ಟ್ವಿಟರ್‌ನಲ್ಲಿ ಯಾರು ಆನ್‌ಲೈನಲ್ಲಿದ್ದಾರೆ?

ನೀವು ಇನ್ನು ಟ್ವಿಟರ್‌ನಲ್ಲೂ ಥ್ರೆಡ್‌ ಮಾದರಿಯ ಸಂಭಾಷಣೆ ಮಾಡಬಹುದು. ಹೌದು, ಫೇಸ್‌ಬುಕ್‌ ರೀತಿಯಲ್ಲಿ ತನ್ನ ಬಳಕೆದಾರರಿಗೆ, ಸ್ಟೇಟಸ್‌ ಇಂಡಿಕೇಟರ್‌ ಜತೆಗೆ ಥ್ರೆಡ್‌ ಸಂಭಾಷಿಸಲು ಅವಕಾಶ ಕಲ್ಪಿಸಲು ಟ್ವಿಟರ್‌ ಮುಂದಾಗಿದೆ. ಈ ವೇದಿಕೆಯಲ್ಲಿ ನಿಮ್ಮ ಫಾಲೋವರ್‌ಗಳು ಯಾರು ಆನ್‌ಲೈನ್‌ನಲ್ಲಿದ್ದಾರೆಂದು ತಿಳಿಯಲಿದೆ.

ಈ ಬಗ್ಗೆ ಟ್ವಿಟರ್‌ ಸಿಇಒ ಜಾಕ್‌ ಡೋರ್ಸೆ ಅವರೇ ಟ್ವೀಟ್‌ ಮಾಡಿ ಖಚಿತಪಡಿಸಿದ್ದಾರೆ. ಮೈಕ್ರೊ ಬ್ಲಾಗಿಂಗ್‌ ವೆಬ್‌ಸೈಟ್‌ ಆದ ಟ್ವಿಟರ್‌ ಶೀಘ್ರವೇ ಅನೇಕ ಆಸಕ್ತಿಕರ ಅಪಡೇಟ್‌ಗಳನ್ನು ಪಡೆಯಲಿದೆ ಎಂದು ಹೇಳಿದ್ದಾರೆ. ಪ್ರಸೆನ್ಸ್‌(ಸದ್ಯಕ್ಕೆ ಟ್ವಿಟರ್‌ನಲ್ಲಿ ಯಾರಾರು ಆನ್‌ಲೈನ್‌ನಲ್ಲಿದ್ದಾರೆ?) ಮತ್ತು ಥ್ರೆಡ್ಡಿಂಗ್‌(ಸಂಭಾಷಣೆ) ಸೇರಿದಂತೆ ಇನ್ನಿತರ ಫೀಚರ್‌ಗಳು ಲಭ್ಯವಾಗಲಿವೆ ಎಂದು ಸಿಇಒ ತಮ್ಮ ಟ್ವೀಟ್‌ನಲ್ಲಿ ತಿಳಿಸಿದ್ದಾರೆ.

ಥ್ರೆಡ್ಡಿಂಗ್‌ ಫೀಚರ್‌ ನಿಮಗೆ, ಥ್ರೆಡೆಡ್‌ ರೀತಿಯಲ್ಲಿ ಸಂಭಾಷಣೆ ನಡೆಸಲು ಅವಕಾಶ ಕಲ್ಪಿಸಿದರೆ, ಪ್ರಸೆನ್ಸ್‌ ಫೀಚರ್‌ ಬಳಕೆದಾರರಿಗೆ ಯಾರು ಆನ್‌ಲೈನ್‌ನಲ್ಲಿದ್ದಾರೆಂದು ತಿಳಿದುಕೊಳ್ಳಲು ನೆರವಾಗಲಿದೆ.