ವೊಡಾಫೋನ್ ಐಡಿಯಾದಿಂದ ಫುಟ್‌ಬಾಲ್ ಪ್ರಿಯರಿಗಾಗಿ ವಿಶೇಷ ಆಫರ್ಸ್ ಪ್ರಕಟ!

ಭಾರತದ ಮೂರನೇ ಅತಿದೊಡ್ಡ ಟೆಲಿಕಾಂ ಸಂಸ್ಥೆ 'ವಿ' ( ವೊಡಾಫೋನ್ ಐಡಿಯಾ) ಕತಾರ್‌ನಲ್ಲಿ ನಡೆಯುತ್ತಿರುವ ಫುಟ್‌ಬಾಲ್ ವೀಕ್ಷಣೆಗೆ ತೆರಳುತ್ತಿರುವ ಗ್ರಾಹಕರಿಗೆ ವಿಶೇಷ ಆಫರ್ಸ್ ಪರಿಚಯಿಸಿದೆ. ಕಳೆದ ನವೆಂಬರ್ 20 ರಿಂದ ಆರಂಭವಾಗಿರುವ ವಿಶ್ವದ ಅತ್ಯಂತ ಪ್ರತಿಷ್ಠಿತ ಕ್ರೀಡಾಕೂಟ ಫಿಫಾ ವಿಶ್ವಕಪ್ ಕತಾರ್-2022 ಫುಟ್ಬಾಲ್ ಪಂದ್ಯಗಳನ್ನು ನೇರವವಾಗಿ ವೀಕ್ಷಿಸಲು ಭಾರತದಿಂದ ಸಾವಿರಾರು ಫುಲ್‌ಬಾಲ್ ಅಭಿಮಾನಿಗಳು ಪ್ರಯಾಣಿಸುತ್ತಿದ್ದಾರೆ. ಕತಾರ್ ದೇಶದಲ್ಲಿ ಪ್ರಯಾಣಿಕರು ಸರಾಸರಿ 7 ದಿನಗಳ ಕಾಲ ಉಳಿಯುವ ನಿರೀಕ್ಷೆಯಿದ್ದು, 7 ದಿನದಿಂದ 28 ದಿನ ವ್ಯಾಪ್ತಿಯಲ್ಲಿ ಅತ್ಯುತ್ತಮ ಮತ್ತು ವಿಶಾಲ ಶ್ರೇಣಿಯ ಇಂಟರ್ನ್ಯಾಷನಲ್ ರೋಮಿಂಗ್ (IR) ಪ್ಯಾಕ್‌ಗಳನ್ನು ಒದಗಿಸುವ ಏಕೈಕ ಟೆಲಿಕಾಂ ತಾನು ಎಂದು ವೊಡಾಫೋನ್ ಐಡಿಯಾ ಸಂಸ್ಥೆ ಹೇಳಿಕೊಂಡಿದೆ. ಹಾಗಾದರೆ, ವೊಡಾಫೋನ್ ಐಡಿಯಾ ಪ್ರಕಟಿಸಿರುವ ಇಂಟರ್ನ್ಯಾಷನಲ್ ರೋಮಿಂಗ್ (IR) ವಿಶೇಷ ಪ್ಯಾಕೇಜ್‌ಗಳು ಯಾವುವು ಎಂಬುದನ್ನು ನೋಡೋಣ ಬನ್ನಿ.

ವಿ 2,999 IR ಯೋಜನೆ
ವೊಡಾಫೋನ್ ಐಡಿಯಾ ಪ್ರಕಟಿಸಿರುವ ಮೊದಲ ಹಾಗೂ 2,999 ರೂ. ಇಂಟರ್ನ್ಯಾಷನಲ್ ರೋಮಿಂಗ್ (IR) ಯೋಜನೆಯು 200 ನಿಮಿಷಗಳ ಭಾರತ ಹಾಗೂ ಸ್ಥಳೀಯ ಮತ್ತು ಹೊರಹೋಗುವ ಕರೆಗಳನ್ನು ಉಚಿತವಾಗಿ ನೀಡಲಿದೆ. ಈ ಯೋಜನೆಯು ಉಚಿತ ಒಳಬರುವ ಕರೆಗಳ ಪ್ರಯೋಜನ, ಒಟ್ಟು 2 GB ಡೇಟಾ ಹಾಗೂ 25 ಎಸ್‌ಎಂಎಸ್‌ ಪ್ರಯೋಜನವನ್ನು ಒಳಗೊಂಡಿದೆ. ಈ ಯೋಜನೆಯಲ್ಲಿ ನೀವು ಕತಾರ್‌ನಿಂದ ಭಾರತ ಬಿಟ್ಟು ಇತರೆ ಯಾವುದೇ ವಿದೇಶಗಳಿಗೆ ಕರೆ ಮಾಡಿದರೆ ಪ್ರತಿ ಕರೆಗೆ 35 ರೂ. ದರ ವಿಧಿಸಲಾಗುತ್ತದೆ ಎಂದು ಕಂಪೆನಿ ತಿಳಿಸಿದೆ. ಈ ಯೋಜನೆಯು 7 ದಿನಗಳ ವ್ಯಾಲಿಡಿಟಿ ಹೊಂದಿದೆ.

ವಿ 3,999 IR ಯೋಜನೆ
ವೊಡಾಫೋನ್ ಐಡಿಯಾ ಪ್ರಕಟಿಸಿರುವ ಎರಡನೇ ಹಾಗೂ 2,999 ರೂ. ಇಂಟರ್ನ್ಯಾಷನಲ್ ರೋಮಿಂಗ್ (IR) ಯೋಜನೆಯು 300 ನಿಮಿಷಗಳ ಭಾರತ ಹಾಗೂ ಸ್ಥಳೀಯ ಮತ್ತು ಹೊರಹೋಗುವ ಕರೆಗಳನ್ನು ಉಚಿತವಾಗಿ ನೀಡಲಿದೆ. ಈ ಯೋಜನೆಯು ಉಚಿತ ಒಳಬರುವ ಕರೆಗಳ ಪ್ರಯೋಜನ, ಒಟ್ಟು 3 GB ಡೇಟಾ ಹಾಗೂ 50 ಎಸ್‌ಎಂಎಸ್‌ ಪ್ರಯೋಜನವನ್ನು ಒಳಗೊಂಡಿದೆ. ಈ ಯೋಜನೆಯಲ್ಲಿಯೂ ನೀವು ಕತಾರ್‌ನಿಂದ ಭಾರತ ಬಿಟ್ಟು ಇತರೆ ಯಾವುದೇ ವಿದೇಶಗಳಿಗೆ ಕರೆ ಮಾಡಿದರೆ ಪ್ರತಿ ಕರೆಗೆ 35 ರೂ. ದರ ವಿಧಿಸಲಾಗುತ್ತದೆ ಎಂದು ಕಂಪೆನಿ ತಿಳಿಸಿದೆ. ಈ ಯೋಜನೆಯು 10 ದಿನಗಳ ವ್ಯಾಲಿಡಿಟಿ ಹೊಂದಿದೆ.

ವಿ 4,499 IR ಯೋಜನೆ
ವೊಡಾಫೋನ್ ಐಡಿಯಾ ಪ್ರಕಟಿಸಿರುವ ಮೂರನೇ ಹಾಗೂ 4,499 ರೂ. ಇಂಟರ್ನ್ಯಾಷನಲ್ ರೋಮಿಂಗ್ (IR) ಯೋಜನೆಯು 500 ನಿಮಿಷಗಳ ಭಾರತ ಹಾಗೂ ಸ್ಥಳೀಯ ಮತ್ತು ಹೊರಹೋಗುವ ಕರೆಗಳನ್ನು ಉಚಿತವಾಗಿ ನೀಡಲಿದೆ. ಈ ಯೋಜನೆಯು ಉಚಿತ ಒಳಬರುವ ಕರೆಗಳ ಪ್ರಯೋಜನ, ಒಟ್ಟು 5 GB ಡೇಟಾ ಹಾಗೂ 100 ಎಸ್‌ಎಂಎಸ್‌ ಪ್ರಯೋಜನವನ್ನು ಒಳಗೊಂಡಿದೆ. ಈ ಯೋಜನೆಯಲ್ಲಿಯೂ ನೀವು ಕತಾರ್‌ನಿಂದ ಭಾರತ ಬಿಟ್ಟು ಇತರೆ ಯಾವುದೇ ವಿದೇಶಗಳಿಗೆ ಕರೆ ಮಾಡಿದರೆ ಪ್ರತಿ ಕರೆಗೆ 35 ರೂ. ದರ ವಿಧಿಸಲಾಗುತ್ತದೆ ಎಂದು ಕಂಪೆನಿ ತಿಳಿಸಿದೆ. ಈ ಯೋಜನೆಯು 14 ದಿನಗಳ ವ್ಯಾಲಿಡಿಟಿ ಹೊಂದಿದೆ.

ವಿ 5,999 IR ಯೋಜನೆ
ವೊಡಾಫೋನ್ ಐಡಿಯಾ ಪ್ರಕಟಿಸಿರುವ ನಾಲ್ಕನೇ ಹಾಗೂ 5,999 ರೂ. ಇಂಟರ್ನ್ಯಾಷನಲ್ ರೋಮಿಂಗ್ (IR) ಯೋಜನೆಯು 500 ನಿಮಿಷಗಳ ಭಾರತ ಹಾಗೂ ಸ್ಥಳೀಯ ಮತ್ತು ಹೊರಹೋಗುವ ಕರೆಗಳನ್ನು ಉಚಿತವಾಗಿ ನೀಡಲಿದೆ. ಈ ಯೋಜನೆಯು ಉಚಿತ ಒಳಬರುವ ಕರೆಗಳ ಪ್ರಯೋಜನ, ಒಟ್ಟು 5 GB ಡೇಟಾ ಹಾಗೂ 100 ಎಸ್‌ಎಂಎಸ್‌ ಪ್ರಯೋಜನವನ್ನು ಒಳಗೊಂಡಿದೆ. ಈ ಯೋಜನೆಯಲ್ಲಿಯೂ ನೀವು ಕತಾರ್‌ನಿಂದ ಭಾರತ ಬಿಟ್ಟು ಇತರೆ ಯಾವುದೇ ವಿದೇಶಗಳಿಗೆ ಕರೆ ಮಾಡಿದರೆ ಪ್ರತಿ ಕರೆಗೆ 35 ರೂ. ದರ ವಿಧಿಸಲಾಗುತ್ತದೆ ಎಂದು ಕಂಪೆನಿ ತಿಳಿಸಿದೆ. ಈ ಯೋಜನೆಯು 28 ದಿನಗಳ ವ್ಯಾಲಿಡಿಟಿ ಹೊಂದಿದೆ.