Vodafone Rs 154 Prepaid Plan: 180 ದಿನಗಳ ವ್ಯಾಲಿಡಿಟಿ

ಹೊಸದಿಲ್ಲಿ: ಟೆಲಿಕಾಂ ಸಂಸ್ಥೆಗಳ ನಡುವೆ ಪೈಪೋಟಿ ನಿಕಟವಾಗಿರುವಂತೆಯೇ ದೇಶದ ಮುಂಚೂಣಿಯ ವೋಡಾಫೋನ್ ಸಂಸ್ಥೆಯು 154 ರೂ.ಗಳ ಪ್ರೀಪೇಯ್ಡ್ ಯೋಜನೆ ಜಾರಿಗೊಳಿಸಿದೆ.

ವೋಡಾಫೋನ್ ನೂತನ 154 ರೂ. ಪ್ರೀಪೇಯ್ಡ್ ಪ್ಲ್ಯಾನ್‌ನ ಪ್ರಮುಖ ಆಖರ್ಷಣೆಯೆಂದರೆ 180 ದಿನಗಳ ವ್ಯಾಲಿಡಿಟಿ ಇರುತ್ತದೆ.

ರಾತ್ರಿ ವೇಳೆಯಲ್ಲಿ 600 ನಿಮಿಷಗಳ ಲೋಕಲ್ ಕರೆ ಸೇವೆಯನ್ನು ಒಳಗೊಂಡಿರುತ್ತದೆ. ಅಂದರೆ ರಾತ್ರಿ 12ರಿಂದ ಬೆಳಗ್ಗೆ 6ರ ವರೆಗೆ ವೋಡಾಫೋನ್ ನಂಬರ್‌ಗೆ ಕರೆ ಮಾಡಬಹುದಾಗಿದೆ.

ಇದರ ಹೊರತಾಗಿ ರಾಷ್ಟ್ರೀಯ ಅಥವಾ ಲೋಕಲ್ ಕರೆಗಳಿಗೆ ಪ್ರತಿ ಸೆಕೆಂಡುಗೆ 2.5 ಪೈಸೆ ತಗುಲಲಿದೆ. ಇನ್ನು ಡೇಟಾ ಸೇವೆಗಾಗಿ ಪ್ರತಿ 10ಕೆಬಿಗೆ 4 ಪೈಸೆ ಪಾವತಿಸಬೇಕಿದೆ.

ಅಂತೆಯೇ ಲೋಕಲ್ ಎಸ್‌ಎಂಎಸ್‌ಗಳಿಗೆ ರೂ. 1 ಮತ್ತು ರಾಷ್ಟ್ರೀಯ ಎಸ್‌ಎಂಎಸ್‍‌ಗಳಿಗೆ 1.5 ರೂ. ಚಾರ್ಜ್ ಆಗಲಿದೆ. ಈ ಎಲ್ಲ ಪ್ರಯೋಜನಗಳು ಆರು ತಿಂಗಳುಗಳ ವ್ಯಾಲಿಡಿಟಿಯೊಂದಿಗೆ ಲಭ್ಯವಾಗಲಿದೆ.