ವೊಡಾಫೋನ್ ಐಡಿಯಾ ಬಳಕೆದಾರರಿಗೆ ಮತ್ತೊಂದು ಸಿಹಿಸುದ್ದಿ!

ದೇಶದ ಮೂರನೇ ಅತಿದೊಡ್ಡ ಟೆಲಿಕಾಂ ಸಂಸ್ಥೆ Vodafone Idea ತನ್ನ ಬಳಕೆದಾರರಿಗೆ ಮತ್ತೊಂದು ಸಿಹಿಸುದ್ದಿ ನೀಡಿದ್ದು, Vodafone Idea ಬಳಕೆದಾರರರು ನೇರವಾಗಿ ಮೊಬೈಲ್ ಅಪ್ಲಿಕೇಷನ್ ಮೂಲಕವೇ ಕಾಲರ್ ಟ್ಯೂನ್‌ಗಳನ್ನು ಹೊಂದಿಸಿಕೊಳ್ಳಲು ಅವಕಾಶವನ್ನು ಕಲ್ಪಿಸಿದೆ. Vodafone Idea ಬಳಕೆದಾರರು ತಮ್ಮ ಸ್ಮಾರ್ಟ್‌ಫೋನ್‌ಗಳಲ್ಲಿ 'Vi' ಅಪ್ಲಿಕೇಶನ್‌ನಿಂದ ನೇರವಾಗಿ ಕಾಲರ್ ಟ್ಯೂನ್‌ಗಳನ್ನು ಹೊಂದಿಸಿಕೊಳ್ಳಬಹುದಾಗಿದ್ದು, ಬಳಕೆದಾರರು ತಮ್ಮ ನೆಚ್ಚಿನ ಯಾವುದೇ ಹಾಡುಗಳನ್ನು ಆಯ್ಕೆ ಮಾಡುವ ಅವಕಾಶವನ್ನು ನೀಡಿದೆ. Vi ಅಪ್ಲಿಕೇಶನ್‌ನಲ್ಲಿ ಜಾಹೀರಾತು-ಮುಕ್ತ ಸಂಗೀತವನ್ನು ಆನಂದಿಸಬಹುದಾದ ಆಯ್ಕೆಯನ್ನು ಹೊಂದಿರುವ Vodafone Idea ಗ್ರಾಹಕರಿಗೆ ಇದು ಮತ್ತೊಂದು ಸಿಹಿಸುದ್ದಿ ಸಿಕ್ಕಂತಾಗಿದೆ.

ಹೌದು, Vodafone Idea ಬಳಕೆದಾರರು Vi ಅಪ್ಲಿಕೇಶನ್ ನಲ್ಲಿರುವ 20 ವಿವಿಧ ಭಾಷೆಗಳಲ್ಲಿ 22 ಮಿಲಿಯನ್‌ಗೂ ಹೆಚ್ಚು ಸಂಗೀತವನ್ನು ಜಾಹೀರಾತು-ಮುಕ್ತವಾಗಿ ಆಲಿಸಲು ಹಾಗೂ ಲೈಬ್ರೆರಿಯಲ್ಲಿರುವ ಯಾವುದೇ ಹಾಡುಗಳನ್ನು ಕಾಲರ್ ಟ್ಯೂನ್‌ ಆಗಿ ಆಯ್ಕೆ ಮಾಡುವ ಆಯ್ಕೆಯನ್ನು ಪಡೆದುಕೊಳ್ಳಲಿದ್ದಾರೆ. ಇದಕ್ಕಾಗಿ ವಿಶೇಷ ಮಾಸಿಕ ರೀಚಾರ್ಜ್ ಯೋಜನೆಯನ್ನು ಪರಿಚಯಿಸಲಾಗಿದ್ದು, ಪ್ರತಿ ತಿಂಗಳು 69 ರೂ.ಗಳ ಚಂದಾದಾರಿಕೆ ಶುಲ್ಕವನ್ನು ಪಾವತಿಸಿ ಈ ಸೇವೆಯನ್ನು ಪಡೆದುಕೊಳ್ಳಬಹುದಾಗಿದೆ. ಇನ್ನು ಈಗಾಗಲೇ ಕಾಲರ್ ಟ್ಯೂನ್‌ ಚಂದಾದಾರಿಕೆಯನ್ನು ಹೊಂದಿರುವ Vodafone Idea ಗ್ರಾಹಕರು ಇದಕ್ಕಾಗಿ ಯಾವುದೇ ಹೆಚ್ಚುವರಿ ಮೊತ್ತವನ್ನು ಪಾವತಿಸಬೇಕಾಗಿಲ್ಲ ಎಂದು ಕಂಪೆನಿಯು ತಿಳಿಸಿದೆ.

ನಿಮ್ಮ ಕಾಲರ್ ಟ್ಯೂನ್ ಅನ್ನು ಅಪ್ಲಿಕೇಶನ್‌ನಲ್ಲಿ ಹೊಂದಿಸಲು ನೀವು ಬಯಸಿದರೆ, ಯಾವುದೇ ಹಾಡನ್ನು ಆಯ್ಕೆಮಾಡಿ, ಸೆಟ್ ಆಸ್ ಕಾಲರ್ ಟ್ಯೂನ್' ಆಯ್ಕೆಯನ್ನು ಕ್ಲಿಕ್ ಮಾಡಿ, ನಂತರ ಮಾನ್ಯತೆ ಮತ್ತು ಚಂದಾದಾರಿಕೆಯನ್ನು ಆರಿಸಿ, ಆಯ್ಕೆಯನ್ನು ದೃಢೀಕರಿಸಿ. ಈಗ ನೀವು ಸೆಟ್ ಮಾಡಿರುವ ಹಾಡನ್ನು ಕಾಲರ್ ಟ್ಯೂನ್ ಆಗಿ ಹೊಂದಿಸಲಾಗುತ್ತದೆ ಎಂದು Vodafone Idea ತಿಳಿಸಿದೆ. ನಿಮ್ಮ ಕಾಲರ್ ಟ್ಯೂನ್ ಆಗಿ ನೀವು ಉತ್ತಮ ಹಾಡನ್ನು ಹೊಂದಿಸಿದಾಗ, ಹಾಡು ಮುಗಿಯುವವರೆಗೂ ನಿಮ್ಮ ಕರೆ ಮಾಡುವವರು ನೀವು ಕರೆಯನ್ನು ಕಟ್ ಮಾಡಲು ಬಯಸುವುದಿಲ್ಲ. ಆದ್ದರಿಂದ ನೀವು ಹಾಡನ್ನು ಆಯ್ಕೆಮಾಡುವಾಗ, ಬುದ್ಧಿವಂತಿಕೆಯಿಂದ ಆಯ್ಕೆ ಮಾಡಿ ಎಂದು ಸಹ ತನ್ನ ಗ್ರಾಹಕರಿಗೆ ಸಲಹೆಯನ್ನು ನೀಡಿದೆ.
1,299 ರೂ. ಬೆಲೆಯಲ್ಲಿ 'Dizo Buds P' ಟ್ರೂ ವೈರ್‌ಲೆಸ್ ಇಯರ್‌ಬಡ್ಸ್ ಬಿಡುಗಡೆ!
Vi app ಮತ್ತು Hungama Music ಪ್ಲಾಟ್‌ಫಾರ್ಮ್‌ಗಳ ಸಹಯೋಗದಿಂದ Vi app ನಲ್ಲಿ ಇದೀಗ 20 ವಿವಿಧ ಭಾಷೆಗಳಲ್ಲಿ 22 ಮಿಲಿಯನ್‌ಗೂ ಹೆಚ್ಚು ಹಾಡುಗಳು ಲಭ್ಯವಿವೆ. Vi ಬಳಕೆದಾರರು ಪ್ಲಾಟ್‌ಫಾರ್ಮ್‌ಗೆ ಮೊದಲ ಆರು ತಿಂಗಳ ಚಂದಾದಾರಿಕೆಯನ್ನು ಸಂಪೂರ್ಣವಾಗಿ ಉಚಿತವಾಗಿ ಪಡೆಯಬಹುದಾಗಿದೆ. ಇನ್ನು ಇತ್ತೀಚೆಗಷ್ಟೇ ಇಂಟರ್ನೆಟ್ ಇಲ್ಲದೆಯೂ ಹಾಡುಗಳನ್ನು ಕೇಳಲು ಅನುವು ಮಾಡಿಕೊಡುವ ಸಲುವಾಗಿ Vodafone Idea ಬಳಕೆದಾರರು ತಮ್ಮ ಸ್ಮಾರ್ಟ್‌ಫೋನಿನಲ್ಲಿ ಹಾಡುಗಳನ್ನು ಡೌನ್‌ಲೋಡ್ ಮಾಡಲು ಅನುಮತಿಸುತ್ತದೆ. ಹಾಡುಗಳನ್ನು ಡೌನ್‌ಲೋಡ್‌ ಮಾಡಲು ಮಾಸಿಕ 49 ರೂ., ತ್ರೈಮಾಸಿಕವಾಗಿ 99 ರೂ., ಮತ್ತು ವಾರ್ಷಿಕ 249 ರೂ.ಗಳನ್ನು ಪಾವತಿಸಬೇಕು.