China App Ban: ಭಾರತ ಆಯ್ತು, ಈಗ ಅಮೆರಿಕ ಸರದಿ..!

ದೇಶದಲ್ಲಿ ಭದ್ರತಾ ಸಮಸ್ಯೆ ಮತ್ತು ರಾಷ್ಟ್ರೀಯ ಹಿತಾಸಕ್ತಿಗೆ ಮಾರಕವೆಂದು ಚೀನಾ ಮೂಲದ 59 ಆ್ಯಪ್‌ಗಳನ್ನು ನಿಷೇಧಿಸಲಾಗಿದೆ. ಅದರಲ್ಲೂ ಪ್ರಮುಖವಾಗಿ ಟಿಕ್‌ಟಾಕ್, ಯುಸಿ ಬ್ರೌಸರ್ ಮತ್ತು ಕ್ಯಾಮ್‌ಸ್ಕ್ಯಾನರ್ ಆ್ಯಪ್‌ ಸೇರಿದೆ. ಆದರೆ ಭಾರತದ ಈ ನಿರ್ಧಾರ ಜಾಗತಿಕವಾಗಿ ಸದ್ದು ಮಾಡಿದ್ದು, ಪ್ರಮುಖವಾಗಿ ಅಮೆರಿಕದ ಮಾಧ್ಯಮದಲ್ಲಿ ಕೂಡ ಸುದ್ದಿಯಾಗಿದೆ.

ಅದರ ಬೆನ್ನಲ್ಲೇ ಅಮೆರಿಕದಲ್ಲಿ ಕೂಡ ಟಿಕ್‌ಟಾಕ್ ಮತ್ತು ಇತರ ಕೆಲವೊಂದು ಚೀನಾ ಮೂಲದ ಆ್ಯಪ್‌ ನಿಷೇಧಕ್ಕೆ ಒತ್ತಾಯ ಕೇಳಿಬಂದಿದೆ. ರಿಪಬ್ಲಿಕನ್ ಕಾಂಗ್ರೆಸ್‌ಮನ್ ರಿಕ್ ಕ್ರಾಫೋರ್ಡ್ ಕೂಡ ಈ ಬಗ್ಗೆ ಟ್ವೀಟ್ ಮಾಡಿದ್ದು, ಟಿಕ್‌ಟಾಕ್ ನಿಷೇಧಿಸಬೇಕು ಎಂದು ಒತ್ತಾಯಿಸಿದ್ದಾರೆ.

ಜತೆಗೆ ಅಮೆರಿಕ ರಾಷ್ಟ್ರೀಯ ಭದ್ರತಾ ಸಲಹೆಗಾರ ರಾಬರ್ಟ್ ಓಬ್ರಿನ್ ಕೂಡ, ಟಿಕ್‌ಟಾಕ್ ಆ್ಯಪ್‌ ಅನ್ನು ಬೇರೆಯದೇ ಉದ್ದೇಶಕ್ಕೆ ಚೀನಾ ಬಳಸಿಕೊಳ್ಳುತ್ತಿದೆ ಎಂದು ಕಳವಳ ವ್ಯಕ್ತಪಡಿಸಿದ್ದರು. ಅಮೆರಿಕದಲ್ಲಿ ಕೂಡ ವಿವಿಧ ವಯೋಮಾನದವರು ಟಿಕ್‌ಟಾಕ್ ಬಳಸುತ್ತಿದ್ದು, ಸಮಸ್ಯೆಗೆ ಕಾರಣವಾಗಬಹುದು ಎನ್ನಲಾಗಿದೆ. ಭಾರತದಲ್ಲಿ ಆ್ಯಪ್‌ ನಿಷೇಧವಾಗುತ್ತಿದ್ದಂತೆ, ಅಮೆರಿಕದಲ್ಲಿ ಬಾಕಿ ಉಳಿದಿರುವ ಅಧಿಕಾರಿಗಳ ಟಿಕ್‌ಟಾಕ್ ಬಳಕೆಗೆ ನಿರ್ಬಂಧ ಹೇರುವ ಮಸೂದೆ ಕೂಡ ಮತ್ತೆ ಸುದ್ದಿಯಾಗಿದೆ.

ಹುವೈ, ಝೆಡ್‌ಟಿಇಗೆ ನಿಷೇಧ
ಚೀನಾ ಮೂಲದ ಹುವೈ ಕಂಪನಿ ಅಮೆರಿಕದಲ್ಲಿ ಯಾವುದೇ ಟೆಲಿಕಾಂ ಟೆಂಡರ್, ಹೂಡಿಕೆ ಮತ್ತು ಸರಕು ಪೂರೈಕೆ ಮಾಡುವಂತಿಲ್ಲ. ಹುವೈಗೆ ನಿಷೇಧ ಹೇರಲಾಗಿದೆ. ಜತೆಗೆ ಗೂಗಲ್ ಕೂಡ ಆಂಡ್ರಾಯ್ಡ್ ಓಎಸ್ ಅನ್ನು ಹುವೈ ಮತ್ತು ಹೊನೊರ್ ಫೋನ್‌ಗೆ ನೀಡುವುದಿಲ್ಲ ಎಂದು ಹೇಳಿದೆ.

Wireless Earbuds: ಖರೀದಿ ಮಾಡುವಾಗ ಗಮನಿಸಬೇಕಾಗಿರುವುದೇನು?

ಇದರ ಬೆನ್ನಲ್ಲೇ ಝೆಡ್‌ಟಿಇ ಕಂಪನಿಗೂ ಅಮೆರಿಕ ನಿಷೇಧ ಹೇರಿದ್ದು, 5G ಮತ್ತಿತರ ಸೇವೆ ಒದಗಿಸುವ ಯಾವುದೇ ಕೆಲಸದಲ್ಲಿ ಉಭಯ ಕಂಪನಿಗಳು ಭಾಗಿಯಾಗುವಂತಿಲ್ಲ. ಅಮೆರಿಕದ ಫೆಡರಲ್ ಕಮ್ಯೂನಿಕೇಶನ್ ಹುವೈ ಮತ್ತು ಝೆಡ್‌ಟಿಇ ದೇಶದ ಭದ್ರತೆಗೆ ಸಮಸ್ಯೆ ತರಲಿದೆ ಎಂದು ನಿಷೇಧ ಹೇರಿದೆ.

Digital Strike: ಮತ್ತಷ್ಟು ಚೀನಾ ಆ್ಯಪ್, ವೆಬ್‌ಸೈಟ್ ನಿಷೇಧಕ್ಕೆ ಕೇಂದ್ರ ಚಿಂತನೆ!