ವಾಟ್ಸಪ್ ಬಳಕೆದಾರರೇ ಎಚ್ಚರ; ಈ ಕೂಡಲೇ ಅಪ್‌ಗ್ರೇಡ್ ಮಾಡಿ!

ಹೊಸದಿಲ್ಲಿ: ಜಗತ್ತಿನ ಮುಂಚೂಣಿಯ ಮೆಸೆಜಿಂಗ್ ಫ್ಲ್ಯಾಟ್‌ಫಾರ್ಮ್ ಆಗಿರುವ ಫೇಸ್‌ಬುಕ್ ಅಧೀನತೆಯಲ್ಲಿರುವ ವಾಟ್ಸಪ್, ಈ ಕೂಡಲೇ ಬಳಕೆದಾರರಿಗೆ ಆ್ಯಪ್ ಅಪ್‌ಗ್ರೇಡ್ ಮಾಡಲು ಸೂಚನೆಯನ್ನು ರವಾನಿಸಿದೆ.

ವಾಟ್ಸಪ್ ಇಂತಹದೊಂದು ಎಚ್ಚರಿಕೆಯನ್ನು ರವಾನಿಸಲು ಕಾರಣವೊಂದಿದೆ. ವಾಟ್ಸಪ್‌ನಲ್ಲಿ ಭದ್ರತಾ ದೋಷ ಕಂಡುಬಂದಿದ್ದು, ಸಂಸ್ಥೆಯು ಇದನ್ನು ಪತ್ತೆ ಹಚ್ಚಿದೆ.

ಕೋಡ್ ಮೂಲಕ ಬರುವ ಕರೆಯನ್ನು ಸ್ವೀಕರಿಸಿದರೂ ಸ್ವೀಕರಿಸದಿದ್ದರೂ ನಿಮ್ಮ ಮೊಬೈಲ್ ಫೋನ್‌ಗಳು ಹ್ಯಾಕ್ ಆಗುವ ಸಂಭವವಿದೆ. ಈ ಮೂಲಕ ನಿಮ್ಮೆಲ್ಲ ಖಾಸಗಿ ಮಾಹಿತಿಗಳು ಸೋರಿಕೆಯಾಗುವ ಭೀತಿಯಿದೆ.

ಇದನ್ನು ಮನಗಂಡಿರುವ ವಾಟ್ಸಪ್ ತುರ್ತಾಗಿ ಅಪ್‌ಗ್ರೇಡ್ ಆವೃತ್ತಿಯನ್ನು ಬಿಡುಗಡೆಗೊಳಿಸಿದೆ. ಹಾಗೆಯೇ ಬಳಕೆದಾರರಲ್ಲೂ ಆದಷ್ಟು ಬೇಗನೇ ಅಪ್‌ಗ್ರೇಡ್ ಮಾಡುವಂತೆ ಕರೆ ನೀಡಿದೆ. ಈ ಮೂಲಕ ಅಪಾಯಯವನ್ನು ತಪ್ಪಿಸಬಹುದಾಗಿದೆ.

ಏನೆಲ್ಲ ಹ್ಯಾಕ್ ಆಗಬಹುದು?
ನಿಮ್ಮ ಕಾಲ್ ಲಾಗ್, ಡಾಕ್ಯುಮೆಂಟ್, ಇಮೇಲ್, ಮೆಸೆೇಜ್, ಫೋಟೋ, ವೀಡಿಯೋ ಹೀಗೆ ಎಲ್ಲ ಮಾಹಿತಿಗಳು ಸೋರಿಕೆಯಾಗುವ ಭೀತಿಯಿದೆ.

ಅಷ್ಟಕ್ಕೂ ವಾಟ್ಸಪ್‌ಗೆ ತಟ್ಟಿರುವ ಹ್ಯಾಕ್ ದೋಷವು ಎಷ್ಟು ಬಳಕೆದಾರರಿಗೆ ಪರಿಣಾಮ ಬೀರಿದೆ ಎಂಬುದು ತಿಳಿದು ಬಂದಿಲ್ಲ. ಈ ಬಗ್ಗೆ ನಿಖರ ತನಿಖೆ ಮುಂದುವರಿಯುತ್ತಿದೆ.

ಇಸ್ರೇಲ್ ಸೈಬರ್ ಇಂಟೆಲಿಜೆನ್ಸ್ ಸಂಸ್ಥೆ ಎನ್‌ಎಸ್ಒ ಗ್ರೂಪ್‌ನಿಂದ ಸ್ಪೈವೇರ್ ಹರಡಿರುವ ಬಗ್ಗೆ ಶಂಕೆ ವ್ಯಕ್ತಪಡಿಸಲಾಗಿದೆ.