Twitter: ಯಾವತ್ತೂ ಎಡಿಟ್‌ ಬಟನ್‌ ಬರಲ್ಲ!

ಟ್ವೀಟ್‌ ಎಡಿಟ್‌ ಮಾಡಲು ಅವಕಾಶ ಸಿಗಬಹುದು ಎಂಬ ಆಶಾ ಭಾವನೆ ಕಳೆದ ವರ್ಷ ಮೂಡಿತ್ತು. ಯಾಕೆಂದರೆ, ಟ್ವಿಟರ್‌ ಸಿಇಒ ಜಾಕ್‌ ಡೋರ್ಸಿ ಅವರು, 'ಎಡಿಟ್‌ ಬಟನ್‌' ಸೇರಿಸುವ ಬಗ್ಗೆ ಸುಳಿವು ನೀಡಿದ್ದರು. ಆದರೆ, ಈಗಿನ ಮಾಹಿತಿಯ ಪ್ರಕಾರ, ಟ್ವಿಟರ್‌ನಲ್ಲಿ ಯಾವತ್ತೂ ಎಡಿಟ್‌ ಬಟನ್‌ ಬರಲಾರದು! ಹೌದು, ಇದು ನಿಜ.

ಸಿಇಒ ಜಾಕ್‌ ಡೋರ್ಸಿ ಅವರು ನೀಡಿರುವ ಸಂದರ್ಶನವೊಂದರಲ್ಲಿಈ ಬಗ್ಗೆ ಮಾಹಿತಿ ನೀಡಿದ್ದು, ಟ್ವಿಟರ್‌ ಬಳಕೆದಾರರಿಗೆ ಎಡಿಟ್‌ ಆಯ್ಕೆಯಾಗಲಿ, ಪೋಸ್ಟ್‌ ಎಡಿಟ್‌ ಮಾಡುವ ಬಟನ್‌ ಯಾವತ್ತೂ ಸಿಗಲಾರದು. ಟ್ವಿಟರ್‌ನ ಮೂಲ ವಿನ್ಯಾಸದ ಹಿಂದಿರುವ ಐಡಿಯಾ ಇದಕ್ಕೆ ಆಸ್ಪದ ನೀಡುವುದಿಲ್ಲ.

ಹಾಗಾಗಿ, ಬಹುಶಃ ಎಂದಿಗೂ ಎಡಿಟ್‌ ಬಟನ್‌ ಆಗಲಿ, ಎಡಿಟ್‌ ಆಪ್ಷನ್‌ ಆಗಲಿ ಟ್ವಿಟರ್‌ ಬಳಕೆದಾರರಿಗೆ ಸಿಗಲಾದರು ಎಂಬುದು ಅವರ ಮಾತಿನ ಸಾರಾಂಶವಾಗಿತ್ತು. ಎಡಿಟ್‌ ಆಪ್ಷನ್‌ ಇರಬೇಕು ಎಂದು ಟ್ವಿಟರ್‌ ಏನೂ ಬಯಸುವುದಿಲ್ಲ. ಎಡಿಟ್‌ ಆಪ್ಷನ್‌ನಿಂದ ನಷ್ಟ ಹಾಗೂ ಲಾಭಗಳೆರಡೂ ಇವೆ. ಎಡಿಟ್‌ ಆಪ್ಷನ್‌ ಸಿಕ್ಕರೆ, ಬಳಕೆದಾರರು ತಪ್ಪು ಮಾಹಿತಿಯನ್ನು ಪಸರಿಸುವ ಸಾಧ್ಯತೆ ಹೆಚ್ಚಾಗಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಒಂದು ಬಾರಿ ಮಾಡಿದ ಟ್ವೀಟ್ ಅನ್ನು ಎಡಿಟ್ ಮಾಡುವ ಅವಕಾಶ ಲಭ್ಯವಾದರೆ, ಜನರು ಅದನ್ನು ದುರ್ಬಳಕೆ ಮಾಡಿಕೊಳ್ಳುವ ಆತಂಕವಿರುವುದು ಕೂಡ ಟ್ವಿಟರ್‌ನಲ್ಲಿ ಎಡಿಟ್ ಬಟನ್ ದೊರೆಯದಿರಲು ಕಾರಣವಾಗಿದೆ.

TikTok: ಫೇಸ್‌ಬುಕ್, ಇನ್‌ಸ್ಟಾಗ್ರಾಂಗಿಂತಲೂ ಅಧಿಕ ಡೌನ್‌ಲೋಡ್