Vivo Watch: ಹೊಸ ಸ್ಮಾರ್ಟ್‌ವಾಚ್ ಪರಿಚಯಿಸಲು ಸಿದ್ಧತೆ ನಡೆಸಿದೆ ವಿವೋ

ಸ್ಮಾರ್ಟ್‌ವಾಚ್ ಮತ್ತು ಫಿಟ್ನೆಸ್ ಬ್ಯಾಂಡ್, ಸ್ಮಾರ್ಟ್‌ಬ್ಯಾಂಡ್ ಕುರಿತು ಯುವಜನತೆಗೆ ಕ್ರೇಜ್ ಹೆಚ್ಚುತ್ತಿರುವಂತೆಯೇ, ವಿವಿಧ ಬ್ರ್ಯಾಂಡ್‌ಗಳು ಮಾರುಕಟ್ಟೆ ಪಾಲು ಪಡೆಯಲು ಮುಂದಾಗುತ್ತಿವೆ.

ಅದರಲ್ಲೂ, ಚೀನಾ ಮೂಲದ ಶವೋಮಿ ರೆಡ್ಮಿ-ಎಂಐ, ಒಪ್ಪೋ, ರಿಯಲ್‌ಮಿ ಈಗಾಗಲೇ ಸ್ಮಾರ್ಟ್‌ವಾಚ್ ಮತ್ತು ಫಿಟ್ನೆಸ್ ಬ್ಯಾಂಡ್ ಬಿಡುಗಡೆ ಮಾಡುವ ಮೂಲಕ ಮಾರುಕಟ್ಟೆಯಲ್ಲಿ ಹೆಚ್ಚು ಪಾಲು ಪಡೆಯತ್ತಿವೆ.

ಮತ್ತೊಂದೆಡೆ ಚೀನಾದ ಒನ್‌ಪ್ಲಸ್ ಕೂಡ ಹೊಸ ಸ್ಮಾರ್ಟ್‌ವಾಚ್ ಬಿಡುಗಡೆಗೆ ಸಿದ್ಧತೆ ನಡೆಸಿದೆ. ಈ ಮಧ್ಯೆ ಬಿಬಿಕೆ ಎಲೆಕ್ಟ್ರಾನಿಕ್ಸ್ ಒಡೆತನದ ಚೀನಾದ ಮತ್ತೊಂದು ಪ್ರಸಿದ್ಧ ಬ್ರ್ಯಾಂಡ್ ವಿವೋ ಕೂಡ ನೂತನ ಸ್ಮಾರ್ಟ್‌ವಾಚ್ ಬಿಡುಗಡೆಗೆ ಮುಂದಾಗಿದೆ.

ವಿವೋ ಬಿಡುಗಡೆ ಮಾಡಲಿರುವ ಮೊದಲ ಸ್ಮಾರ್ಟ್‌ವಾಚ್ ಇದಾಗಿರಲಿದ್ದು, ಎರಡು ಡಿಸ್‌ಪ್ಲೇ ಸೈಜ್‌ನಲ್ಲಿ ದೊರೆಯಲಿದೆ ಎನ್ನಲಾಗಿದೆ. ಅಲ್ಲದೆ, 18 ದಿನ ಬ್ಯಾಟರಿ, ನಾಲ್ಕು ವಿವಿಧ ಬಣ್ಣಗಳಲ್ಲಿ ಮತ್ತು ಹಾರ್ಟ್ ರೇಟ್ ಸೆನ್ಸರ್ ಸಹಿತ ದೊರೆಯಲಿದೆ ಎನ್ನಲಾಗಿದೆ. ಅಲ್ಲದೆ, ಈಗಾಗಲೇ ಬ್ಲೂಟೂತ್ SIG ಮತ್ತು 3C ಸರ್ಟಿಫಿಕೇಶನ್ ಕೂಡ ದೊರೆತಿದ್ದು, ಹೊಸ ಸ್ಮಾರ್ಟ್‌ವಾಚ್ ಶೀಘ್ರದಲ್ಲೇ ಬಿಡುಗಡೆಯ ಸುಳಿವು ದೊರೆತಿದೆ.

Vivo: ಪ್ಯಾನಲ್ ಬಣ್ಣ ಬದಲಾಗುವ ಫೋನ್ ತಯಾರಿಸುತ್ತಿದೆ ವಿವೋ

ಮೂಲಗಳ ಪ್ರಕಾರ ವಿವೋ ಸ್ಮಾರ್ಟ್‌ವಾಚ್ ಅಂದಾಜು 10,000 ರೂ. ಬೆಲೆ ಇರಲಿದ್ದು, ಚೀನಾ, ಯುರೋಪ್ ಮತ್ತು ಭಾರತದ ಮಾರುಕಟ್ಟೆಗೆ ಶೀಘ್ರದಲ್ಲೇ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

Redmi Smart Band: ಶವೋಮಿ ರೆಡ್ಮಿ ಸ್ಮಾರ್ಟ್‌ ಬ್ಯಾಂಡ್ ಮಾರುಕಟ್ಟೆಗೆ ಲಗ್ಗೆ