TikTok: 60 ಲಕ್ಷ ವಿಡಿಯೊ ಡಿಲೀಟ್‌

ಶಾರ್ಟ್‌ ವೀಡಿಯೊ ಷೇರಿಂಗ್‌ ಜಾಲತಾಣವಾಗಿರುವ ಟಿಕ್‌ಟಾಕ್‌ ಮತ್ತೆ ಸುದ್ದಿಯಲ್ಲಿದ್ದು, ನಿಯಮ ಉಲ್ಲಂಘಿಸಿರುವ ಭಾರತದ 60 ಲಕ್ಷಕ್ಕೂ ಹೆಚ್ಚು ವೀಡಿಯೊಗಳನ್ನು ತೆಗೆದು ಹಾಕಿದೆ.

ಕೋಟ್ಯಂತರ ಬಳಕೆದಾರರ ಸುರಕ್ಷ ತೆ ಮತ್ತು ಅವರಿಗೆ ಅನುಕೂಲಕರ ವಾತಾವರಣ ಕಲ್ಪಿಸುವ ನಿಟ್ಟಿನಲ್ಲಿ ಈ ಪ್ರಯತ್ನ ಮಾಡಲಾಗುತ್ತಿದೆ ಎಂದು ಕಂಪನಿ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

ಜತೆಗೆ, ಹೊಸ ಬಳಕೆದಾರರಿಗೆ ವಯಸ್ಸಿನ ಮಿತಿಯನ್ನು ಅದು ವಿಧಿಸಿದ್ದು, 13 ವರ್ಷ ಮೇಲ್ಪಟ್ಟವರಿಗೆ ಮಾತ್ರ ಟಿಕ್‌ಟಾಕ್‌ನಲ್ಲಿ ಖಾತೆ ತೆರೆಯಲು ಅವಕಾಶ ಕಲ್ಪಿಸಿದೆ. ಆದರೂ, ಕಂಪನಿ ಈ ಬಗೆಗಿನ ಯಾವುದೇ ಮಾಹಿತಿಯನ್ನು ಬಿಟ್ಟುಕೊಟ್ಟಿಲ್ಲ.

ಹಿಂದಿ, ಗುಜರಾತಿ, ಮರಾಠಿ, ಬಂಗಾಳಿ, ಪಂಜಾಬಿ, ತೆಲುಗು, ತಮಿಳು, ಕನ್ನಡ, ಮಲಯಾಳಂ ಮತ್ತು ಒರಿಯಾ ಭಾಷೆಗಳಲ್ಲಿನ ನಿಯಮ ಉಲ್ಲಂಘಿಸಿದ ವೀಡಿಯೊಗಳನ್ನು ತೆಗೆದು ಹಾಕಲಾಗಿದೆ. ಭಾರತದ ಸಾರ್ವತ್ರಿಕ ಚುನಾವಣೆ ಹಿನ್ನೆಲೆಯಲ್ಲಿ ಟಿಕ್‌ಟಾಕ್‌ ಕಂಪನಿಯು ಸಲಹೆಗಳನ್ನು ಸೇರಿಸಿದ್ದು, ಇದು ಭಾರತೀಯ ಚನಾವಣಾ ಆಯೋಗದ ತಾಣಕ್ಕೆ ಸಂಪರ್ಕ ಕಲ್ಪಿಸುತ್ತದೆ.