ವಾಟ್ಸ್​ಆ್ಯಪ್​ ಚಾಟ್ ಬಾಕ್ಸ್​ನಲ್ಲಿ ಹೊಸ ಫೀಚರ್: ಬಳಕೆದಾರರು ಫುಲ್ ಖುಷ್

ಫೇಸ್ಬುಕ್ ಒಡೆತನದ ವಾಟ್ಸ್ಆ್ಯಪ್ ಎಷ್ಟು ಜನಪ್ರಿಯತೆ ಪಡೆದಿದೆ ಎಂದರೆ ವಿಶ್ವದಲ್ಲಿ ಅಂದಾಜು 200 ಕೋಟಿಗೂ ಅಧಿಕ ಬಳಕೆದಾರರನ್ನು ಹೊಂದಿ ಮುನ್ನುಗ್ಗುತ್ತಿದೆ. ಈಗಂತು ಬಳಕೆದಾರರಿಗೆ ವಾಟ್ಸ್ಆ್ಯಪ್ ಮತ್ತಷ್ಟು ಹತ್ತಿರವಾಗುತ್ತಿದೆ. ಇದನ್ನೆ ಗಮನದಲ್ಲಿಟ್ಟುಕೊಂಡು ಅನುಕೂಲವಾಗುವಂತೆ ಹೊಸ ಹೊಸ ಫೀಚರ್ಗಳನ್ನು ಬಿಡುಗಡೆ ಮಾಡುತ್ತಿದೆ. ಸದ್ಯ ಮೆಸೆಜಿಂಗ್ ಅಪ್ಲಿಕೇಶನ್ ವಾಟ್ಸ್ಆ್ಯಪ್ ಬಳಕೆದಾರರಿಗೆ ಹೊಸ ಫೀಚರ್ ಒಂದನ್ನು ಪರಿಚಯಿಸಲು ಮುಂದಾಗಿದೆ.

ವಾಟ್ಸ್ಆ್ಯಪ್ ತನ್ನ ಚಾಟ್ ಬಾಕ್ಸ್ ಥೀಮ್ ಕಲರ್ ಬದಲಾಯಿಸುವ ಆಯ್ಕೆಯನ್ನು ಗ್ರಾಹಕರಿಗೆ ನೀಡಲು ಮುಂದಾಗಿದೆ. ವರದಿಗಳು ಹೇಳುವಂತೆ ಬಳಕೆದಾರರು ತಮಗೆ ಇಷ್ಟವಾದ ಬಣ್ಣವನ್ನು ವಾಟ್ಸ್ಆ್ಯಪ್ ಚಾಟ್ ಬಾಕ್ಸ್ ಥೀಮ್ ಗೆ ಅನ್ವಯಿಸಬಹುದು. ಈ ಹೊಸ ಫೀಚರ್ ಪ್ರಗತಿಯಲಗಲಿದ್ದು ಶೀಘ್ರದಲ್ಲೇ ಬಳಕೆದಾರರಿಗೆ ಲಭ್ಯವಾಗಲಿದೆಯಂತೆ.

33W ಫಾಸ್ಟ್ ಚಾರ್ಜಿಂಗ್ನ ವಿವೋ X60T ಸ್ಮಾರ್ಟ್‌ಫೋನ್ ಬಿಡುಗಡೆ: ಬೆಲೆ ಎಷ್ಟು?

ಈಗಾಗಲೇ ವಾಟ್ಸ್ಆ್ಯಪ್ ನಲ್ಲಿ ವಾಯ್ಸ್ ಫೀಚರ್‍ ಇದೆ. ಮತ್ತೊಂದು ಮಾಹಿತಿ ಪ್ರಕಾರ ಮುಂದಿನ ದಿನಗಳಲ್ಲಿ ಇದರ ವೇಗ ನಿಯಂತ್ರಿಸುವ ಅವಕಾಶವನ್ನು ಬಳಕೆದಾರರಿಗೆ ನೀಡಲಿದೆಯಂತೆ. ಕೆಲ ದಿನಗಳ ಹಿಂದೆಯಷ್ಟೇ ವಾಟ್ಸ್ಆ್ಯಪ್ ಡೆಸ್ಕ್ ಟಾಪ್ ಮೇಲೆಯೂ ಆಡಿಯೋ ಹಾಗೂ ವಿಡಿಯೋ ಕಾಲ್ ಸೌಲಭ್ಯ ಒದಗಿಸಿದೆ.

ಇನ್ನೂ ವಾಟ್ಸ್ಆ್ಯಪ್ ತನ್ನ ಮುಂದಿನ ಅಪ್ಡೇಟ್ನಲ್ಲಿ ಲಾಗ್ ಔಟ್ ಫೆಸಿಲಿಟಿ ವೈಶಿಷ್ಟ್ಯವನ್ನು ಪರಿಚಯಿಸಲಿದೆ ಎನ್ನಲಾಗುತ್ತಿದೆ. ಬಳಕೆದಾರರ ಸುರಕ್ಷತೆಗೆ ಹೆಚ್ಚಿನ ಒತ್ತುನೀಡುವ ನಿಟ್ಟಿನಲ್ಲಿ ನಿರ್ಧಾರವನ್ನು ಕೈಗೊಂಡಿದೆ. WABetaInfo ಪ್ರಕಾರ, ಈ ವೈಶಿಷ್ಟ್ಯವನ್ನು ಇನ್ನೂ ಸಾರ್ವಜನಿಕಗೊಳಿಸಲಾಗಿಲ್ಲ ಮತ್ತು ಇದನ್ನು ಟೆಸ್ಟ್ ಫ್ಲೈಟ್ ಬೀಟಾ ಪ್ರೊಗ್ರಾಮ್ ಅಡಿಯಲ್ಲಿ ನವೀಕರಿಸಲಾಗಿದೆ. ಈ ಮೂಲಕ ಗೌಪ್ಯತೆಗೆ ಮತ್ತಷ್ಟು ಹೆಚ್ಚು ಒತ್ತು ನೀಡಲಿದೆ. ಈಗಾಗಲೇ ವಾಟ್ಸ್ಆ್ಯಪ್ ವೆಬ್ನಲ್ಲಿ ಈ ಆಯ್ಕೆ ಇದೆ. ಆದರೆ ಆ್ಯಪ್ನಲ್ಲಿ ಲಾಗ್ ಔಟ್ ಆಯ್ಕೆ ಇಲ್ಲ.

ಶವೋಮಿಯ ಅತ್ಯಂತ ಪವರ್ ಫುಲ್ ಸ್ಮಾರ್ಟ್ಫೋನ್ ರಿಲೀಸ್ಗೆ ದಿನಾಂಕ ನಿಗದಿ: ಏನು ವಿಶೇಷತೆ?