TikTok Ban: ಅಮೆರಿಕದಲ್ಲಿ ಟಿಕ್‌ಟಾಕ್ ಡೆಡ್‌ಲೈನ್ ವಿಸ್ತರಣೆ ಇಲ್ಲ..

ಕಿರುಅವಧಿಯ ವಿಡಿಯೋ ರಚನೆ ಆ್ಯಪ್‌ ಟಿಕ್‌ಟಾಕ್‌ಗೆ ದೇಶದಲ್ಲಿ ನಿಷೇಧ ಹೇರಿದ ಬಳಿಕ ಅಮೆರಿಕದಲ್ಲೂ ನಿರ್ಬಂಧ ಹೇರಲಾಗಿದೆ. ಅಮೆರಿಕದಲ್ಲಿ ಟಿಕ್‌ಟಾಕ್ ಆ್ಯಪ್‌ ನಿಷೇಧವಾಗಿಲ್ಲವಾದರೂ, ಅದರ ಹಣಕಾಸು ವ್ಯವಹಾರಕ್ಕೆ ಡೊನಾಲ್ಡ್ ಟ್ರಂಪ್ ಸರಕಾರ ನಿರ್ಬಂಧ ವಿಧಿಸಿದೆ.

ಅಲ್ಲದೆ, ಟಿಕ್‌ಟಾಕ್ ಅಮೆರಿಕದ ಕಾರ್ಯಾಚರಣೆಯನ್ನು ಮಾರಾಟ ಮಾಡುವುದಿದ್ದಲ್ಲಿ, ಅದಕ್ಕೆ ಸೆ. 20ರ ಡೆಡ್‌ಲೈನ್ ವಿಧಿಸಿದೆ. ಹೀಗಿರುವಾಗ ಟಿಕ್‌ಟಾಕ್ ಖರೀದಿಗೆ ಮೈಕ್ರೋಸಾಫ್ಟ್ ಮತ್ತು ವಾಲ್‌ಮಾರ್ಟ್ ಸಹಿತ ಹಲವು ಕಂಪನಿಗಳು ಉತ್ಸಾಹ ತೋರಿಸಿದ್ದರೂ, ಖರೀದಿ ಮಾತುಕತೆ ಇನ್ನೂ ಅಂತಿಮವಾಗಿಲ್ಲ.

ಅಲ್ಲದೆ, ನಿರ್ಬಂಧವೂ ಜತೆಗೆ ಗಡುವು ಕೂಡ ಇರುವುದರಿಂದ ತರಾತುರಿಯ ನಿರ್ಧಾರ ಕೈಗೊಳ್ಳಲು ಬೈಟ್‌ಡ್ಯಾನ್ಸ್‌ಗೆ ಸಾಧ್ಯವಾಗಿಲ್ಲ. ಈ ಮಧ್ಯೆ ಅಂತಿಮ ಗಡುವು ಮುಗಿಯುತ್ತಾ ಬಂದಿದೆ. ಆದರೆ ಚೀನಾದ ಟಿಕ್‌ಟಾಕ್‌ನ ಅಮೆರಿಕ ಕಾರ್ಯಾಚರಣೆ ಕುರಿತು ಇನ್ನು ಕೂಡ ಯಾವುದೇ ನಿರ್ಧಾರವಾಗಿಲ್ಲವಾದ ಕಾರಣ, ಮುಂದೇನು ಎಂಬ ಪ್ರಶ್ನೆ ಟಿಕ್‌ಟಾಕ್‌ಗೆ ಎದುರಾಗಿದೆ.

Samsung TV: ಚೀನಾದಲ್ಲಿನ ಏಕೈಕ ಟಿವಿ ಫ್ಯಾಕ್ಟರಿ ಮುಚ್ಚಲಿದೆ ಸ್ಯಾಮ್‌ಸಂಗ್

ಜತೆಗೆ ಡೊನಾಲ್ಡ್ ಟ್ರಂಪ್ ಸರಕಾರ ಚೀನಾಗೆ ಖಡಕ್ ಸೂಚನೆ ನೀಡಿದ್ದು, ಟಿಕ್‌ಟಾಕ್ ಮಾರಾಟದ ಪ್ರಕ್ರಿಯೆ ಮುಕ್ತಾಯವನ್ನು ನಿಗದಿತ ಗಡುವಿನಲ್ಲೇ ಮುಗಿಸಲು ಸೂಚಿಸಿದೆ. ಜತೆಗೆ ದಿನಾಂಕ ವಿಸ್ತರಿಸಲು ನಿರಾಕರಿಸುವುದರಿಂದ, ಅಮೆರಿಕದಲ್ಲಿ ಚೀನಾದ ಟಿಕ್‌ಟಾಕ್ ಸಂಕಷ್ಟಕ್ಕೆ ಸಿಲುಕಿದೆ.

Spam Call Alert: ಆಂಡ್ರಾಯ್ಡ್ ಫೋನ್ ಬಳಕೆದಾರರಿಗೆ ಹೊಸ ಆಯ್ಕೆ ಪರಿಚಯಿಸಿದ ಗೂಗಲ್