ಅಡ್ಮಿನ್‌ಗಳಿಗೆ ನಿರ್ಬಂಧಿಸುವ ವಿಶೇಷ ಅಧಿಕಾರ ನೀಡಿದ ವಾಟ್ಸ್‌ಆ್ಯಪ್

ಸ್ಯಾನ್‌ಫ್ರಾನ್ಸಿಸ್ಕೋ: ವಾಟ್ಸ್‌ಆ್ಯಪ್ ಗ್ರೂಪ್‌ನಲ್ಲಿ ಯಾರೋ ಒಬ್ಬ ಸದಸ್ಯ ಅವಹೇಳನಕಾರಿ ಪೋಸ್ಟ್ ಮಾಡಿದನೆಂದು, ಗ್ರೂಪ್ ಅಡ್ಮಿನ್ ವಿರುದ್ಧ ಕ್ರಮ ಕೈಗೊಂಡಿದ್ದು ಗೊತ್ತು. ಯಾರದ್ದೋ ತಪ್ಪಿಗೆ ಅಡ್ಮಿನ್‌ಗೆ ಶಿಕ್ಷೆ ಏಕೆ ಎಂಬ ಕೂಗು ಕೇಳಿ ಬಂದಿತ್ತು. ಈ ಬೆನ್ನಲ್ಲೇ ವಾಟ್ಸ್‌ಆ್ಯಪ್ ಅಡ್ಮಿನ್‌ಗೆ ಇದೀಗ ಹೆಚ್ಚಿನ ಅಧಿಕಾರ ನೀಡಲಾಗುತ್ತಿದೆ.

ಶೀಘ್ರದಲ್ಲಿಯೇ ಲ್ಯಾಂಡ್‌ಲೈನಿಗೂ ವಾಟ್ಸ್ ಆಯ್ಪ ಕರೆ

ಅಶ್ಲೀಲ, ಅವಹೇಳನಕಾರಿ ಸಂದೇಶಗಳು, ಫೋಟೋ, ವೀಡಿಯೋ, ಜಿಫ್ಸ್, ದಾಖಲೆಗಳು ಹಾಗೂ ವಾಯ್ಸ್ ಮಸೇಜ್‌ ಕಳುಹಿಸುವ ಸದಸ್ಯರನ್ನು ನಿರ್ಬಂಧಿಸುವ ಅಧಿಕಾರವಿನ್ನು ವಾಟ್ಸ್ ಆ್ಯಪ್ ಅಡ್ಮಿನ್‌ಗಳಿಗಿರುತ್ತದೆ.

ವ್ಯಾಬೆಟಇನ್ಫೋ ವೆಬ್‌ಸೈಟ್ ಈ ಬಗ್ಗೆ ವರದಿ ಪ್ರಕಟಿಸಿದ್ದು, ವಾಟ್ಸ್‌ಆ್ಯಪ್‌ನ ಈ ಹೊಸ ವೈಶಿಷ್ಟ್ಯಕ್ಕೆ ಸಂಬಂಧಿಸಿದಂತೆ ಪರೀಕ್ಷೆಗಳು ನಡೆಯುತ್ತಿದ್ದು, ಶೀಘ್ರದಲ್ಲಿಯೇ ಪರಿಚಯಿಸಲಾಗುವುದು, ಎಂದು ಹೇಳಿದೆ. 'ರಿಸ್ಟ್ರಿಕ್ಟಟ್ ಗ್ರೂಪ್' ಎನ್ನುವ ಈ ವೈಶಿಷ್ಟ್ಯವನ್ನು ಆ್ಯಕ್ಟಿವೇಟ್ ಮಾಡಿಕೊಳ್ಳಲು ಗ್ರೂಪ್ ಅಡ್ಮಿನ್‌ಗೆ ಮಾತ್ರ ಅವಕಾಶವಿರುತ್ತದೆ. ಗುಂಪಿನ ಸದಸ್ಯನನ್ನು ನಿರ್ಬಂಧಿಸಿದ ನಂತರವೂ ಸಹಜವಾಗಿಯೇ ಅಡ್ಮಿನ್‌ಗಳು ಸಂದೇಶಗಳನ್ನು ಕಳುಹಿಸಬಹುದು. ಆದರೆ, ನಿರ್ಬಂಧಕ್ಕೊಳಗಾದ ಸದಸ್ಯ ಮಾತ್ರ ಕಳುಹಿಸಿದ ಸಂದೇಶಗಳನ್ನು ಓದಬಹುದೇ ಹೊರತು, ಯಾವುದೇ ಸಂದೇಶಗಳನ್ನು ಕಳುಹಿಸಲು ಸಾಧ್ಯವಿಲ್ಲ. 'ಮೆಸೇಜ್ ಅಡ್ಮಿನ್' ಎಂಬ ಬಟನ್‌ ಬಳಸಿ, ಸಂದೇಶ ಕಳುಹಿಸಿ, ಅಡ್ಮಿನ್ ಅನುಮತಿ ಮೇರೆಗೆ, ಸಂದೇಶಗಳನ್ನು ಪೋಸ್ಟ್ ಮಾಡುವ ಅವಕಾಶವಿರಲಿದೆ.

ವಾಟ್ಸ್ ಆ್ಯಪ್ ಡಿಲೀಟ್ ಆಯ್ಕೆ ಲಭ್ಯ