WhatsApp: ಬೀಟಾ ಆವೃತ್ತಿಯಲ್ಲಿ ನೈಟ್ ಮೋಡ್

ಅತಿಹೆಚ್ಚಿನ ಬಳಕೆದಾರರನ್ನು ಹೊಂದಿರುವ ಜನಪ್ರಿಯ ಮೆಸೇಜಿಂಗ್ ಆ್ಯಪ್ ವಾಟ್ಸಪ್ ಆ್ಯಂಡ್ರಾಯ್ಡ್ ಬೀಟಾ ಆವೃತ್ತಿಯಲ್ಲಿ ನೈಟ್ ಮೋಡ್ ಪರಿಚಯಿಸಿದೆ.

ರಾತ್ರಿ ಹೊತ್ತು ಹೆಚ್ಚು ಸಮಯ ವಾಟ್ಸಪ್‌ನಲ್ಲಿ ಕಳೆಯುತ್ತಿರುವ ಬಳಕೆದಾರರು ಕಣ್ಣಿಗೆ ತೊಂದರೆಯಾಗುತ್ತಿರುವುದರಿಂದ ಮತ್ತು ಸ್ಮಾರ್ಟ್‌ಫೋನ್ ಬ್ಯಾಟರಿ ಉಳಿಸುವ ಸಲುವಾಗಿ ನೈಟ್ ಮೋಡ್, ಡಾರ್ಕ್‌ ಮೋಡ್‌ಗೆ ಬೆಂಬಲ ನೀಡುವಂತೆ ಕೇಳಿಕೊಂಡಿದ್ದರು.

ಅದರಂತೆ ಬಹುಬೇಡಿಕೆಯ ನೈಟ್ ಮೋಡ್ ಅನ್ನು ಬೀಟಾ ಟೆಸ್ಟಿಂಗ್ ಆವೃತ್ತಿಯಲ್ಲಿ ವಾಟ್ಸಪ್ ಪರಿಚಯಿಸಿದ್ದು, ಪರಿಶೀಲನೆಯಲ್ಲಿದೆ.

2.19.139 ಬೀಟಾ ಆವೃತ್ತಿಯಲ್ಲಿ ಸ್ಟೇಟಸ್, ಕಾಲ್‌ ಆಯ್ಕೆಗೆ ನೈಟ್‌ ಮೋಡ್ ದೊರೆಯುತ್ತಿದೆ. ಮುಂದೆ ಎಲ್ಲ ಆಯ್ಕೆಗೂ ನೈಟ್ ಮೋಡ್ ಪರಿಚಯಿಸಲಾಗುತ್ತಿದ್ದು, ಅಂತಿಮ ಹಂತದ ಪರಿಶೀಲನೆಯ ಬಳಿಕ ಬಳಕೆದಾರರಿಗೆ ಲಭ್ಯವಾಗಲಿದೆ ಎಂದು ವಾಟ್ಸಪ್ ಅಪ್‌ಡೇಟ್ ಕುರಿತು ಮಾಹಿತಿ ನೀಡುವ ವಾಬೀಟಾ ಇನ್ಫೋ ಹೇಳಿದೆ.