Twitter: 5000ಕ್ಕೂ ಅಧಿಕ ಶಂಕಿತ ಖಾತೆ ಬಂದ್

ಟ್ವಿಟರ್‌ನಲ್ಲಿ ಸಕ್ರೀಯವಾಗಿದ್ದ, ತಪ್ಪು ಮಾಹಿತಿ ಮತ್ತು ಸುಳ್ಳುಸುದ್ದಿ ಹರಡುತ್ತಿದ್ದ 5000ಕ್ಕೂ ಅಧಿಕ ಖಾತೆಗಳನ್ನು ಟ್ವಿಟರ್ ತೆಗೆದುಹಾಕಿದೆ.

ಅವುಗಳಲ್ಲಿ ಬಹುತೇಕ ಖಾತೆ ಇರಾನ್‌ಗೆ ಸಂಬಂಧಿಸಿದ್ದಾಗಿದ್ದು, ಬೆದರಿಕೆ, ಹ್ಯಾಕಿಂಗ್‌ನಂತಹ ಕೆಲಸಕ್ಕೆ ಬಳಸಲಾಗುತ್ತಿತ್ತು ಎನ್ನಲಾಗಿದೆ.

ಟ್ವಿಟರ್‌ನಲ್ಲಿ ಚುನಾವಣೆ, ನಾಗರಿಕ ವಿಚಾರಗಳ ಕುರಿತು ಹೆಚ್ಚಿನ ಖಾತೆಗಳು ತಪ್ಪುಮಾಹಿತಿ, ಸುಳ್ಳುಸುದ್ದಿ ಹರಡುವ ಖಾತೆಗಳ ಬಗ್ಗೆ ಟ್ವಿಟರ್ ನಿರಂತರ ಕ್ರಮ ಕೈಗೊಳ್ಳುತ್ತಿದೆ.

ನಕಲಿ ಖಾತೆಗಳು ಮತ್ತು ಸಮಾಜದಲ್ಲಿ ದ್ವೇಷ ಹರಡುವ ಸಂದೇಶ ಟ್ವೀಟ್ ಮಾಡುವ ಟ್ವಿಟರ್ ಖಾತೆಗಳ ಬಗ್ಗೆ ನಿಗಾ ಇರಿಸಲಾಗಿದ್ದು, ಕಾಲಕಾಲಕ್ಕೆ ಪರಿಷ್ಕರಣೆ ಮಾಡಲಾಗುತ್ತದೆ.

ಹೀಗಾಗಿ ಟ್ವಿಟರ್‌ನಲ್ಲಿ ಅಕೌಂಟ್ ಕುರಿತಾದ ನಿಯಮ ಮೀರುವ ಖಾತೆಗಳ ಬಗ್ಗೆ ಸ್ಪಷ್ಟ ನಿರ್ದೇಶನ ನೀಡಲಾಗುತ್ತದೆ. ಅದಾಗ್ಯೂ ನಿಯಮ ಪಾಲಿಸದ ಖಾತೆಗಳನ್ನು ಸ್ಥಗಿತಗೊಳಿಸಲಾಗುತ್ತದೆ.