WhatsApp: ಡಿಪಿ ಸೇವ್ ಮಾಡಲು, ಸ್ಕ್ರೀನ್ ಶಾಟ್ ತೆಗೆಯಲು ಸಾಧ್ಯವಿಲ್ಲ!

ವಾಟ್ಸಪ್ ಬಳಕೆದಾರರ ಭದ್ರತೆ ಮತ್ತು ಸುರಕ್ಷತೆಯ ದೃಷ್ಟಿಯಿಂದ ಪರಿಚಯಿಸಲಾಗಿರುವ ನೂತನ ಅಪ್‌ಡೇಟ್ ಪ್ರಕಾರ ಮತ್ತೊಬ್ಬರ ವಾಟ್ಸಪ್‌ನ ಡಿಸ್‌ಪ್ಲೇ ಪಿಕ್ಚರ್ ಅನ್ನು ಇನ್ನು ನೀವು ಸೇವ್ ಮಾಡಿಕೊಳ್ಳುವಂತಿಲ್ಲ.

ಜತೆಗೆ ಡಿಪಿ ಸೇವ್‌ ಮಾಡಿಕೊಳ್ಳಲಾಗದೆ, ಅದನ್ನು ಸ್ಕ್ರೀನ್‌ಶಾಟ್ ಮೂಲಕ ತೆಗೆದಿರಿಸಬಹುದು ಎಂದಿದ್ದರೆ ಅದು ಕೂಡ ಸಾಧ್ಯವಾಗುವುದಿಲ್ಲ ಎಂದಿ ವಾಟ್ಸಪ್ ಹೇಳಿದೆ.

ವಾಟ್ಸಪ್ ಅಪ್‌ಡೇಟ್ ಕುರಿತು ಮಾಹಿತಿ ನೀಡುವ ವಾಬೀಟಾಇನ್ಫೋ ಪ್ರಕಾರ, ಹೊಸ 2.19.60 ಅಪ್‌ಡೇಟ್ ಈ ಆಯ್ಕೆಯನ್ನು ಬಳಕೆದಾರರಿಗೆ ಪರಿಚಯಿಸುತ್ತಿದೆ.

ಹೊಸ ಭದ್ರತಾ ಮತ್ತು ಖಾಸಗೀತನದ ನಿಯಮದ ಪ್ರಕಾರ, ವಾಟ್ಸಪ್ ಡಿಪಿ ಸೇವ್ ಮಾಡಲು, ಸ್ಕ್ರೀನ್ ಶಾಟ್ ತೆಗೆಯಲು ವಾಟ್ಸಪ್ ಅನುವು ಮಾಡಿಕೊಡುವುದಿಲ್ಲ. ಇದರಿಂದ ವಾಟ್ಸಪ್ ಡಿಪಿಗೆ ಹೆಚ್ಚಿನ ಭದ್ರತೆ ಇರಲಿದೆ ಮತ್ತು ಬಳಕೆದಾರರ ಖಾಸಗೀತನವೂ ಉಳಿಯಲಿದೆ ಎಂದು ವಾಬೀಟಾಇನ್ಫೋ ಹೇಳಿದೆ.