ದೇಶಕ್ಕೆ ಕಾಲಿಟ್ಟ ಅಮೆರಿಕದ ಉಡಾಸಿಟಿ ಸಂಸ್ಥೆ

ಅಮೆರಿಕ ಮೂಲದ ಆನ್‌ಲೈನ್‌ ಎಜುಕೇಶನ್‌ ಕಂಪನಿ-ಉಡಾಸಿಟಿ ಭಾರತದಲ್ಲಿ ತನ್ನ ವ್ಯಪ್ತಿಯನ್ನು ವಿಸ್ತರಿಸಿಕೊಳ್ಳಲು ಸಜ್ಜಾಗಿದೆ. ಕೃತಕಬುದ್ಧಿಮತ್ತೆ, ಮೆಷಿನ್‌ ಲರ್ನಿಂಗ್‌, ವರ್ಚುಯಲ್‌ ರಿಯಾಲಿಟಿಯಂಥ ವಲಯಗಳಲ್ಲಿ ಈ ಕಂಪನಿ ಶುಲ್ಕ ರಹಿತ ಮತ್ತು ಶುಲ್ಕ ಸಹಿತ ಕೋರ್ಸ್‌ಗಳನ್ನು ಒದಗಿಸುತ್ತದೆ.

2017ರಲ್ಲಿ ಉಡಾಸಿಟಿಯ ಆದಾಯ 70 ದಶಲಕ್ಷ ಡಾಲರ್‌. ಬೆಳವಣಿಗೆ ದರ ಶೇ. 100. ಭಾರತದಲ್ಲಿ ಈ ಕಂಪನಿ ಇತ್ತೀಚೆಗೆ ಫ್ಲೈಯಿಂಗ್‌ಕಾರ್‌ ಮತ್ತು ಡ್ರೋನ್‌ ವಿಷಯಗಳಲ್ಲಿ ನ್ಯಾನೋಡಿಗ್ರಿ ಕಾರ್ಯಕ್ರಮವನ್ನು ಪ್ರಕಟಿಸಿದೆ. ಸೆಲ್ಫ್‌ ಡ್ರೈವಿಂಗ್‌ ಕಾರ್‌ ಎಂಜಿನಿಯರಿಂಗ್‌ನಲ್ಲಿ ಐದುನೂರು ತಂತ್ರಜ್ಞರನ್ನು ತಯಾರು ಮಾಡಲು ಇನ್ಫೋಸಿಸ್‌ ಜತೆ ಸಹಭಾಗಿತ್ವವನ್ನು ಪಡೆದಿದೆ.

ಈ ಆನ್‌ಲೈನ್‌ಗೆ ಸೇರುವ ವಿದ್ಯಾರ್ಥಿಗಳು ಉಡಾಸಿಟಿ ವೆಬ್‌ಗೆ ಹೋದರೆ ಅರ್ಜಿಸಲ್ಲಿಕೆಯ ವಿಧಿವಿಧಾನಗಳು ಗೊತ್ತಾಗುತ್ತದೆ. ಕಂಪ್ಯೂಟರ್‌ ವಿಷನ್‌, ರೊಬಾಟಿಕ್‌ ಕಂಟ್ರೋಲ್‌, ಪಾಥ್‌ ಪ್ಲಾನಿಂಗ್‌, ಲೋಕಲೈಸೇಶನ್‌ನಂತ ವಲಯಗಳಲ್ಲಿ ಪರಿಣಿತರಾಗಬಹುದು. ಸ್ವಯಂಚಾಲಿತ ಯುಗ ಎಂಬುದು ನಿಜ. ಆದರೆ ಅದಕ್ಕೆ ಸೂತ್ರದಾರರು ಬೇಕೇ ಬೇಕು.

ಅಂಥವರನ್ನು ಈ ಕಂಪನಿ ತಯಾರು ಮಾಡುತ್ತದೆ. ಭವಿಷ್ಯದ ತಂತ್ರಜ್ಞಾನದ ಹೊಸ ಬೆಳವಣಿಗೆಗಳನ್ನು ದೃಷ್ಟಿಯಲ್ಲಿರಿಸಿಕೊಂಡು ಶಿಕ್ಷ ಣದ ಹಾದಿಯನ್ನು ರೂಪಿಸಲಾಗುತ್ತಿದೆ. ಇನ್ಫೋಸಿಸ್‌ ಅಲ್ಲದೆ ಟೆಕ್‌ ಮಹೀಂದ್ರ, ವಿಪ್ರೊ, ಜಸ್ಟ್‌ ಡಯಲ್‌ ಜತೆಗೂ ಉಡಾಸಿಟಿ ಸಹಭಾಗಿತ್ವವನ್ನು ಹೊಂದಿದೆ.

ಇನ್ನು ಮುಂದೆ ನೀವು ಕಲಿಯಬೇಕಾಗಿರುವುದು ಡಾಟಾ ಸೈನ್ಸ್‌, ರೊಬಾಟಿಕ್ಸ್‌, ಪ್ರೋಗ್ರಾಮಿಂಗ್‌, ಬಿಸ್‌ನೆಸ್‌ ಪ್ರಿಡಿಕ್ಟೀವ್‌ ಅನಾಲಿಸಿಸ್‌, ಬಿಲ್ಡ್‌ ವೆಬ್‌ಸೈಟ್ಸ್‌, ಮೊಬೈಲ್‌ ಆ್ಯಪ್‌ ಡವಲಪ್‌ ಎಂಬುದನ್ನು ನೆನಪಿಟ್ಟುಕೊಳ್ಳಿ.