Galaxy Note 9 And Galaxy S9+ ಸ್ಮಾರ್ಟ್‌ಫೋನ್‍‌ಗಳಿಗೆ ವ್ಯಾಲೆಂಟೈನ್ಸ್ ಡೇ ಆಫರ್

ಹೊಸದಿಲ್ಲಿ: ಎಲೆಕ್ಟ್ರಾನಿಕ್ಸ್ ದೈತ್ಯ ಸ್ಯಾಮ್‌ಸಂಗ್ ಜನಪ್ರಿಯ ಗ್ಯಾಲಕ್ಸಿ ನೋಟ್ 9 ಹಾಗೂ ಗ್ಯಾಲಕ್ಸಿ ಎಸ್9 ಪ್ಲಸ್ ಸ್ಮಾರ್ಟ್‌ಫೋನ್‌ಗಳಿಗೆ ವ್ಯಾಲೆಂಟೈನ್ಸ್ ಡೇ ಆಫರ್ ಬಿಡುಗಡೆ ಮಾಡಿದೆ. ಈ ಸಂದರ್ಭದಲ್ಲಿ ಗ್ರಾಹಕರು ಗರಿಷ್ಠ 32000 ರೂ.ಗಳ ವರೆಗೆ ಪ್ರಯೋಜನವನ್ನು ಪಡೆಯಬಹುದಾಗಿದೆ.

ಸ್ಯಾಮ್‌ಸಂಗ್ ಗ್ಯಾಲಕ್ಸಿ ನೋಟ್ 9 (8ಜಿಬಿ) ಖರೀದಿ ವೇಳೆಯಲ್ಲಿ 7000 ರೂ.ಗಳ ಇನ್‌ಸ್ಟಂಟ್ ಕ್ಯಾಶ್‌ಬ್ಯಾಕ್ ಲಭ್ಯವಾಗಲಿದೆ.

ಇದರ ಜತೆಗೆ ಗ್ಯಾಲಕ್ಸಿ ಎಸ್9 ಪ್ಲಸ್ (64ಜಿಬಿ, 128ಜಿಬಿ ಹಾಗೂ 256ಜಿಬಿ) ವೆರಿಯಂಟ್‌ಗಳಿಗೆ 7000 ರೂ.ಗಳ ಬೆಲೆ ಕಡಿತ ಸೌಲಭ್ಯವು ಸಿಗಲಿದೆ. ಡಿಸ್ಕೌಂಟ್ ಬಳಿಕಯ ಅನುಕ್ರಮವಾಗಿ 57900, 61900 ಹಾಗೂ 65900 ರೂ.ಗಳಿಗೆ ನಿಮ್ಮದಾಗಿಸಬಹುದಾಗಿದೆ.

ಹಾಗೆಯೇ ಎಚ್‌ಡಿಎಫ್‌ಸಿ ಬ್ಯಾಂಕ್ ಕ್ರೆಡ್ ಹಾಗೂ ಡೆಬಿಡ್ ಕಾರ್ಡು‌ದಾರರಿಗೆ ಹೆಚ್ಚುವರಿ ಕ್ಯಾಶ್‌ಬ್ಯಾಕ್ ಸಿಗಲಿದೆ. ಗ್ಯಾಲಕ್ಸಿ ನೋಟ್9 ಖರೀದಿಯಲ್ಲಿ 6000 ರೂ. ಹಾಗೂ ಗ್ಯಾಲಕ್ಸಿ ಎಸ್9 ಪ್ಲಸ್ ಖರೀದಿಯಲ್ಲಿ 4000 ರೂ.ಗಳ ಕ್ಯಾಶ್‌ಬ್ಯಾಕ್ ಲಭ್ಯವಾಗಲಿದೆ.

ಹಳೆಯ ಸ್ಯಾಮ್‌ಸಂಗ್ ಸ್ಮಾರ್ಟ್‌ಫೋನ್‌ಗಳನ್ನು ಎಕ್ಸ್‌ಚೇಂಜ್ ಮಾಡಬಯಸುವವರಿಗಾಗಿ ಹೆಚ್ಚುವರಿ 9000 ರೂ.ಗಳ ಪ್ರಯೋಜನವನ್ನು ನೀಡಲಾಗತ್ತಿದೆ.