Wipro: 12,000 ಮಂದಿ ನೇಮಕ

ಎಲ್ಲೆಡೆ ಉದ್ಯೋಗ ಕಡಿತದ ಹಿನ್ನಡೆ ಉಂಟಾಗುತ್ತಿರುವ ಸಂದರ್ಭದಲ್ಲಿ ಕೆಲ ಪ್ರಮುಖ ಕಂಪನಿಗಳು ಭಾರಿ ನೇಮಕಾತಿಗೆ ಮುಂದಾಗಿವೆ. ಐಟಿ ದಿಗ್ಗಜ ವಿಪ್ರೊ 2020-21ರಲ್ಲಿ 12,000 ಮಂದಿಯನ್ನು ಕ್ಯಾಂಪಸ್‌ ಸಂದರ್ಶನಗಳ ಮೂಲಕ ನೇಮಕಾತಿ ಮಾಡಿಕೊಳ್ಳಲಿದೆ.

ಇದರ ಜತೆಗೆ ವಿಪ್ರೊ ಅಮೆರಿಕದಲ್ಲಿ ಸ್ಥಳೀಯರ ನೇಮಕಾತಿಯನ್ನೂ ಹೆಚ್ಚಿಸಿದೆ. ಅಮೆರಿಕದಲ್ಲಿ 2-3 ವರ್ಷ ಅನುಭವ ಇರುವವರನ್ನು ನೇಮಕ ಮಾಡಿಕೊಳ್ಳಲಾಗುತ್ತಿದೆ ಎಂದು ಕಂಪನಿಯ ಮಾನವ ಸಂಪನ್ಮೂಲ ವಿಭಾಗದ ಮುಖ್ಯಸ್ಥ ಸೌರಭ್‌ ಗೋವಿಲ್‌ ತಿಳಿಸಿದ್ದಾರೆ. ಮೂರನೇ ತ್ರೈಮಾಸಿಕದಲ್ಲಿ ವಿಪ್ರೊ 5,865 ಮಂದಿಯನ್ನು ನೇಮಿಸಿದೆ. ಇದರಿಂದಾಗಿ ಉದ್ಯೋಗಿಗಳ ಸಂಖ್ಯೆ 187,318ಕ್ಕೆ ಏರಿದೆ.

ಶವೋಮಿ ನೇಮಕಾತಿಭಾರತದಲ್ಲಿ 50,000 ಉದ್ಯೋಗಗಳನ್ನು ಸೃಷ್ಟಿಸಿರುವುದಾಗಿ ಚೀನಾ ಮೂಲದ ಸ್ಮಾರ್ಟ್‌ಫೋನ್‌ ಉತ್ಪಾದಕ ಶವೋಮಿ ತಿಳಿಸಿದೆ. ಶವೋಮಿಯ ಉತ್ಪಾದಕ ಪಾಲುದಾರರು ಭಾರತದಲ್ಲಿ ವ್ಯಾಪಕವಾಗಿ ನೇಮಕಾತಿ ಮಾಡಿಕೊಳ್ಳುತ್ತಿದ್ದು, ಮಹಿಳೆಯರಿಗೂ ಉದ್ಯೋಗಾವಕಾಶ ಕಲ್ಪಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.