತಿದ್ದು, ಅದಕ್ಕಾಗಿ ವಾಯ್ಸ್ ಕಾಲಿಂಗ್ ಆಯ್ಕೆಯನ್ನು ಟ್ರೂಕಾಲರ್ ಪರಿಶೀಲಿಸುತ್ತಿದೆ.

ಆಂಡ್ರಾಯ್ಡ್ ಬೇಟಾ ಟೆಸ್ಟರ್‌ ಮತ್ತು ಆ್ಯಪ್ ಡೆವಲಪರ್‌ಗಳಿಗೆ ಟ್ರೂಕಾಲರ್‌ನಲ್ಲಿ ಆಡಿಯೋ ಕಾಲಿಂಗ್ ಆಯ್ಕೆ ಲಭ್ಯವಾಗಿದ್ದು, ಟೆಸ್ಟಿಂಗ್ ಮುಗಿದ ಬಳಿಕ ಜನಸಾಮಾನ್ಯರಿಗೆ ಬಳಕೆಗೆ ಲಭ್ಯವಾಗಲಿದೆ.